Hanau shooting: જર્મનીના હનાઉમાં બે સ્થળે ગોળીબારમાં 8 લોકોનાં મૃત્યુ, હુમલાખોર ફરાર

જર્મનીના હનાઉ શહેરમા બે સ્થળોએ ગોળીબારની ઘટના બની છે જેમાં અત્યાર સુધી 8 લોકોનાં મૃત્યુ થયાં છે.

આ ઘટનામાં કમ સે કમ 5 લોકો ઘાયલ થયાં છે એવી જાણકારી સ્થાનિક મીડિયા રિપોર્ટ્સ પરથી મળે છે.

પોલીસે બીબીસીને કહ્યું કે સ્થાનિક સમય મુજબ અંદાજે રાત્રે 10 વાગે આ ઘટના બની છે.

અહેવાલ મુજબ અજ્ઞાત હુમલાખોરે પહેલાં શહેરના બારમાં ગોળીઓ વરસાવી. ગોળીબારીની બીજી ઘટના હનાઉની પાસે કેસેલ્તાદ વિસ્તારમાં બની.

ગોળીબાર કરનારી વ્યક્તિ હાલ ફરાર છે અને પોલીસ હૅલિકૉપ્ટરની મદદથી એમને શોધી રહી છે.

સ્થાનિક મીડિયા મુજબ અજાણી વ્યક્તિએ સૌપ્રથમ શિશા બારમાં ગોળીબાર કર્યો અને ત્યાં 4 લોકોનાં મૃત્યુ થયાં. એ પછી ગોળીબારની બીજી ઘટના કેસેલ્તાદમાં બની જ્યાં 5 લોકોનાં મૃત્યુ થયાં છે.

ગોળીબાર કરનાર વ્યક્તિનો મકસદ શું હતો તે હજી સ્પષ્ટ થયું નથી.

જર્મન અખબાર બિલ્ડનું કહેવું છે કે સંદિગ્ધ હુમલાખોરો ગોળીબાર કરીને નાસી છૂટ્યા છે.

ઉલ્લેખનીય છે કે હનાઉ હેસેન રાજ્યનું એક શહેર છે જો ફ્રેંકફર્ટથી પૂર્વમાં 25 કિલોમિટરના અંતરે આવેલું છે.

આ ઘટનામાં હજી વિગતો ઉમેરાઈ રહી છે.

તમે અમને ફેસબુક, ઇન્સ્ટાગ્રામ, યૂટ્યૂબ અને ટ્વિટર પર ફોલો કરી શકો છો