BBC News, Pidgin
Waka go wetin de inside

You dey view text-only version of dis website wey dey use small data. Check di main version of di website wey get all images and videos.

Carry me go di main website

Ukraine's president, Zelensky say Russian shelling dey affect evacuation for Mariupol

Latest news updates on Ukraine-Russia war and di big tori dem from around di world.

Live Coverage

  1. Recap: Wetin di situation be today for Russia-Ukariane war?

    Here be di latest developments so far today:

    • One senior US defence official tok some Russians don surrender
    • Russia foreign minister, Sergei Lavrov, receive diplomatic boycott for di United Nations for Geneva.
    • Many civilians for Ukraine exchange pen and keyboards for guns as dem ready to fight to death to protect dia kontri.
    • Di Russian defence ministry bin warn residents of Kyiv say dem dey prepare to hit targets for di capital
    • One large plume of smoke rise near di capital city TV tower – e no dey clear if e dey directly hit
    • One big convoy of armoured vehicles dey move close to di city but dia progress dey frustrate by breakdowns, analysts tok
    • Earlier today one Russian missile hit government offices for Ukraine second city Kharkiv, kill at least 10 pipo
    • Ukrainian President Volodymyr Zelensky say no military targets for di area, and say Russia dey commit war crimes.
    • E bin address di European Parliament for videolink and beg for EU membership for Ukraine
    • Di UN refugee agency tok say more dan 660,000 pipo don japa from Ukraine so far
    • Nato chief Jens Stoltenberg accuse Vladimir Putin say e "shatter peace for Europe"
    • UK Prime Minister Boris Johnson, for trip to Poland, say di Russian president dey engage for "barbaric and indiscriminate" tactics wey target civilians

  2. FG, ASUU hold tok to end one month strike

    Di Academic Staff Union of Universities and Nigeria goment delegation don resume tok on how to end di lingering ASUU strike.

    Dis be di second time wey representatives from both group dey meet to chook mouth on top ASUU demand since dem declare dia one month warning strike on February 14.

    ASUU go strike sake of say dem dey demand improved welfare, revitalisation of public universities and university autonomy and dem want goment to implement dia 2009. Briefing tori pipo before dem enta close door meeting wey don last close to 5 hours, Emmanuel Osodeke say dem don tire to di sign memorandum of understanding and dat dem no ready to sign any letter or document again and dat dem want specific action from goment.

    E explain give say if goment ready to tackle dia problem, three days dey enough to solve am.

    E yarn give say di way dem di handle di education sector for di kontri, e fit cause wetin dey happun for Ukraine.

    Di Minister of Labour and Productivity, Chris Ngige say goment go do everytin to ensure say dem shaperly resolve dia mata. But e say e no happy on top di slow process wey ASUU group di handle di process wey go lead to di evaluation process for dia payment system wey be UTAS.

    Ngige say di union dey delay di process to finalise wit di National Information Technology Development Agency (NITDA) wey be di agency wey dey in charge to test weda di payment system dey okay.

  3. Some Russians don surrender but situation remain grave - US

    One senior US defence official don tok about di latest assesment of di Russian invasion, as di Pentagon see am.

    Dio official bin report low morale among some Russians, wey still never establish air superiority afta six days and never take over di port city of Mariupol. Some units don surrender, di official tok.

    However, Russian troops don take di nearby port city of Berdyansk, and Metropol town further inside di west.

    Di Pentagon add say:

    Russia don launch some 400 missiles, but di Ukrainian anti-missile defence system still dey effective.

    Launchers wey fit dey used for thermobaric weapons don dey seen inside Ukraine, but US intelligence no fit confam if any thermobaric weapons dey di country

    Some 80% of Russian troops wey bin don surround Ukraine now dey inside di country

    Sign dey say some Russian units dey run out of food and fuel

    Aid dey flow enter di country, but to establish one no-fly zone dey outside of possibility of options ,di official tok.

  4. Western ambassadors turn dia back waka comot from Russian foreign minister

    Russia foreign minister, Sergei Lavrov, receive diplomatic boycott for di United Nations for Geneva.

    Lavrov, wey bin dey address both di UN human rights council and di UN conference on disarmament, receive walkout as greeting by Western ambassadors just as im begin to speak.

    Im bin dey look forward to striding di diplomatic stage again for Geneva - Europe closed airspace put full stop to dat.

    Instead, wen im speech through video link begin to play, Western ambassadors waka comot - Oga Lavrov spoke to dia backs as dem dey waka comot.

    Russia foreign minister den go, virtually, to di UN human rights council. Dia too di chamber dey empty.

    Di irony: much of Lavrov speech na actually about security – or Russia idea of am.

    E allege say Ukraine fit try to acquire nuclear weapons but no give evidence, come add say time for US missiles for Europe to go home don reach.

  5. How di sanctions dey affect Russians

  6. Pipo for Ukraine don exchange dia pen and keyboard for guns

    Many civilians for Ukraine don exchange di pen and keyboards for guns as dem ready to fight to death to protect dia kontri.

    Ukraine goment give thousands of weapons to civilians for di kontri capital Kyiv.

  8. Five pipo dey reported dead for attack on Kyiv TV tower

    Ukraine authorities don reveal say five pipo die for one Russian attack ofr di main television tower for di capital, Kyiv.

    Di blast bin take some broadcast off air and also affect one memorial for victims of Nazi Holocaust wey bin dey nearby.

    BBC Monitoring understand say five more pipo dey injured for di missile strike.

    But di 380-metre (1,250ft) TV tower still dey standing.

  9. Nigeria Lawmakers vote against special seat for women for National Assembly

    Nigeria lawmakers don vote against one bill wey want special seats for women for National and State Houses of Assembly on Tuesday.

    Di bill face defeat for Senate wit 58 votes out of 91.

    For House of Representatives na 208 out of 290 lawmakers vote against am.

    Wife of Vice President, Dolapo Osinbajo bin dey present on di floor wen House of Representatives members vote.

    For interview afta di vote, Madam Osinbajo say di defeat of dis bill no go be end of women struggle for inclusion for Nigerian politics.

    Minister of Women Affairs, Pauline Tallen, say di vote na show of shame.

  10. Ukraine conflict: Disney, Warner, Sony don pause release of films for Russia

    Warner Bros, Disney and Sony don pause di release of films for Russian cinemas afta di invasion of Ukraine.

    Di announcement mean say di release of major movies like di - The Batman, Turning Red and Morbius no dey go ahead as scheduled for di kontri.

    Dis dey come as goments around di world dey dish out sanctions against Moscow.

    In recent days, global corporations wey include car makers and energy giants don cut business ties wit Russia.

    Warner Bros blockbuster, Di Batman supposed dey released on Russia on Friday.

    One tok-tok pesin say "In light of di humanitarian crisis for Ukraine, Warner Media dey pause di release of dia feature film 'The Batman' for Russia,"

    Meanwhile, Disney don delay di Russian release of di Pixar animated film, Turning Red.

    Di entertainment giant add say dem go wor with non-governmental organisations to provide "urgent aid and oda humanitarian assistance to refugees".

  11. Nigerian lawmakers don okay autonomy for local goments

    Di National Assembly don givefinancial and administrative autonomy(Independence) to all dilocal goments for dikontri.

    Di Lawmakers wey start to vote todayMarch 1, 2022 for joint session to amend 68 Constitution Amendment bills, vote electronically.

    Di House of Representatives and Senate vote in favour of di Local goment as di arm of government, dem also guarantee diademocratic existence and tenure.

    258 members vote for di House of Representatives vote 'YES' while 15 vote "NO"

    Senate vote 92 "YES and 2"NO"

    For di House of Representatives, dibill to create special accounts from wia dem go dey get moneyfor local governments directly and pay dem directlyfrom diFederation Account get 257 ‘YES’ votes and 9 ‘NO.’ votes.

    Local goment administrative autonomy get 88"YES" and 4 "No"

  12. Prince Charles condemn 'brutal aggression' against Ukraine

    For di strongest comments so far from di Royal Family about Russia invasion, Prince Charles don sama warning as assault on democratic values.

    For one ceremony to mark Southend becoming a city, Prince Charles link di killing of MP Sir David Amess wit attacks on Ukraine.

    "Wetin we see for di terrible tragedy for Southend na attack on democracy, on open society, on freedom itself. We dey see dis same same values under attack today for Ukraine for di most unconscionable way," Prince Charles tok.

    "We dey in solidarity wit all those wey dey resist brutal aggression."

    Di Duke and Duchess of Cambridge bin previously tweet say dem "stand wit di president and pipo of Ukraine as dem bravely fight for dat future".

  13. Moredan 660,000 pipo don run comot Ukraine - UN

    We don get updated figure on di number of pipo wey don japa from fled Ukraine since Russia's invasion six days ago.

    Di UN refugee agency say more dan 660,000 people - mostly women and children – don japa so far.

    Shabia Mantoo, toktok pesin of di UN's refugee agency during one briefing for Switzerland tok say reports of pipo waiting for up to 60 hours to enter Poland dey, while queues for di Romanian border dey up to 20km (12 miles) long.

    Dis train station for di Polish border city of Przemyśl don become safe haven for thousands of people fleeing Ukraine thousands of pipo wey dey run comot Ukraine

  14. 'Dem treat us like animals', Ukraine border officials no allow Africans cross di border to safety.

    Some African and Asians conplain say Ukraine border officials no allow dem cross di borders to safety.

    Dey complain say dem dey treat dem like animals. Some of di officials even turn dem to cleaners as dia ticket to cross border.

    According to international law, everybody get di right to cross international border during conflict.

    Dis one make wetin di Ukraine border officials dey do dey against di law.

  15. Russia warn say e go hit targets for Kyiv

    Di Russian defence ministry don issue warning to pipo wey dey stay for Kyiv say e dey prepare to hit targets for di Ukrainian capital.

    For inside statement wey dem issue on Tuesdy afternoon, Russian officials tok say dia forces dey prepare to launch ''high-precision' strikes'' against ''technological centres of di Ukrainian Security Service and di 72nd main PsyOps centre fo Kyiv''.

    ''We dey urge Ukrainian pipo who di nationalits dey use to carry out provocations against Russia, as well as Kyiv residents wey dey live near relay stations to leave dia home,'', di statement add join.

    Officials claim say dem dey carry out di strikes to ''prevent informate attacks against Russia''.

  16. Women wit disabilities join NLC and oda women groups to chook mouth for Constitution review mata

    Thousands of Nigerian workers and women groups gada for inside National Assembly to chook mouth for di 1999 Constitution Review.

    Di Nigeria Labour Congress dey ask for Local goment, Legislative and Judicial autonomy, while di women groups dey ask for Equality for politics and society.

    Women wit disabilities follow join di waka as wife of Nigeria Vice President say she dey proud of di women. Mrs Yemi Osinbajo assure di women say di Lawmakers go heat dia voice.

    Meanwhile President of di Nigeria Labour Congress say fuel price no go increase. "

    "Dem import bad fuel and dey fake fuel scarcity becos dem wan force use to accept increase in fuel price, but we go kontinu to resist increase of fuel price"

    Di Lawmakers go start to vote today to amend di Constitution.

  17. AU condemn reports of racism for Ukraine border

    Di African Union say e dey disturbed by reports say Africans for Ukraine dey refused di right to cross di border to safety.

    Di body advice all kontris to respect international law and offer assistance to everyone wey dey run comot from di war irrespective of their race.

    "Reports say Africans dey singled out for unacceptable dissimilar treatment go be shockingly racist and go dey against international law," AU tok for inside statement e issue late Monday.

    Di union hail member countries and dia embassies for kontris wey be neigbhour wit Ukraine wey dey support those wey run from di war.

    Africans wey dey live for Ukraine don complain of racism for di Ukraine-Poland border.

  18. Buhari ask Senate to amend di new Electoral Act 2022 wey im just sign

    President Muhammadu Buhari don ask Senate to amend di new Electoral Act 2022 wey im just sign.

    For letter wey e address to di Senate President Ahmed Lawan for plenary, e ask dem to consider to delete completely Section 84 (12).

    Di section tok say make political appointees resign before party primaries.

    President Buhari say e go disenfrancise political appointees.

  19. If you just dey join us now

    Good morning. na another bloody night e be as Russia continues im full-on assault on Ukraine.

    Dis na wetin you need sabi to bring you up to speed:

    • At least 70 soldiers die for one Russian artillery strike, Ukrainian officials confam am. Emergency workers dey check through rubble dey try to find survivors
    • Di regional centre of Kherson don dey surrounded by Russian troops, according to reports, wit soldiers and military equipment reportedly "on all sides"
    • Di Russian army steadily dey continue im advance on Kyiv, wit satellite images dey show an armoured convoy wey dey about 40 miles (65km) long
    • Dozens of civilians die earlier on Monday for Russian missile strikes on Ukraine second-largest city, Kharkiv
    • Ukraine goment say plans deyo sell war bonds to pay for im armed forces

    40 mile-long Russian convoy dey head to Kyiv New satellite pictures released by one American technology firm show say one long Russian military convoy dey head towards di Ukrainian capital, Kyiv.

    E now stretch for more than sixty kilometres, according to di American technology.

    Di company, Maxar Technologies, say di convoy include armoured vehicles, tanks and artillery.

    E fit be like less than thirty kilometres from di centre of Kyiv.

    British intelligence has announced that the convoy has made little progress in the past twenty four hours because of logistical issues.

  20. Senator wey Zamfara govnor appoint as deputy don resign

    Di senator wey dey represent Zamfara Central Senatorial District, Muhammad Nasiha sdon resign.

    Dis dey happun becos Govnor of Zamfara State Bello Matawalle appoint am to be im deputy.

    Nasiha dey replace Mahadi Ali wey House of Assembly pursue comot last week.

    Senate President Ahmed Lawan naim read di resignation letter for plenary today wey announce to di lawmaker say e don resign.