ਤੁਸੀਂ ਇਸ ਵੈੱਬਸਾਈਟ ਦਾ ਸਿਰਫ਼-ਟੈਕਸਟ ਵਰਜ਼ਨ ਦੇਖ ਰਹੇ ਹੋ ਜੋ ਘੱਟ ਡਾਟਾ ਵਰਤਦਾ ਹੈ। ਸਾਰੀਆਂ ਤਸਵੀਰਾਂ ਅਤੇ ਵੀਡੀਓ ਸਮੇਤ ਵੈੱਬਸਾਈਟ ਦਾ ਮੁੱਖ ਵਰਜ਼ਨ ਦੇਖੋ।
ਸਚਿਨ ਤੇਂਦੁਲਕਰ ਲੱਭ ਰਹੇ ਨੇ ਆਪਣੀ ਪਹਿਲੀ ਕਾਰ, ਫੈਨਜ਼ ਨੂੰ ਕੀ ਕਿਹਾ
ਸਾਬਕਾ ਭਾਰਤੀ ਕ੍ਰਿਕਟਰ ਅਤੇ ਮਾਸਟਰ ਬਲਾਸਟਰ ਸਚਿਨ ਤੇਂਦੁਲਕਰ ਨੇ ਆਪਣੇ ਫੈਨਜ਼ ਨੂੰ ਕਿਹਾ ਹੈ ਕਿ ਉਹ ਉਨ੍ਹਾਂ ਦੀ ਪਹਿਲੀ ਕਾਰ ਲੱਭਣ ਵਿੱਚ ਮਦਦ ਕਰਨ।
ਸਚਿਨ ਤੇਂਦੁਲਕਰ, ਜਿਨ੍ਹਾਂ ਨੂੰ ਨਵੀਆਂ-ਨਵੀਆਂ ਕਾਰਾਂ ਦਾ ਕਾਫ਼ੀ ਸ਼ੌਂਕ ਹੈ, ਉਨ੍ਹਾਂ ਨੇ ਕਿਹਾ ਹੈ ਕਿ ਉਨ੍ਹਾਂ ਦੀ ਪਹਿਲੀ ਗੱਡੀ 'ਮਾਰੂਤੀ 800' ਸੀ। ਇਹ ਗੱਡੀ 1990 ਵਿੱਚ ਭਾਰਤ 'ਚ ਕਾਫ਼ੀ ਮਸ਼ਹੂਰ ਸੀ।
ਸਚਿਨ ਨੇ ਆਪਣੇ ਫੈਨਜ਼ ਨੂੰ ਕਿਹਾ ਹੈ ਕਿ ਜੇਕਰ ਕਿਸੇ ਨੂੰ ਉਹ ਗੱਡੀ ਮਿਲਦੀ ਹੈ, ਤਾਂ ਉਨ੍ਹਾਂ ਨਾਲ ਸੰਪਰਕ ਜ਼ਰੂਰ ਕਰਨ। ਹਾਲਾਂਕਿ ਉਨ੍ਹਾਂ ਨੇ ਇਸਦੇ ਬਾਰੇ ਵਧੇਰੇ ਜਾਣਕਾਰੀ ਨਹੀਂ ਦਿੱਤੀ।
ਇਹ ਵੀ ਪੜ੍ਹੋ:
ਸਚਿਨ ਤੇਂਦੁਲਕਰ 2013 ਵਿੱਚ ਰਿਟਾਇਰ ਹੋ ਗਏ ਸਨ ਪਰ ਇਸਦੇ ਬਾਵਜੂਦ ਉਹ ਲਗਾਤਾਰ ਇੱਕ ਮਸ਼ਹੂਰ ਹਸਤੀ ਹਨ।
ਉਨ੍ਹਾਂ ਨੇ ਇੱਕ ਵੈੱਬ ਸ਼ੋਅ ਵਿੱਚ ਕਿਹਾ ਕਿ ਪ੍ਰੋਫੈਸ਼ਨਲ ਕ੍ਰਿਕਟਰ ਬਣਨ ਤੋਂ ਬਾਅਦ ਉਨ੍ਹਾਂ ਨੇ ਇਹ ਗੱਡੀ ਖਰੀਦੀ ਸੀ।
ਅਜਿਹਾ ਕਰਨ ਨਾਲ ਉਹ ਭਾਰਤੀਆਂ ਦੀ ਉਸ ਪੀੜ੍ਹੀ ਵਿੱਚ ਸ਼ਾਮਲ ਹੋ ਗਏ ਹਨ ਜਿਨ੍ਹਾਂ ਲਈ ਮਾਰੂਤੀ 800 ਇੱਕ ਕਾਰ ਤੋਂ ਕਿਤੇ ਵੱਧ ਹੈ।
ਮਾਰੂਤੀ ਕੰਪਨੀ ਨੇ 2014 ਵਿੱਚ ਇਸ ਗੱਡੀ ਦੀ ਪ੍ਰੋਡਕਸ਼ਨ ਬੰਦ ਕਰ ਦਿੱਤੀ ਸੀ, ਜਿਸ ਨਾਲ ਕਈ ਲੋਕਾਂ ਨੂੰ ਦੁੱਖ ਹੋਇਆ ਸੀ।
ਸਚਿਨ ਤੇਂਦੁਲਕਰ ਨੇ ਕਿਹਾ ਇੰਟਰਨੈਸ਼ਨਲ ਕ੍ਰਿਕਟ ਵਿੱਚ ਜਾਣ ਤੋਂ ਬਾਅਦ ਉਨ੍ਹਾਂ ਨੇ ਕਈ ਗੱਡੀਆਂ ਖਰੀਦੀਆਂ ਅਤੇ ਮਾਰੂਤੀ 800 ਨੂੰ ਵੇਚ ਦਿੱਤਾ।
ਉਨ੍ਹਾਂ ਨੇ ਇਹ ਵੀ ਦੱਸਿਆ ਕਿ ਕਾਰਾਂ ਨੂੰ ਲੈ ਕੇ ਉਨ੍ਹਾਂ ਦਾ ਜੋ ਪਿਆਰ ਹੈ, ਉਸਦੀ ਪ੍ਰੇਰਣਾ ਉਨ੍ਹਾਂ ਨੂੰ ਕਿੱਥੋਂ ਮਿਲੀ।
ਉਹ ਕਹਿੰਦੇ ਹਨ,"ਮੇਰੇ ਘਰ ਦੇ ਨੇੜੇ ਇੱਕ ਓਪਨ ਡਰਾਈਵ-ਇਨ ਮੂਵੀ ਹਾਲ (ਫ਼ਿਲਮਾਂ ਵੇਖਣ ਵਾਲਾ ਹਾਲ) ਸੀ ਜਿੱਥੇ ਲੋਕ ਆ ਕੇ ਆਪਣੀਆਂ ਗੱਡੀਆਂ ਪਾਰਕ ਕਰਦੇ ਅਤੇ ਫ਼ਿਲਮਾ ਵੇਖਦੇ। ਮੈਂ ਆਪਣੇ ਭਰਾ ਨਾਲ ਬਾਲਕਨੀ ਵਿੱਚ ਖੜ੍ਹਾ ਹੋ ਕੇ ਕਈ ਘੰਟਿਆਂ ਤੱਕ ਉਨ੍ਹਾਂ ਗੱਡੀਆਂ ਨੂੰ ਵੇਖਦਾ ਸੀ।"
ਸਚਿਨ ਤੇਂਦੁਲਕਰ ਟੈਸਟ ਮੈਚਾਂ ਅਤੇ ਓਡੀਆਈ ਵਿੱਚ ਹੁਣ ਤੱਕ ਸਭ ਤੋਂ ਵੱਧ ਸਕੋਰ ਬਣਾਉਣ ਵਾਲੇ ਕ੍ਰਿਕਟਰ ਹਨ। 198 ਟੈਸਟਾਂ ਵਿੱਚ 15,837 ਰਨ ਅਤੇ 463 ਓਡੀਆਈ ਵਿੱਚ 18,426 ਰਨ ਬਣਾਏ ਹਨ।
16 ਸਾਲ ਦੀ ਉਮਰ ਵਿੱਚ ਉਨ੍ਹਾਂ ਨੇ ਪਹਿਲੀ ਵਾਰ ਇੰਟਰਨੈਸ਼ਨਲ ਮੈਚ ਖੇਡਿਆ ਸੀ ਅਤੇ 2012 ਤੱਕ ਉਹ ਇਤਿਹਾਸ ਦੇ ਇਕਲੌਤੇ ਅਜਿਹੇ ਬੱਲੇਬਾਜ਼ ਬਣ ਚੁੱਕੇ ਸਨ ਜਿਨ੍ਹਾਂ ਨੇ 100 ਇੰਟਰਨੈਸ਼ਨਲ ਮੈਚਾਂ ਵਿੱਚ ਸੈਂਕੜਾ ਜੜਿਆ ਸੀ। ਦੋ ਵਾਰ ਉਨ੍ਹਾਂ ਨੇ ਕੈਪਟਨ ਦੇ ਤੌਰ 'ਤੇ ਭਾਰਤੀ ਟੀਮ ਦੀ ਅਗਵਾਈ ਵੀ ਕੀਤੀ ਹੈ।
ਇਹ ਵੀ ਦੇਖੋ-