کورونا: دنیا بھر میں متاثرین کی تعداد 89 لاکھ سے زیادہ

دنیا بھر میں کورونا کے مصدقہ متاثرین کی تعداد 89 لاکھ سے زائد جبکہ ہلاکتوں کی مجموعی تعداد چار لاکھ 67 ہزار سے بڑھ گئی ہے۔ پاکستان میں متاثرین کی تعداد ایک لاکھ 80 ہزار سے زیادہ جبکہ اموات کی کُل تعداد 3587 ہے۔ برازیل، میکسیکو اور انڈیا کے بعد پاکستان ایسا ملک ہے جہاں اموات اور متاثرین کی تعداد کی شرح میں مسلسل تیزی سے اضافہ ہو رہا ہے۔ پاکستان متاثرین کی عالمی فہرست میں 14ویں نمبر پر آ گیا ہے۔

لائیو کوریج

19 جون 2020برطانیہ: کووڈ-19 الرٹ میں ایک درجے مزید کمی
بی بی سی کے نمائندہ برائے داخلہ امور ڈینیل سینڈ فورڈ کے مطابق برطانیہ نے کورونا وائرس کے خطرے میں ایک درجے مزید کمی کا اعلان کا ہے۔
اس وقت برطانیہ، سکاٹ لینڈ، ویلز اور شمالی آئرلینڈ میں کووڈ-19 الرٹ چار سے کم ہو کر لیول تین پر آ گیا ہے یعنی متاثرین کی تعداد میں مسلسل کمی واقع ہورہی ہے۔
لیول فور کا مطلب یہ ہے کہ ابھی کورونا وائرس کے پھیلاؤ کا خطرہ زیادہ موجود ہے جبکہ لیول تھری کا مطلب ہے کہ اب عمومی نوعیت کا ہے۔
برطانیہ، سکاٹ لینڈ، ویلز اور شمالی آئرلینڈ کے چیف میڈیکل آفیسر کا کہنا ہے کہ انھوں نے ملک میں کورونا وائرس کے خطرے پر نظرثانی کے بعد ایک درجہ کم کرنے کی سفارش کی ہے۔
اپنے بیان میں ان کا کہنا تھا کہ ان چار ممالک میں اب کورونا وائرس کے متاثرین میں تسلسل سے کمی واقع ہو رہی ہے۔
اس کا یہ مطلب نہیں ہے کہ اب یہ وبا ختم ہو گئی ہے۔ یہ وائرس اب بھی موجود ہے اور اس وبا کے مقامی سطح پر پھیلنے کا امکان موجود ہے۔
ان کا کہنا تھا کہ ہم نے عوام کے تعاون سے اس وائرس کے خلاف یہ پیش رفت کی ہے اور ابھی بھی ہمیں اس وائرس کے پھیلاؤ کو روکنے کے لیے احتیاطی تدابیر سے متعلق عوامی تعاون درکار ہے۔
19 جون 2020کورونا وائرس کے مریضوں کا علاج کرنے والے ڈاکٹر کی اپنے موبائل فون سے دوستی
کورونا وائرس کے مریضوں کا علاج کرنے والے ایک ڈاکٹر ہر وقت موبائل فون اپنے پاس رکھتے ہیں۔ جہاں وہ اس میں اپنے بچوں کی تصاویر دیکھتے ہیں، وہیں وہ اپنے مریضوں کا ریکارڈ بھی رکھتے ہیں۔
اس وائرس سے تشویشناک مریض اپنے پیاروں سے رابطے میں بھی رہتے ہیں اور ان کے براہ راست محبت بھرے پیغامات ان تک پہنچتے ہیں۔
19 جون 2020’اٹلی میں کورونا وائرس گذشتہ سال دسمبر میں پھیلا‘
اٹلی کے نیشنل ہیلتھ انسٹیٹیوٹ (آئی ایس ایس) کا کہنا ہے کہ گذشتہ برس دسمبر میں ہی کورونا وائرس شمالی اٹلی تک پھیل چکا تھا۔ تاہم اٹلی میں دو ماہ بعد اس وائرس کی باقاعدہ تشخیص ہوئی تھی۔
آئی ایس ایس کا کہنا ہے کہ اٹلی کے شہر میلان اور تورین میں جنوری میں اس وائرس کے نمونے استعمال شدہ پانی کے اندر سے ملے ہیں۔
انسٹیٹیوٹ نے اکتوبر 2019 سے لے کر فروری 2020 تک استعمال ہونے والے پانی کے نمونوں کا تجزیہ کیا ہے۔
انسٹیٹیوٹ کے واٹر کوالٹی کی ماہر جیوسپینا لا روزا کا کہنا ہے کہ اکتوبر اور نومبر 2019 میں حاصل کیے گئے نمونے نیگیٹو آئے، جس کا مطلب تھا کہ اس وقت تک وائرس نہیں پھیلا تھا۔
19 جون 2020کورونا کی وجہ سے ٹی بی کے مریضوں کا علاج متاثر ہونے کے خدشات
پنجاب کے پرائمری اینڈ سکینڈری ہیلتھ کئیر ڈیپارٹمنٹ میں ایک اعلی سطحی اجلاس منعقد ہوا ہے جس میں کورونا وائرس کی وجہ سے دیگر موذی بیماریوں کا علاج متاثر ہونے کے خدشات کا جائزہ لیا گیا۔
اس اجلاس میں عالمی ادارہ صحت کے پاکستان میں سربراہ ڈاکٹر پلیتھا مہی پالا نے بھی شرکت کی اور اس دوران صوبے میں جاری ٹی بی پروگرام کا جائزہ، کورونا وائرس کے ٹی بی پروگرام پر اثرات اور مستقبل کے لائحہ عمل پر بات چیت کی گئی۔
اس موقع پر انچارج ٹی بی کنٹرول پروگرام ڈاکٹر سعید نے تفصیلی بریفنگ دی۔ بریفنگ میں بتایا گیا کہ کورونا سے بچاؤ کے اقدامات، لاک ڈاؤن اور سفری پابندیوں کی وجہ سے ٹی بی کے مریض متاثر ہوئے ہیں جبکہ اس بیماری کا تشخیصی عمل بھی متاثر ہوا ہے۔
یہ بھی بتایا گیا کہ لاہور میں فروری سے اپریل تک لیب ٹیسٹ کے لیے آنے والے ٹی بی مریض 802 ماہانہ سے کم ہو کر 323 ہوگئے ہیں جبکہ فیصل آباد میں آنے والے مریضون کی تعداد 1005 سے کم ہو کر 683 رہ گئی ہے۔
ڈاکٹر سعید نے آگاہ کیا کہ سکریننگ کے لیے ہسپتال آنے والے ڈرگ ریزسٹنٹ مریضوں کی تعداد میں بھی لاک ڈاؤن کی وجہ سے کمی آئی ہے۔
عالمی ادارہ صحت کے پاکستان چیف کا کہنا تھا کہ کورونا کے ساتھ ساتھ صحت کے باقی مسائل کو بھی لازمی دیکھنا ہو گا۔
19 جون 2020کورونا سے صحت یاب ہونے میں کتنا وقت لگتا ہے؟
دنیا میں اب تک لاکھوں افراد کووڈ 19 سے مکمل صحت یاب ہو چکے ہیں لیکن صحت یابی کا دورانیہ مختلف لوگوں میں مختلف ہو سکتا ہے۔
کم علامات والے متاثرین ایک ہفتے میں صحت یاب ہوسکتے ہیں جبکہ ماہرین کے مطابق سنگین معاملات میں یہ دورانیہ ایک سال سے زیادہ بھی ہو سکتا ہے۔
19 جون 2020پنجاب کی عوام احتیاطی تدابیر پر عمل کر رہی ہے: عثمان بزدار
وزیر اعلی پنجاب سردار عثمان بزدار کا کہنا ہے کہ گذشتہ دس دنوں کے دوران عوام کی جانب سے کورونا سے متعلقہ قواعد و ضوابط خاص طور پر ماسک پہننے کی شرط پر عملدرآمد میں کافی بہتری دیکھی گئی ہے جو کہ ایک خوش آئند بات ہے۔
سماجی رابطے کی ویب سائٹ ٹوئٹر پر ان کا کہنا تھا کہ کہ صوبائی حکومت نے صوبے کے آٹھ شہروں کے 127 علاقوں میں سمارٹ لاک ڈاؤن کا نفاذ کیا ہے جبکہ طبی عملے کی صلاحیتوں میں بھی اضافہ کیا جا رہا ہے۔
انھوں نے کہا کہ چند دنوں میں صوبے کے صحت کے نظام میں مزید 500 مریضوں کے بیڈز شامل کیے گئے ہیں جبکہ آئندہ چند دنوں میں مزید ایک ہزار بیڈز دستیاب ہوں گے۔ عثمان بزدار کے مطابق انتہائی نگہداشت کے یونٹس میں وینٹیلیٹرز کی فراہمی کا سلسلہ جاری ہے جس سے صحت کے نظام پر بوجھ کچھ کم ہوا ہے۔
وزیر اعلی پنجاب کا کہنا تھا کہ کورونا وائرس کے خلاف جنگ صرف حکومت اور ہیلتھ کیئر ورکرز نے نہیں بلکہ پوری قوم نے لڑنی ہے اس لیے حکومت کی جانب سے بتائی گئی احتیاطی تدابیر پر عمل کیا جائے۔
19 جون 2020ایکٹیمرا انجکشن سے سنا مکی تک: کوورنا کے علاج میں یہ سب کس حد تک مددگار؟
دنیا بھر میں جہاں کورونا وائرس سے متاثرہ افراد کی تعداد دن بدن بڑھتی جا رہی ہے وہیں اس کی ویکسین کی تیاری کی کوششوں میں بھی تیزی آئی ہے۔
تاحال اس بیماری کا علاج دریافت نہیں کیا جا سکا ہے لیکن پاکستان میں اس وبا کے آغاز کے ساتھ ہی سوشل میڈیا پر ایسے پیغامات کی بھرمار دیکھی گئی جس میں مختلف ادویات، جڑی بوٹیوں یا پھر کھانے پینے میں روزمرہ استعمال ہونے والی اشیا کو اس بیماری سے صحت یابی میں مددگار یا پھر اس کا علاج ہی قرار دے دیا گیا۔
یہ بات جہاں ادرک اور کلونجی یا ملیریا کے علاج میں استعمال ہونی والی دوائی کلوروکوئین سے شروع ہوئی وہیں آج کل اکٹیمرا نامی انجیکشن اور سنامکی نامی جڑی بوٹی کا شہرہ ہے اور ایسی ادویات و جڑی بوٹیوں کے بارے میں یہ تاثر عام ہے کہ ان کا استعمال کورونا کے مریض کے جسم میں وائرس کے پھیلاؤ کو روکنے میں مددگار ثابت ہو رہا ہے۔
بی بی سی نے طبی و غذائی ماہرین کی مدد سے یہ جاننے کی کوشش کی کہ ان ادویات اور ٹوٹکوں کے کورونا کے علاج یا پھر علاج میں مددگار ہونے کے دعووں میں کتنی حقیقت ہے۔
مکمل رپورٹ کے لیے یہاں کلک کیجیے۔
19 جون 2020یورپی یونین کے کورونا سے نمٹنے کے پلان پر بحث کا آغاز
کورونا وائرس کے بحران سے نمٹنے کے لیے یورپی یونین کے رہنما 750 ارب یورو فنڈ جمع کرنے کے ہدف کے لیے ویڈیو سمٹ میں اکھٹے ہونے جا رہے ہیں۔
اس فنڈ کا مقصد کورونا وائرس سے پہنچنے والے نقصان کا ازالہ کرنا ہے۔
کچھ شمالی یورپی ریاستی یورپی یونین کمیشن کے اس پلان کی مخالفت کر رہی ہیں کیونکہ اس فنڈ کا مقصد اٹلی اور سپین کی طرح کے وائرس سے زیادہ متاثرہ ممالک کے لیے 500 بلین یورو کی مدد فراہم کرنا ہے۔
بی بی سی کے گیون لی کے مطابق یہ فنڈ جسے 'نیکسٹ جنریشن ای یو‘ یعنی اگلی یورپی نسل کے نام سے تعبیر کیا جا رہا ہے یہ ایک بہت غیر معمولی پیمانے پر اکھٹا کیے جانے والا فنڈ ہے۔
عام طور پر یورپی یونین رکن ممالک کی قرض کی صورت میں مدد کرتی ہے جسے بعد میں شرائط کے مطابق واپس کرنا ہوتا ہے۔
سویڈن، ڈنمارک، آسٹریا اور نیدر لینڈز اس فنڈ کی مخالفت کر رہے ہیں۔ یورپی یونین کے 1.1 یورو ٹریلین بجٹ سے متعلق بھی تقسیم پائی جاتی ہے۔
جرمنی کی چانسلر انجیلا مرکل اور فرانس کے صدر ایمانوئیل میکرون کمیشن کے پلان کی حمایت کر رہے ہیں۔
سفارتکاروں کا کہنا ہے کہ یکم جولائی تک اس اجلاس سے پہلے کوئی سمجھوتہ ممکن نہیں ہے۔
19 جون 2020ڈاکٹر ظفر مرزا: طبی عملے کی شکایات وصولی کے لیے ہیلپ لائن قائم
وزیر اعظم کے معاونِ خصوصی برائے صحت ڈاکٹر ظفر مرزا کا کہنا ہے کہ حکومت کی جانب سے بنائی گئی کورونا ہیلپ لائن پر اب طبی عملے کے کارکن اپنی شکایات درج کروا سکیں گے۔
اسلام آباد میں بریفننگ دیتے ہوئے انھوں نے کہا کہ فرنٹ لائن طبی عملے کا کوئی بھی رکن واٹس ایپ نمبر 0300-1111166 پر اپنی شکایات حکومت کو بھیج سکتا ہے۔
انھوں نے کہا کہ موصول ہونے والی تمام شکایات کو متعلقہ حکام تک پہنچایا جائے اور فوری طور پر اس کا ازالہ کرنے کی کوشش کی جائے گی۔
انھوں نے کہا کہ فرنٹ لائن پر مصروف عمل طبی عملے کی شکایات ترجیحی بنیادوں پر حل کی جائیں گی۔
19 جون 2020کیا ’ٹی آر وی 027‘ کورونا مریضوں کو بلڈ کلاٹنگ سے بچا پائے گی؟
سائنسدان ایک تجرباتی دوا کا یہ جانچنے کے لیے ٹیسٹ کریں گے کہ آیا اس کی مدد سے کووڈ 19 سے منسلک مہلک شریانوں اور رگوں میں خون جمنے کی بیماری (بلڈ کلاٹنگ) سے بچا جا سکتا ہے یا نہیں۔
’برٹش ہارٹ فاؤنڈیشن‘ کی مالی اعانت سے کیے جانے والے اس ٹرائل کے ذریعے یہ پتا چلانے کی کوشش کی جائے گی کہ آیا کورونا وائرس انفیکشن کے باعث پیدا ہونے والا ہارمونز کا عدم توازن بلڈ کلاٹنگ کا باعث بنتا ہے۔
یہ کورونا وائرس سے لاحق ہونے والی بیماری کے بدترین اثرات کو روکنے کے لیے آزمائشی دواؤں میں سے ایک بن جائے گی۔
کورونا کے باعث ہسپتالوں میں داخل ہونے والے مریضوں میں سے ایک تہائی مریضوں کو بلڈ کلاٹنگ جیسے خطرے کا سامنا کرنا پڑتا ہے۔ ٹی آر وی 027 نامی دوا فشار خون، پانی اور نمک سے متعلقہ ہامونز کے عدم توازن کو درست کرنے کے لیے استعمال کی جاتی ہے۔
ایمپیرئل کالج لندن کے سائنسدان اس ٹرائل سے منسلک ہیں۔ اُن کا خیال کہ جب وائرس انسانی جسم میں داخل ہوتا ہے تو یہ اینزم (خلیہ) کو استعمال کرتے ہوئے انسانی جسم کے خلیوں میں دخل انداز ہوتا ہے۔
مکمل رپورٹ پڑھنے کے لیے یہاں کلک کیجیے۔
19 جون 2020سہیل وڑائچ کو کورونا کیسے ہوا اور آج کل وہ قرنطینہ میں وقت کیسے گزار رہے ہیں
مشہور صحافی سہیل وڑائچ میں چند دن پہلے کورونا وائرس کی تشخیص ہوئی۔ ان کے مطابق ان کو یہ بیماری کیسے لگی؟ ٹیسٹ کے مثبت نتائج آنے کے بعد قرنطینہ کے دنوں میں ان کی مصروفیات کیا ہیں؟ اور وہ اس بیماری کا مقابلہ کیسے کر رہے ہیں؟ سنتے ہیں ان کی زبانی اس وی لاگ میں۔
19 جون 2020سپین: بارسلونا اوپرا ہاؤس دوبارہ کھولنے کا فیصلہ
سپین کے تین ماہ سے بند پڑے اوپرا ہاؤس کو ایک کنسرٹ کے ساتھ پیر کو کھول دیا جائے گا۔
اس کنسرٹ کو لائیو ویب سائٹ پر نشر کیا جائے گا۔ تاہم اس موقع پر اوپرا پرفارمنس انسانوں کے بجائے پودے دیکھیں گے۔
کنسرٹ میں فنکار 2200 سے زائد پودوں کے سامنے کارکردگی دکھائیں گے۔
اداکار یوجینیو امپڈیا کا کہنا ہے کہ 'ایسے وقت میں جب انسانیت کا ایک اہم حصہ کچھ جگہوں تک محدود ہو کر رہ گئی ہے اور اسے نقل و حرکت سے دستبردار ہونے پر مجبور کیا گیا ہے۔ فطرت نے وہ ہم سے واپس لے لی جس پر ہم قابض ہو گئے تھے۔‘
اس موقع پر صحت کے شعبے سے تعلق رکھنے والوں میں 2،292 پودے تقسیم کیے جائیں گے۔ اس کے ساتھ ہی انھیں بحران کے دنوں میں کام کرنے کے لیے آرٹسٹ کی طرف سے ایک شکریے کا سرٹیفکیٹ بھی دیا جائے گا۔
19 جون 2020پاکستان متاثرین کی فہرست میں 15ویں، ہلاکتوں میں 21ویں نمبر پر
امریکہ کی جانز ہاپکنز یونیورسٹی کی جانب سے جاری کردہ اعدادوشمار کے مطابق پاکستان کورونا سے متاثرہ ممالک کی فہرست میں 15ویں نمبر پر ہے۔
اسی طرح اگر ہلاکتوں کی بات کی جائے تو پاکستان زیادہ ہلاکتوں والے ممالک کی فہرست میں 21ویں نمبر پر ہے۔
22 لاکھ کے لگ بھگ متاثرین اور ایک لاکھ 18 ہزار سے زائد اموات کے ساتھ امریکہ بدستور کورونا سے سب سے زیادہ متاثرہ ملک ہے۔
برازیل میں مصدقہ متاثرین کی تعداد نو لاکھ 80 ہزار سے زائد جبکہ یہاں ہلاکتوں کی مجموعی تعداد 49 ہزار کے لگ بھگ ہے۔ برازیل دنیا بھر میں دوسرا سب سے زیادہ متاثرہ ملک ہے۔
انڈیا متاثرین کی فہرست میں چوتھے نمبر پر ہے جہاں متاثرین کی تعداد تین لاکھ 80 ہزار سے زائد جبکہ اموات کی تعداد ساڑھے بارہ ہزار سے تجاوز کر چکی ہے۔
پاکستان میں متاثرین کی تعداد ایک لاکھ 65 ہزار سے زائد جبکہ اموات کی تعداد 3229 ہے۔
19 جون 2020جنوبی ایشیائی مریضوں کا برطانوی ہسپتالوں میں ہلاک ہونے کا خطرہ زیادہ کیوں؟
19 جون 2020پنجاب کے مختلف شہروں میں کورونا کی صورتحال
صوبہ پنجاب کے مختلف شہروں میں کورونا وائرس کے متاثرین کی تعداد اور اب تک ہونے والی ہلاکتوں کی تفصیل کے لیے مندرجہ ذیل چارٹ کا مطالعہ کیجیے۔
19 جون 2020آئر لینڈّ: ریکارڈ 79 دن وینٹیلیٹر پر گزارنے والی معمر خاتون روبہ صحت
آئر لینڈ میں کورونا کی شکار معمر خاتون کو 79 دن وینٹیلیٹر پر رہنے کے بعد اب عام وارڈ میں منتقل کر دیا گیا ہے۔
اب وہ انتہائی نگہداشت کے وارڈ سے باہر آ چکی ہیں۔
میری سلیوان کو 11 مارچ کو دل کا دورہ پڑا تھا جس کے بعد انھیں ہسپتال داخل کر دیا گیا۔ بعدازاں ان میں کورونا وائرس کی بھی تشخیص ہوئی۔ جب نظام تنفس میں خرابی کی وجہ سے ان کی حالت زیادہ بگڑ گئی تو انھیں وینٹیلیٹر پر منتقل کر دیا گیا تھا۔
ہسپتال میں موجود ڈاکٹرز کا کہنا ہے کہ کسی بھی کورونا وائرس کے مریض کا یہ وینٹیلیٹر پر سب سے زیادہ عرصہ بنتا ہے۔
آر ٹی ای میڈیا نے دکھایا کہ جب وہ جعرات کو انتہائی نگہداشت وارڈ سے باہر آ رہی تھیں تو عملے کے ارکان تالیاں بجا کر انھیں داد دے رہے تھے۔
19 جون 2020صوبہ پنجاب میں اب تک طبی عملے کے 983 اراکین کورونا کا شکار ہو چکے ہیں
پرائمری اینڈ سکینڈری ہیلتھ کیئر ڈیپارٹمنٹ پنجاب کا کہنا ہے کہ وبا کے آغاز سے اب تک صوبے بھر میں طبی عملے کے ساڑھے چار ہزار سے زائد مشتبہ کیسز سامنے ہیں۔
فراہم کردہ اطلاعات کے مطابق تمام مشتبہ طبی عملے کے کورونا ٹیسٹ کیے گئے ہیں جن میں 983 افراد کے کورونا ٹیسٹ اب تک مثبت آ چکے ہیں۔
شعبہ صحت کے مطابق طبی عملے میں نتائج مثبت آنے کی شرح 21 فیصد ہے۔
19 جون 2020برطانیہ: ’ستمبر میں تمام سکول کھولنے کا ارادہ ہے‘
برطانیہ کے وزیر برائے سکولز نِک گِب کا کہنا ہے کہ حکومت ستمبر میں تمام سکولز کھولنے کا ارادہ رکھتی ہے۔
نک گبز نے سکائی نیوز کو بتایا ہے کہ ہم سائنس اور ماہرین کے مشوروں پر عمل پیرا ہیں، اس وقت دس لاکھ سے زائد بچے ہمارے سکولوں میں ہیں اور ہم ہر قدم بہت محتاط انداز میں اٹھا رہے ہیں۔
ان کا کہنا تھا کہ حکومت سکولوں کے ساتھ کام کر رہی ہے، ان سے مشورے لے رہی ہے اور انھیں ان کے دوبارہ کھولنے کے منصوبے کے حوالے سے مدد دے رہی ہے۔
ان کا کہنا ہے کہ ہم دیگر متبادل منصوبوں پر بھی کام کر رہے ہیں مگر ہمارا یہ واضح ارادہ ہے کہ ہم ستمبر تک تمام بچوں کو سکولوں میں واپس لے آئیں۔
19 جون 2020کورونا وائرس خواجہ سراؤں کی مشکلات میں اضافے کا باعث کیسے بنا؟
جیسے جیسے پورے پاکستان میں کورونا وائرس کی وبا پھیل رہی ہے، ویسے ہی خواجہ سرا برادری کی مشکلات میں دن بدن اضافہ ہوتا جارہا ہے۔ خواجہ سرا برادری کے لیے ترقی پسند قوانین ہونے کے باوجود یہ برادری سمجھتی ہے کہ ان کو بااختیار نہیں بنایا جا رہا۔ مزید دیکھیے شمائلہ جعفری اور فاخر منیر کی اس رپورٹ میں۔۔۔
19 جون 2020وزیر اعلی خیبرپختونخوا کا کورونا ٹیسٹ منفی
وزیرِ اعلیٰ خیبر پختونخوا محمود خان کے کورونا ٹیسٹ کا رزلٹ منفی آیا ہے۔
صوبائی وزیر اطلاعات اجمل وزیر کے مطابق وزیراعلی نے بجٹ اجلاس میں شرکت کے لیے کورونا ٹیسٹ کروایا تھا جو کہ منفی آیا۔
صوبہ خیبرپختونخوا میں آج صوبائی بجٹ برائے مالی سال 2020-21 پیش کیا جا رہا ہے اور اس سلسلے میں آج ہونے والے صوبائی اسمبلی کے اجلاس میں شرکت کے لیے عوامی نمائندوں کو کورونا ٹیسٹ کروانے کی ہدایت کی گئی تھی۔
آج صوبائی وزیر خزانہ تیمور سلیم جھگڑا بجٹ پیش کریں گے۔

کورونا: دنیا بھر میں متاثرین کی تعداد 89 لاکھ سے زیادہ

لائیو کوریج

19 جون 2020برطانیہ: کووڈ-19 الرٹ میں ایک درجے مزید کمی

19 جون 2020کورونا وائرس کے مریضوں کا علاج کرنے والے ڈاکٹر کی اپنے موبائل فون سے دوستی

19 جون 2020’اٹلی میں کورونا وائرس گذشتہ سال دسمبر میں پھیلا‘

19 جون 2020کورونا کی وجہ سے ٹی بی کے مریضوں کا علاج متاثر ہونے کے خدشات

19 جون 2020کورونا سے صحت یاب ہونے میں کتنا وقت لگتا ہے؟

19 جون 2020پنجاب کی عوام احتیاطی تدابیر پر عمل کر رہی ہے: عثمان بزدار

19 جون 2020ایکٹیمرا انجکشن سے سنا مکی تک: کوورنا کے علاج میں یہ سب کس حد تک مددگار؟

19 جون 2020یورپی یونین کے کورونا سے نمٹنے کے پلان پر بحث کا آغاز

19 جون 2020ڈاکٹر ظفر مرزا: طبی عملے کی شکایات وصولی کے لیے ہیلپ لائن قائم

19 جون 2020کیا ’ٹی آر وی 027‘ کورونا مریضوں کو بلڈ کلاٹنگ سے بچا پائے گی؟

19 جون 2020سہیل وڑائچ کو کورونا کیسے ہوا اور آج کل وہ قرنطینہ میں وقت کیسے گزار رہے ہیں

19 جون 2020سپین: بارسلونا اوپرا ہاؤس دوبارہ کھولنے کا فیصلہ

19 جون 2020پاکستان متاثرین کی فہرست میں 15ویں، ہلاکتوں میں 21ویں نمبر پر

19 جون 2020جنوبی ایشیائی مریضوں کا برطانوی ہسپتالوں میں ہلاک ہونے کا خطرہ زیادہ کیوں؟

19 جون 2020پنجاب کے مختلف شہروں میں کورونا کی صورتحال

19 جون 2020آئر لینڈّ: ریکارڈ 79 دن وینٹیلیٹر پر گزارنے والی معمر خاتون روبہ صحت

19 جون 2020صوبہ پنجاب میں اب تک طبی عملے کے 983 اراکین کورونا کا شکار ہو چکے ہیں

19 جون 2020برطانیہ: ’ستمبر میں تمام سکول کھولنے کا ارادہ ہے‘

19 جون 2020کورونا وائرس خواجہ سراؤں کی مشکلات میں اضافے کا باعث کیسے بنا؟

19 جون 2020وزیر اعلی خیبرپختونخوا کا کورونا ٹیسٹ منفی