Qadoqlangan palov, portfelli yigitlar va lotincha rus tili. Toshkentga sayohat - Foto reportaj

O‘zbek milliy choponi va do‘ppi kiygan erkak oshqovoq, somon, kuzgi yaproqlar va erkak qiyofasidagi qo‘g‘irchoq bilan bezatilgan do‘kon oldidan o‘tmoqda.
Surat tagso‘zi, Toshkentdagi sayyohlar ko‘p keladigan ayrim do‘kon va qahvaxonalar kuz fasliga moslab bezatilgan.
    • Author, Sanjar Eraliev
    • Role, bbc.com/uzbek
    • Reporting from, Bishkek
  • Published
  • O'qilish vaqti: 4 daq

Toshkentga so‘nggi qariyb yetti yil ichida ilk bor borgan BBC muxbiri O‘zbekiston poytaxtida e’tiborini tortgan lahzalarni tasvirga oldi.

Chorsu bozori yonidagi oshxona e’loni va eshak minib turgan Xo‘ja Nasriddin qiyofasidagi o‘yinchoq.
Surat tagso‘zi, Toshkentga boshqa keladigan mehmonlarning e’tiborini tortadigan joylardan biri — Chorsu bozori.
Bekatda qora kostyum-shim va portfel ko‘targan ikkita yigit turibdi, ularning yonida qora kurtka va kepkada o‘rta yoshli erkak o‘tiribdi.
Surat tagso‘zi, Yoshlarning, ayniqsa yigitlarning kiyinish uslubida klassik liboslarga qiziqish seziladi. Bu Toshkent ko‘chalaridagi zamonaviy shahar qiyofasining bir qismi sifatida e’tiborni tortadi.
Ikkita ayol bolalar aravachasini turtib borayotir
Surat tagso‘zi, Toshkent ko‘chalari va sayrgohlarida bolalar aravachasida farzandini sayr qildirib yurgan ayollarni tez-tez uchratish mumkin.
Qizil kepkali suratkash atrofni suratga olmoqda, uning yonidan ro‘molli ayollar o‘tib boryapti.
Surat tagso‘zi, Islom sivilizatsiyasi markazi atrofida sayyohlarni suratga olib, fotosuratlarni bir necha daqiqada chop etib beradigan yoki smartfonlarga o‘tkazadigan suratkashlarni uchratish mumkin. Bu yerda ular sayyohlarga taklif qilayotgan xizmatlaridan biri orqali daromad topishadi.
Islom sivilizatsiyasi markazi atrofida aylanib yurgan sayyohlar.
Surat tagso‘zi, Islom sivilizatsiyasi markazi sayyohlar eng ko‘p boradigan joyga aylangan.
Eski ot arava oldida ro‘molli ayol telefonda gaplashib ketmoqda.
Surat tagso‘zi, Islom sivilizatsiyasi markazi atrofiga yuz yillir avvalgi o‘zbeklar hayotini aks ettiruvchi eksponatlar qo‘yilgan.
Mama varit kofe deb nomlangan qahvaxona oldida milliy kiyimlar ilinib turibdi.
Surat tagso‘zi, Safar davomida BBC muxbirining e’tiborini tortgan jihatlardan biri — xizmat ko‘rsatish sohasida rus tilining keng qo‘llanishi bo‘ldi. Ayrim restoran va do‘konlarda xodimlar asosan rus tilida murojaat qilishadi. Ba’zi joylarda ruscha nomlar lotin alifbosida yozilganini ko‘rasiz.
Qora kostyum-shim va portfel ko‘targan ikkita yigit Amir Temur haykali tomon ketmoqda. Atrofda yana o‘nlab odamlar, ikkita askar ham bor.
Surat tagso‘zi, Qora kostyum-shim kiygan, qo‘lida portfel tutgan ikki yigit Amir Temur haykali tomon bormoqda. Atrofda esa shaharning odatiy gavjum hayoti, o‘nlab odamlar va askarlar.
Qadoqlangan palov va moshkichiri.
Surat tagso‘zi, Toshkentga kelgan mehmonlar milliy taomlarni restoranda tatib ko‘rishga vaqt topa olmasa, do‘konlardan qadoqlangan palov yoki moshkichiri sotib olishlari mumkin. Bunday mahsulotlarni hatto o‘zlari bilan boshqa mamlakatlarga ham olib ketishadi.
Do‘ppi sotiladigan joyda sotuvchi tamaki chekib o‘tiribdi.
Surat tagso‘zi, Do‘ppi bozori
Radar degan ogohlantirish yozuvi oldida oq avtomobil o‘tib ketyapti.
Surat tagso‘zi, O‘zbekiston poytaxti ko‘chalarida tezlikni nazorat qiluvchi radarlar haqidagi ogohlantiruvchi belgilar ko‘p uchraydi.
Muzey eksponati sifatida namoyishga qo‘yilgan "Volga" avtomobili.
Surat tagso‘zi, Mirzo Ulug‘bek tumani hokimligi O‘zbekiston prezidenti Shavkat Mirziyoyev tumanga rahbarlik qilgan paytda mingan "Volga" avtomobilini tarixiy eksponatga aylandirgan.
Mopedda buyurtma olib ketayotgan yigit.
Surat tagso‘zi, Toshkent ko‘chalarida yetkazib berish xizmatida ishlaydigan moped haydovchilarini tez-tez uchratish mumkin.
"Uzum tezkor" degan yozuvli ko‘k kiyim kiygan yigit moped haydab trotuarda ketmoqda.
Surat tagso‘zi, Mopedlar turli firmalar orasida yetkazish xizmati uchun keng tarqalgan transport vositalaridan biriga o‘xshaydi.
Metro bekati yonida ikkita askar turibdi.
Surat tagso‘zi, Metroning deyarli har bir bekati tashqarisida harbiy xizmatchilarni uchratish mumkin. Ayniqsa, Amir Temur xiyoboni atrofida ularning soni ko‘proq ekani ko‘zga tashlanadi.
Oq va qora mashina yonma-yon ketmoqda.
Yo‘l bo‘yida sotilayotgan milliy naqshlar bilan bezatilgan idishlarning o‘rtasida turgan erkak.
Surat tagso‘zi, Yo‘l bo‘yida sotilayotgan milliy naqshlar bilan bezatilgan idishlarni nisbatan arzon narxlarda xarid qilish mumkin.
Mustaqillik ko‘chasidagi 75 raqamli imoratlar. Deraza oynasida Rossiya va AQSh bayrog‘i aks etib turibdi.
Surat tagso‘zi, Mustaqillik ko‘chasidagi imoratlarning biri.
Do‘ppi kiygan yigit velosipedda ketmoqda.
Surat tagso‘zi, Toshkent ko‘chalarida milliy o‘zbek kiyimlarini kiygan mahalliy aholi vakillarini kam uchratasiz, lekin onda-sonda oldingizdan chiqadi. Bunday kiyimlar, ayniqsa, sayyohlar orasida keng tarqalgan bo‘lib, ular milliy liboslarda suratga tushishni xush ko‘rishadi.
Katakda va katak ustida bir nechta tovuqlar.
Surat tagso‘zi, Ko‘chadagi tovuq bozori.
Kitob do‘koni oldida milliy kiyimda ketayotgan erkak.
Surat tagso‘zi, Toshkentdagi kitob do‘konlari oldida qahva taklif etuvchi e’lonlarni ham tez-tez uchratish mumkin.
Toshkentning turli hududlariga boruvchi yo‘llarni ko‘rsatgan yozuvlar.
Surat tagso‘zi, Qayerga bormoqchisiz? Toshkentning ayrim ko‘chalarida shaharning turli manzillariga yo‘nalishni ko‘rsatuvchi belgilar o‘rnatilgan.