Emmanuel Emenike: Ihe anyị ma maka akụkọ na Gọọmentị Imo state ji ndị uweojii wakpoo 'Emenike Hospital', Owerri nke ọgbaabọọlụ a
Ebe foto si, Emmanuel Emenike/Instagram
Onye gbabuuru Super Eagles nke Nigeria egwu bọọlụ bụ Emmanuel Emenike etiela mkpu banyere mwakpo ndị ọrụ gọọmentị Imo steeti wakporo ụlọọgwụ ya bụ Emenike Hospital dị n'Owerri, Imo State ụbọchị Wenezde, abalị 21 nke ọnwa Oktoba, afọ 2026.
Mana ụlọọrụ na-ahụ maka mkpocha na nzacha na steeti ahụ bụ 'Eastern Waste Management Corporation'(EWAMAC) agọọla, sị na ọ bụ maka na ụlọọgwụ ahụ dara iwu metụtara idowe gburugburu ọcha mere ha jiri bịa n'ụlọọgwụ ahụ.
Emenike gbaara Nigeria boolu malite n'afọ 2013 ma gbakwara etu egwu bọọlụ mba ofesi gụnyere; Karabükspor, Spartak Moscow, Fenerbahçe na West Ham.
N'ozi nke Emenike wepụtara n'akara Instagram ya ụbọchị Wenezde, o boro ebubo na ndị ọrụ Gọọmentị Imo state na ndị uweojii wakporo ụlọọgwụ ya, kpụrụ onye nchịkọta ụlọọgwụ ahụ na onye odebeego ma merụọ ụfọdụ ndị ọrịa ahụ.
Ebe foto si, Emmanuel Emenike/Instagram
Ọ gara n'ihu kpọku Gọọmentị Imo state na isi ụlọọrụ ndị uweojii ka ha nyocha ihe butere mwakpo e mere n'ụlọọgwụ 'Emenike Hospital'.
Ozi ahụ Emenike wepụtara nke isiokwu ya bụ "Ụlọọgwụ Kwesịrị Ịbụ Ebe Nleta Anya na Nchekwa, Ọ Bụghị Ebe Tigbuo-Zọgbuo," kwuru na ndị ọrụ mkpocha na nzacha wakporo ụlọọgwụ ya n'abalị 21 nke ọnwa October dịka ndị uweojii wakpoburu ha n'abalị 25 nke Ọnwa September, afọ 2026.
Ozi ahú sịrị, " Emenike Hospital na-ekwu na ndị a sị si n' ụlọọrụ na-ahụ maka gburugburu n'Imo state bịara, ka ndị uweojii si n'aka DPO Owerri Urban Division wakpochara n'abalị 25 nke ọnwa Septemba afọ 2026, tie ndị ọrụ nakwa ndị ọrịa nọ n'ụlọógwụ ma kpụrụ onye nchịkọta ụlọọgwụ na odebego."
"Ụlọọgwụ bokwara ebubo na ndị uweojii si Oji Police Station sokwa bịa ije ahụ.@
"Ebubo ndị a kwesịrị ka e nyocha ya."
Ọ tụrụ arịrị na dịka ọ nọchitechara Nigeria na mba ofesi, welata akụ n'ụlọ site n' iwu ụlọọgwụ, na ihe mere n'ụlọọgwụ ahụ n'abalị 21 nke ọnwa Oktoba afọ 2026 bụ "ihe nnukwu ụfụ".
Ozi ahụ nke ya na ihe onyonyo abụọ so gosiri ebe ndị uweojii na ndị yi akwa ojii zọbatara n'ụlọ ndị mmadụ juru, banye n'otu ọnụụlọ ma kpụrụ otu nwoke yi akwa na-acha aja aja, pụta ama.
Ihe onyonyo nke abụọ gosiri ebe a kwanyere nwoke ahụ e si n'ụlọ kpụrụ pụta n'ụgbọagbala e dere, "Office of The Governor- Monitoring/Compliance(Anti Vandals)''.
Ihe Eastern Waste Manegement Corporation sara
Dịka akụkọ ahụ gbara n'intanet ma na-ewu na soshal midia, ụlọọrụ na-ahụ maka mkpocha na nzacha na steeti ahụ EWAMAC gọrọ ma sị na ha zigara ụlọọgwụ ahụ ozi ugboro ugboro maka ịda iwu ikpofu atịtị ụlọọgwụ n'ụzọ ezighị ezi mana ụlọọgwu ahụ gbara ha nkịtị.
EWAMAC gara n'ihu kwuo na ndị ndị uweojii ha soro ha gaa ọrụ nwụchiri bụ "ndị banyere ndị ọrụ ọgụ oge ha gara."
EWAMAC kwuru na ha emerụghị onye ọria ahụ, nke ha na-agbachi ụlọọgwụ 'Emenike Hospital'.
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post, 1
Ihe ụmụ Nigeria na-ekwu
Ụfọdụ ụmụamaala Nigeria akatọọla ihe mere Emenike dịka ha na-arụ aka na mwakpo ahụ so nkatọ Emenike katọrọ ndị ndọrọndọrọ ọchịchị nakwa ndị uweojii maka nrụrụaka.
Otu onye kpọrọ onye ya, 'The Happy Earl' n'ọbaozi X kwuru sị,"Ihe ndị ọrụ nchekwa mere Emmanuel Emenike bụ ihe na-ada aja aja n'ọnụ."
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post, 2
