Faransiiska oo wajahaya hubanti la'aan siyaasadeed kadib markii doorashadii baarlamaanka aaney cidna helin aqlabiyad

Tebin toos ah

1. 24 Oktoobar 2026Faransiiska ayaa u diyaargaroobaya dibadbaxyo la xiriira qiimaha nolosha oo sare u kacay

   Faransiiska ayaa wajahaya mowjad cusub oo dibadbaxyo ah oo looga horjeedo sicir bararka iyo xaaladaha sii xumaanaya ee dugsiyada, iyadoo laga cabsi qabo in ay soo noqdaan rabshadihii iyo bililiqadii dukaamada ee dhacday toddobaadkii hore.

   Dowladda ayaa sheegtay in ay geyn doonto meelo kala duwan oo dalka ah 70,000 oo askari oo boolis ah, waxayna ballanqaadday in ay tallaabo degdeg ah qaadi doonto haddii ay soo baxaan wax calaamado ah oo muujinaya rabshado ama qalalaase.

   “Uma dulqaadan doonno fal kasta oo sharci-darro ah,” ayuu yiri wasiirka arrimaha gudaha Faransiiska, Laurent Nuñez.

   Wuxuu intaas ku daray in dowladdu aysan u dabci doonin dadka waxyeelleeya hantida, kuwa wax dhaca iyo dhammaan dadka ku lugta leh falalka rabshadaha wata. Wuxuu sidoo kale sheegay in marka laga soo tago dibadbaxyada la qorsheeyay, ay baraha bulshada ku jiraan farriimo badan oo rabshado hurinaya, kuwaas oo ay faafinayaan kooxaha garabka bidix iyo kuwa bidixda fog.

   Magaalada Paris, ganacsatada ayaa xiray dukaamadooda, qaarna waxay ku dabooleen alwaax si ay uga hortagaan falal waxyeello geysan kara. Magaalada Orléans, oo ku taalla koonfurta Paris, ayaa ka mid ah meelaha sida weyn looga walaacsan yahay.

   Dibadbaxyada ayaa markii hore ku bilowday ardayda dugsiyada sare oo dalbanayay in la hagaajiyo goobaha waxbarashada, lana xalliyo macallimiinta iyo shaqaalaha kale ee yaraaday. Hase yeeshee, meelo ka mid ah dalka ayaa markii dambe rabshado ay ka dhaceen.

   Xisbiga garabka midigta fog ee National Rally ayaa shirkiisa sannadlaha ah ku qabanaya magaaladaas. Hoggaamiyaha xisbiga, Marine Le Pen, ayaa la filayaa in ay si rasmi ah ugu dhawaaqdo in ay doonayso in ay u tartanto xilka madaxweynaha doorashada dhici doonta sannadka soo socda.

   Warar kale oo dheeri ah

   Qof si dirqi ah uga badbaaday dhismihii ku dumay Islii oo BBC-da la hadlay

   Cilmi-baaris: Bukaannada Soomaaliyeed oo malaayiin doollar ku bixiya daaweyn dibadda ah

   Sirta dardaarankii Ayatollah Cali Khamenei: Maxaysan Iiraan u soo bandhigin

2. 24 Oktoobar 2026Dowladda Kenya oo sheegtay in dad ku hoos jira burburka dhismaha Islii xiriir lala sameeyay

3. 24 Oktoobar 2026Maraykanka oo machadyo Shiineysa ah ku tilmaamay kuwa qatar ku ah amniga qaranka

   Waaxda Difaaca Mareykanka ayaa u aqoonsatay "Machadyada Confucius" — kuwaas oo ah xarumo lagu barto luuqadda iyo dhaqanka Shiinaha — inay yihiin kuwa khatar ku ah amniga qaranka Mareykanka.

   Muuqaal lagu baahiyay baraha bulshada, Xoghayaha Difaaca Mareykanka Pete Hegsett ayaa machadyadan ku tilmaamay "xarumo faafinaya dacaayad," wuxuuna sheegay in tobanaan xarumood oo noocan ah, balse wata magacyo kala duwan, laga hirgeliyay jaamacadaha Mareykanka.

   Wuxuu ku eedeeyay machadyadan inay isku dayayaan inay xadaan hantida aqooneed, isla markaana — sida uu hadalka u dhigay — ay "dhex galaan maskaxda ardayda Mareykanka."

   Mudane Hegsett ayaa sheegay in Waaxda Difaaca Mareykanka ay si nidaamsan u burburinayso xarumahan.

   Safaaradda Shiinaha ee Washington weli kama aysan hadlin arrintan.

   Warar kale oo dheeri ah

   Qof si dirqi ah uga badbaaday dhismihii ku dumay Islii oo BBC-da la hadlay

   Cilmi-baaris: Bukaannada Soomaaliyeed oo malaayiin doollar ku bixiya daaweyn dibadda ah

   Sirta dardaarankii Ayatollah Cali Khamenei: Maxaysan Iiraan u soo bandhigin

4. 24 Oktoobar 2026Turkiga oo cadeeyay mowqifkiisa ku aadan in uu dagaal ku qaado Xuutiyiinta Yemen iyo in kale

   Wasiirka Difaaca Turkiga, Yaşar Güler, ayaa shaaciyay in dalkiisu — isagoo ku dhaqmaya heshiis difaac oo wadajir ah oo ay la leeyihiin Sacuudi Carabiya iyo Pakistan — uusan qorsheynayn inuu galo iska horimaad militari oo uu la galo kooxda Xuutiyiinta Yemen, kuwaas oo ay taageerto Iiraan.

   "Kama fikirinayno inaan galno nooc kasta oo iska horimaad ah oo aan la galayno Xuutiyiinta," ayuu yiri Mr. Güler oo wareysi siinayay telefishinka Turkiga ee Star.

   Wuxuu intaas ku daray in taageero militari oo kasta oo Turkigu siiyo Sacuudi Carabiya — sida joogitaanka ciidamada Turkiga ee Qatar — ay ujeeddadeedu ugu horreyn tahay xoojinta awoodda ka-hortagga qataraha.

   Wasiirka Difaaca Turkiga ayaa sheegay in Ankara ay dib u eegi doonto codsiyada suurtagalka ah ee Sacuudi Carabiya ee ku aaddan kaalmada militari. Marka uu baarlamaanku ansixiyo heshiiska difaaca, ayay go’aamin doonaan nooca iyo qaddarka kaalmadaas, iyadoo la raacayo habraacyada sharciga ah iyo oggolaanshaha lagama maarmaanka ah ee baarlamaanka.

   Warar kale oo dheeri ah

   Qof si dirqi ah uga badbaaday dhismihii ku dumay Islii oo BBC-da la hadlay

   Cilmi-baaris: Bukaannada Soomaaliyeed oo malaayiin doollar ku bixiya daaweyn dibadda ah

   Sirta dardaarankii Ayatollah Cali Khamenei: Maxaysan Iiraan u soo bandhigin

5. 24 Oktoobar 2026Safaaradda Mareykanka ee Urdun ayaa kordhisay tallaabooyinka ammaanka

   Safaaradda Mareykanka ee caasimadda Urdun ayaa ku dhawaaqaday tallaabooyin amni oo aad loo adkeeyay in laga hirgeliyay dalkaas.

   Safaaradda Mareykanka ee Cummaan ayaa sheegtay in la adkeeyay amniga xarumaha ganacsiga, safaaradaha shisheeye iyo goobo kale oo ku yaalla Urdun kaddib markii shalay oo jimco aheyd la weeraray kinisad.

   Madaxda Urdun ayaa weerarka ku tilmaamay fal argagixiso ah oo ay geysteen xagjirayaal. Madaxa hay’adda amniga dadweynaha Urdun ayaa sheegay in toddobo qof ay ku dhinteen weerarka iyadoo tiro kale oo intaas ka badan ay ku dhaawacmeen kaddib markii rag hubeysan ay rasaas ku fureen dad isugu yimid kinisadda oo dug ka qeybgalayay.

   Weerarada noocaan ah ayaan ka dhicin Urdun balse mas’uuliyiintu waxay sheegeen in sannadihii u dambeeyay ay fashiliyeen weeraro ay soo qaadeen xagjiriin.

   Madaxda Urdun waxay sheegeen in ay weli raadinayan dadkii weerarka ka dambeeyay iyagoo intaas ku daray in ay weli goor hore tahay in la go’aamiyo hadii kuwa weerarka soo qaaday xiriir la leeyihiin kooxo ku sugan gudaha ama dibadda Urdun.

   Warar kale oo dheeri ah

   Qof si dirqi ah uga badbaaday dhismihii ku dumay Islii oo BBC-da la hadlay

   Cilmi-baaris: Bukaannada Soomaaliyeed oo malaayiin doollar ku bixiya daaweyn dibadda ah

   Sirta dardaarankii Ayatollah Cali Khamenei: Maxaysan Iiraan u soo bandhigin

6. 24 Oktoobar 2026Taliyaha Ciidamada Iran: Uma oggolaan doono maraakiibta Mareykanka in ay markale soo galaan gacanka Beershiya

   Taliyaha ciidamada Iran, Cali Cabdullaahi, ayaa sheegay in aan loo oggolaaneyn Maraakiibta Iran in ay dib u soo galaan gacanka Beershiya.

   Mr. Cabdullaahi waxa uu sheegay, “Madaxweynaha Mareykanka wuxuu ku riyoonayaa in ciidamadiisu ay markale soo galaan Gacanka Beershiya. Riyadaas waa mid ay qabriga la gali doonaan”.

   Wuxuu intaas ku daray, “ Uma oggolaaneyno maraakiibta Mareykanka in ay soo galaan Gacan Beershiya wax kasta oo dhaca”.

   Taliyaha ciidamada Ilaalada Kacaanka Badda ayaa shalay sheegay warkan, “Mareykanka waxay ka fogaadeen marinka Hormuz ilaa 700 oo kiilomitir”.

   Madaxweyne Donald Trump ayaa ku eedeeyay Iran in ay wax kasta u sameynayaan sidii ay sicirka shidaalka kor ugu qaadi lahaayeen ka hor doorashada Mareykanka.

   Madaweynaha Mareykanka wuxuu kaloo sheegay in shidaalka ka soo gudbo marinka Hormuz uu hadda ka badan yahay kii mari jiray dagaalka ka hor, taasina waa sababta ay Iran u qaadeyso tallaabo kasta oo sicirka shidaalka lagu kordhinayo.

   Warar kale oo dheeri ah

   Qof si dirqi ah uga badbaaday dhismihii ku dumay Islii oo BBC-da la hadlay

   Cilmi-baaris: Bukaannada Soomaaliyeed oo malaayiin doollar ku bixiya daaweyn dibadda ah

   Sirta dardaarankii Ayatollah Cali Khamenei: Maxaysan Iiraan u soo bandhigin

7. 24 Oktoobar 2026Waa maxay faa'iidooyinka caafimaad ee caanaha aan la warshadayn, mase ammaan baa in la cabbo?

8. 24 Oktoobar 2026Trump: Waxaa suuragal ah in aan tallaabo milatari ka qaadno Iran

   Sida laga soo xigtay qiimeyn ay sameeyeen hay’adaha sirdoonka Mareykanka, Iran waxay “si weyn u kordhisay dadaallada ay ku beegsaneyso diblomaasiyiinta iyo mas’uuliyiinta kale ee Mareykanka ee ku sugan Bariga Dhexe iyo meelo kale oo caalamka ah.

   Qorshaha Iran ayaa la sheegay in uu gaaray halkii ugu sareysay.

   Qoraalkan ka soo baxay xoghayaha arrimaha dibadda Mareykanka ayaa ku soo aaday xili Mareykanka uu dhimay tirade shaqaalaha dibolmaasiyiinta ah ee ku sugan dhow dal oo ku yaal Bariga Dhexe.

   Madaxweyne Donland Trump ayaa sheegay in Iran uu ka qaadayo tallaabo cusub oo milatari.

   Warar kale oo dheeri ah

   Qof si dirqi ah uga badbaaday dhismihii ku dumay Islii oo BBC-da la hadlay

   Cilmi-baaris: Bukaannada Soomaaliyeed oo malaayiin doollar ku bixiya daaweyn dibadda ah

   Sirta dardaarankii Ayatollah Cali Khamenei: Maxaysan Iiraan u soo bandhigin

9. 24 Oktoobar 2026

10. 23 Oktoobar 2026Qof si dirqi ah uga badbaaday dhismihii ku dumay Islii oo BBC-da la hadlay

11. 23 Oktoobar 2026Guddoomiyaha ismaamulka Nairobi oo dabaqii dumay ee Islii war ka soo saaray

    Guddoomiyaha Ismamaulka Gobolka Nairobi, Johnson Sakaja, ayaa ku baaqay in la adkeeyo ciqaabaha lagu qaado dadka dhismayaasha dhisa ee ku xadgudba xeerarka dhismaha. Waxa uu sidoo kale dib u cusboonaysiiyay baaqiisii ahaa in dowladaha gobolladu dib u helaan awoodda dacwad-oogista, kadib markii dhisme dhowr iyo tobban dabaq ah oo aan weli dhammaan uu ku dumay xaafadda Eastleigh.

    Sakaja ayaa sheegay in ciqaabaha fudud ee lagu qaado xadgudubyada dhismaha ay wiiqayaan fulinta shuruucda, isla markaana ay dadka dhismaha dhisa u saamaxayaan inay iska indhatiraan qorshayaasha dhisme ee la ansixiyay iyo heerarka badbaadada, taas oo nafta dadka khatar gelinaysa.

    Sakaja, oohadlayey mar uu booqday goobta uu dhismuhu ku dumay ee ku taalla isgoyska 1st Avenue iyo 9th Street, ayuu guddoomiyuhu hay’adaha xirfadeed ee matala naqshadeeyayaasha dhismayaasha, injineerrada iyo khubarada qiyaasta kharashaadka dhismaha ku boorriyay inay baaraan kiisaska ay xirfadlayaal aqoon iyo shahaadooyin leh laga saaro mashaariicda dhismaha ee la ansixiyay ka hor inta aan la dhammaystirin.

    "Waxaan dareenkayga iyo garab istaaggayga u dirayaa qoysaska ay musiibadani saamaysay, gaar ahaan kuwa walaaca ku sugaya war ku saabsan xaaladda eheladooda. Waxaan u xaqiijinayaa in dowladdu garab istaagi doonto, siin doonto taageerada lagama maarmaanka ah, isla markaana ay xog la socodsiin doonto inta ay hawlgallada samatabbixintu socdaan." ayuu ku yiri qoraal uu bartiisa Facebook soo dhigay.

    Wuxuu intaa ku daray in dadka dhismayaasha dhisa ay u hoggaansamaan qorshayaasha la ansixiyay, isla markaana ay helaan shahaadooyinka oggolaanshaha deggenaanshaha ee loo baahan yahay ka hor inta aan dhismayaasha la deggin.

12. 23 Oktoobar 2026Cilmi-baaris: Bukaannada Soomaaliyeed oo malaayiin doollar ku bixiya daaweyn dibadda ah

13. 23 Oktoobar 2026Turkiga oo ka digay weerar kale oo lagu qaado Iiraan

    Wasiirka Arrimaha Dibadda Turkiga, Hakan Fidan, ayaa sheegay in weerar kale oo lagu qaado Iiraan uu sii kordhin doono xiisadaha, isla markaana uu sii hurin doono colaadda.

    Fidan ayaa hadalkan ka sheegay kulanka wasiirrada arrimaha dibadda ee dalalka G7 oo ka dhacaya magaalada Istanbul, isaga oo carrabka ku adkeeyay in “diblomaasiyadda iyo wada-hadalku” ay yihiin “habka keliya ee lagu soo afjari karo dagaalka Iiraan iyo Maraykanka”.

    Waxa uu sidoo kale sheegay in dhammaan dalalka ka qaybgalaya kulanka aysan taageersanayn faragelin milatari ama weerar kale oo lagu qaado Iiraan.

    Daqiiqado ka hor, wasiirrada arrimaha dibadda ee Jarmalka, Faransiiska iyo Britain ayaa ku dhawaaqay inay diyaar u yihiin inay Iiraan kala xaajoodaan barnaamijkeeda nukliyeerka.

    Wasiirka Arrimaha Dibadda Turkiga ayaa maanta magaalada Istanbul ku martigelinaya dhiggiisa ka socda Masar, Pakistan, Sacuudiga, Jarmalka, Faransiiska, Britain iyo Talyaaniga.

14. 23 Oktoobar 2026Ra’iisul Wasaaraha Israa’iil oo sheegay inay bilaabi karaan qorshe aan hore loo arag tan iyo 1967-kii

    Ra’iisul Wasaaraha Israa’iil, Benjamin Netanyahu, ayaa sheegay inuu dib u eegay qorshe hawlgal milatari oo uu ku tilmaamay mid “aan horay loo arag tan iyo 1967-kii”.

    Netanyahu ayaa qorshahan soo bandhigay wax yar kadib weerar hubaysan oo ka dhacay magaalada Hebron, kaas oo lagu dilay laba askari oo Israa’iiliyiin ah, saddex kalena lagu dhaawacay. Waxa uu sheegay inuu cayimi doono waqtiga la fulinayo hawlgalka.

    Netanyahu, oo xilligan ku jira loollan adag oo uu ugu jiro in mar kale loo doorto xilka ra’iisul wasaaraha Israa’iil, ayaa sheegay in tallaabada koowaad ee hawlgalka ay ka koobnaan doonto “barakicinta dadka deggan, baaritaanka guryaha iyo burburinta kaabayaasha argagixisada”, sida ay sheegtay wakaaladda wararka ee AFP.

15. 23 Oktoobar 2026War deg deg ah, Toogasho ka dhacday kaniisad ku taalla Urdun oo sababtay dhimasho iyo dhaawac

    Telefishinka dowladda Urdun ayaa sheegay in ugu yaraan toddoba qof lagu dilay, 10 kalena lagu dhaawacay toogasho ka dhacday gudaha kaniisad.

    Sida ay warbaahintu sheegtay, laba nin oo hubaysan ayaa rasaas ku furay dad ku sugnaa kaniisad ku taalla tuulada Hamoud, ee gobolka Karak ee bartamaha dalka Urdun.

    Saraakiisha ammaanka ayaa baadi-goobaya tuhmanayaasha, iyadoo aan weli la shaacin faahfaahin dheeraad ah oo ku saabsan dhacdada.

16. 23 Oktoobar 2026War deg deg ah, Madaxa waaxda maareynta masiibooyinka ee Nairobi oo war ka sheegay dhismihii ku dumay Islii

    Madaxa Waaxda Maareynta Masiibooyinka ee Nairobi, Bramwell Simiyu, ayaa BBC-da u sheegay in mas’uuliyiintu aysan ogeyn tirada dadka ku jiri kara dhisme ka kooban 13 dabaq oo galabta ku dumay magaalada.

    “Waxaa naloo sheegay in dabaqyada hoose ee dhismaha ay si sharci-darro ah dad qaarkood u degganaayeen. Sidoo kale, in dad qaarkood ay halkaas ka wadeen hawlo ganacsi,” ayuu yiri.

    Bramwell ayaa sheegay in maamulka gobolka uu bilaabay hawlgal baadi-goob iyo samatabbixin ah, isla markaana uu “isku dayayo inuu goobta keeno qalabka loo baahan yahay”.

    Dhismaha ayaa ku yaalla xaafadda Islii ee magaalada Nairobi.

17. 23 Oktoobar 2026Sawarro: Samatabixinta kooxaha gurmadka oo ka socda dhismaha ku dumay Islii

    Sidii aan horrey u tebinay, kooxaha gurmadka oo wata gaadiidka cagaf cagafyada ayaa ku sugan dhismaha dhowr iyo tobanka dabaq ka kooban ee maanta ku dumay xaafada Islii.

    Sawirrada laga helayo goobta ayaa muujinaya kooxaha oo ku howlan qaadista shubabka adag ee dumay.

    Masuulliyiinta gobolka Nairobi, ayaa goobta gaaray iyagaoo dad badani weli muujinayaan argagaxa dhacdada.

    Halkan isha ku hay iyadoo wararku isasoo taraya

18. 23 Oktoobar 2026War deg deg ah, Kooxaha samatabixinta oo weli wada gurmadka dhismaha ku dumay xaafada Islii

    Sida uu BBC-da u sheegay Cumar Axmed iskuduwaha guddiga ganacstada xaafada Islii, kooxaha gurmadka, umbalance iyo ciidamada ka qayb qaadanaya samatabixinta ayaa wada howlaha samatabixinta.

    Cumar, ayaa xusay in kooxaha ay wali ku jiraan shaqadad.

    Ilaa hadda lama oga khasaaraha dhimashada.

    Sida Cumar sheegay dhismaha dabaqa ee dumay ayaa ka koobnaa ilaa dhowr iyo tobban dabaq kaas oo la rajaynayey in dhawaan xarriga laga jaro.

19. 23 Oktoobar 2026Cumar"waxaan maqlaynay haweenay qaylinaysa oo ashahaadanaysa"guddiga xaafada Islii

    Cumar Axmed oo ah isku duwaha guddiga ganacstada xafaada Islii oo ku sugan goobta dhismuhu ku dumay ayaa BBC-da u sheegay in dhismaha dabaqa ee dumay uu ka koobnaa ilaa dhowr iyo tobban dabaq kaas oo la rajaynayey in dhawaan xarriga laga jaro.

    Wuxuu intaas ku daray in qaybta hoose ee dhismaha oo dukaamo ahaa ay furnaayeen oo ay dadi ku sugnaayeen

    ‘‘Waxaa la maqlayey hooyo qaylinaysa oo ashahaadanaysa, wiil ayaa qaylinayey oo dhahayey walaalkay ayaa ku jiray” ayuu yiri Cumar.

    Sidoo kale wuxuu xusay in dad doonayey inay guri daggaan ay eeganayeen qaybaha ay sidoo kale ku sugnaayeen dhismaha.

    Ilaa hadda lama oga khasaaraha dhabta basle saraakiisha badbaada ayaa goobta ku sugan.

20. 23 Oktoobar 2026Maxaan ilaa iyo hadda ka ognahay guriga ku dumay xaafadda Eastleigh?