అసెంబ్లీ ఎన్నికలు -2026 : తమిళనాడు సీఎం స్టాలిన్‌ ఓటమి

లైవ్ కవరేజీ

1. 27 అక్టోబర్ 2026అర్నబ్ తుపాన్ ప్రభావంతో విశాఖ తీరంలో ఉద్ధృతంగా సముద్రం

   

   ఫొటో సోర్స్, ANI

   పశ్చిమ-మధ్య బంగాళాఖాతంలో ఏర్పడిన తీవ్రతుపాన్ ‘అర్నబ్’ ప్రభావంతో ఆంధ్రప్రదేశ్‌లోని విశాఖపట్నం తీరంలో సముద్రం అల్లకల్లోలంగామారిందని ఏఎన్ఐ వార్తను ప్రచురించింది.

   ఎత్తైన అలలు ఎగసిపడుతుండగా, సముద్రం ఉద్ధృతంగా కనిపిస్తోందని ఒక వీడియోను సోషల్ మీడియాలో పోస్టు చేసింది. తుపాన్ ప్రభావంతో తీర ప్రాంతాల్లో గాలుల వేగం కూడా పెరిగిందని పేర్కొంది.

   ప్రస్తుతం బంగాళాఖాతంలో కొనసాగుతున్న ఈ తుపాన్ బుధవారం ఉదయం బాపట్ల- విశాఖపట్నం మధ్య యానాం సమీపంలో తీరం దాటే అవకాశం ఉందని వాతావరణ శాఖ అంచనా వేస్తోంది.

   తుఫాన్ నేపథ్యంలో తీర ప్రాంత ప్రజలు అప్రమత్తంగా ఉండాలని, మత్స్యకారులు సముద్రంలోకి వెళ్లవద్దని అధికారులు హెచ్చరికలు జారీ చేశారు.

2. 27 అక్టోబర్ 2026అర్నబ్ తుపాను ప్రభావంతో ఒడిశాలో పర్యాటక బోట్లు నిలిపేసిన అధికారులు

   

   ఫొటో సోర్స్, ANI

   అర్నబ్ తుపాను ప్రభావం తీవ్రంగా ఉంటుందని వాతావరణ శాఖ హెచ్చరికలతో ఒడిశా, ఆంధ్రప్రదేశ్, తమిళనాడు అధికారులు అప్రమత్తమయ్యారు. ఒడిశాలోని చిలికా సరస్సు వద్ద పర్యాటక బోటు సర్వీస్‌ను తాత్కాలికంగానిలిపేశారు.

   ఒడిశాలోని చిలికా సరస్సులో పర్యాటక ఫెర్రీలు, ప్రయాణికుల బోటు సేవలను నిలిపేసిన అధికారులు వాటిని సురక్షిత ప్రాంతంలో ఉంచారు. అన్ని పడవులు, ఫ్లోటింగ్ బ్రిడ్జ్‌లు, జెట్టీల వద్ద సురక్షితంగా కట్టి ఉంచినట్టు అధికారులు పేర్కొన్నారు.

   తుపాను ప్రభావం తగ్గి వాతావరణ పరిస్థితులు సాధారణ స్థితికి వచ్చే వరకు ఈ ఆంక్షలు కొనసాగనున్నట్టు అధికారులు వెల్లడించారు.

   22 కిలోమీటర్ల వేగంతో కదులుతున్న అర్నబ్ తుపాను విశాఖకు 260 కిలోమీటర్ల దూరంలో ఉందని ఆంధ్రప్రదేశ్ రాష్ట్ర విపత్తుల నిర్వహణ సంస్థ పేర్కొంది.

   పశ్చిమమధ్య బంగాళాఖాతంలో ఏర్పడిన అర్నబ్ తుపాన్ అతి తీవ్ర తుపాన్‌గా మారింది. ప్రస్తుతానికి ఈ తుపాను విశాఖపట్నానికి 260కి.మీ., కాకినాడకు 300 కి.మీ., మచిలీపట్నంకు 390 కి.మీ., బాపట్లకు 460 కి.మీ దూరంలో కేంద్రీకృతమై ఉంది.

   దీని ప్రభావంతో కొన్నిప్రాంతాల్లో అత్యంత భారీ వర్షాలు, బలమైన ఈదురుగాలులు ఉంటాయని వెల్లడించింది. తుపాను దగ్గరకు వచ్చే కొద్ది తీవ్రత పెరగనుందని అధికారులు తెలిపారు.

3. 27 అక్టోబర్ 2026‘జైలులో అనారోగ్యం నటించారు.. సిబ్బందిపై దాడి చేసి 17 మంది పారిపోయారు’

4. 27 అక్టోబర్ 2026‘జ్ఞానేశ్ కుమార్ ఒక్కరే నిర్ణయాలు తీసుకోరు, ఫామ్-6లో ఎలాంటి మార్పులు చేయలేదు’.. సుప్రీంకోర్టుకు సమాధానం ఇచ్చిన ఎలక్షన్ కమిషన్

5. 27 అక్టోబర్ 2026ఎల్ నినో ‘అత్యంత తీవ్రరూపం’ దాల్చబోతోందా? ఇది ఎప్పటివరకు కొనసాగొచ్చు? ‘ఇన్‌కాయిస్’ ఏం చెప్పింది?

6. 27 అక్టోబర్ 2026సెర్బియా: విద్యార్థుల ఉద్యమానికి తలవంచిన అధ్యక్షుడు వుచిచ్.. ఓటమిని అంగీకరిస్తున్నానంటూ ప్రకటన

   

   ఫొటో సోర్స్, EPA/Shutterstock

   సెర్బియాలో సుదీర్ఘ కాలంగా పదవిలో ఉన్న అధ్యక్షుడు అలెక్సాండర్ వుచిచ్ ఎన్నికల్లో తన ఓటమినిఅంగీకరించారు.

   కొద్దికాలంగా సాగుతున్న విద్యార్థుల ఉద్యమానికి ఆయన తలవంచారు.

   ఎన్నికల ఫలితాలు వెలువడిన వెంటనే రాజధాని బెల్‌గ్రేడ్, నోవి సాడ్ సహా పలు నగరాల్లో ప్రజలు భారీగా వీధుల్లోకి వచ్చి విజయోత్సవాలు చేసుకున్నారు.

   అవినీతి, పరిపాలన నిర్లక్ష్యానికి నిరసనగా రెండేళ్ల క్రితం ప్రారంభమైన విద్యార్థుల ఉద్యమం ఈ ఎన్నికల్లో వివిధ వర్గాలకు చెందిన అభ్యర్థులతో బరిలోకి దిగి సంచలన విజయం నమోదు చేసింది.

   ఈఎన్నికల్లో ఓడిపోయామని స్పష్టంగా తెలుస్తోందని రైట్ వింగ్ నాయకుడు వుచిచ్ తన ఓటమిని అంగీకరించారు.

   97 శాతం పోలింగ్ కేంద్రాల ఓట్ల లెక్కింపు పూర్తికాగా.. విద్యార్థులకు 22 లక్షల 50 వేల ఓట్లు లభించాయని, అధికార పార్టీకి 16 లక్షల 70 వేల ఓట్లు వచ్చినట్టు సెర్బియా ఎన్నికల కమిషన్ తెలిపింది.

   ప్రాథమిక ఫలితాల ప్రకారం విద్యార్థుల నేతృత్వంలోని నిరసన ఉద్యమం 52.7 శాతం ఓట్లు సాధించగా, వుచిచ్‌కు చెందిన సెర్బియన్ ప్రోగ్రెసివ్ పార్టీ 39.2 శాతం ఓట్లు మాత్రమే సాధించింది.

   వుచిచ్ ఇప్పటికే రెండు సార్లు అధ్యక్షుడిగా పని చేశారు. రాజ్యాంగ పరిమితుల కారణంగా మూడోసారి అధ్యక్ష పదవికి పోటీ చేసేందుకు వీలు లేకపోవడంతో 2017లో విడిచిపెట్టిన ప్రధానమంత్రి పదవిని తిరిగి దక్కించుకోవాలన్న లక్ష్యంతో తన పార్టీకి నాయకత్వం వహించారు.

7. 27 అక్టోబర్ 2026

8. 27 అక్టోబర్ 2026తీవ్ర తుపానుగా మారిన అర్నబ్.. విశాఖకు 300 కి.మీ. దూరంలో కేంద్రీకృతం

   

   ఫొటో సోర్స్, Getty Images

   పశ్చిమ మధ్య బంగాళాఖాతంలో ఏర్పడిన ‘అర్నబ్’ తుపాను అతి తీవ్ర తుపానుగా బలపడిందని ఆంధ్రప్రదేశ్ రాష్ట్ర విపత్తుల నిర్వహణ సంస్థ పేర్కొంది.

   అర్నబ్ తుపాను గంటకు 25 కిలోమీటర్ల వేగంతో కదులుతోందని ఆ సంస్థ ఎండీ ప్రఖర్ జైన్ తెలిపారు.

   మంగళవారం వేకువజామున విడుదల చేసిన బులెటిన్‌లో.. విశాఖకు 300 కి.మీ., కాకినాడకు 360 కి.మీ., మచిలీపట్నానికి 460, బాపట్లకు 530 కి.మీ. దూరంలో కేంద్రీకృతమై ఉన్నట్టు తెలిపారు.

   సాయంత్రం వరకు పశ్చిమ-వాయువ్య దిశగా కొనసాగి, ఆ తర్వాత వాయువ్య దిశగా పయనమవుతుందని బులెటిన్‌లో వెల్లడించారు.

   బుధవారం ఉదయం బాపట్ల -విశాఖపట్నం మధ్య, యానాం సమీపంలో తీరాన్ని దాటే అవకాశం ఉందన్నారు.

   అర్నబ్ తుపాను ప్రభావంతో నేడు, రేపు రాష్ట్రవ్యాప్తంగా విస్తారంగా వర్షాలు కురుస్తాయని జైన్ తెలిపారు. అక్కడక్కడ అత్యంత భారీ వర్షాలు ఉంటాయని కూడా అంచనా వేశారు. కోస్తా తీరం వెంబడి గంటకు 90 నుంచి 100 కి.మీ. వేగంతో బలమైన ఈదురుగాలులు వీస్తాయని హెచ్చరించారు.

   ప్రజలు అప్రమత్తంగా ఉండాలని సూచించారు.

   అర్నబ్ తుపాను కదలికలపై భారత వాతావరణ శాఖ కూడా వేకువజామున 3 గంటలకు ఒక బులెటిన్ విడుదల చేసింది.

   ఈ తుపాను మరింత బలపడి అత్యంత తీవ్రమైన తుపానుగా మారిందని పేర్కొంది. ఈ తుపాను తీరం దాటేటప్పుడు గంటకు 115 నుంచి 125 కిలోమీటర్ల వేగంతో గాలులు వీస్తాయని కూడా వెల్లడించింది.

   ఆంధ్రప్రదేశ్‌లోని తీర ప్రాంతం, ఒడిశాలోని దక్షిణ తీర ప్రాంతంలో రెడ్ అలర్ట్ జారీ చేసింది.

9. 27 అక్టోబర్ 2026గుడ్ మార్నింగ్

   బీబీసీ న్యూస్ తెలుగు లైవ్ పేజీ అప్‌డేట్లకు స్వాగతం.

   నేను బీబీసీ ప్రతినిధి ఖగేష్, మధ్యాహ్నం 2 గంటల వరకు ముఖ్యమైన వార్తలను మీకు అందిస్తాను.

   నిన్నటి లైవ్ పేజీ కోసం ఈ లింక్‌ను క్లిక్ చేయండి

10. 26 అక్టోబర్ 2026జింకను మింగేసిన కొండ చిలువ

11. 26 అక్టోబర్ 2026ఆంధ్రప్రదేశ్ స్థానిక పోరులో ‘నామినేషన్ల’ రగడ: ప్రజాస్వామ్యమా లేక బలప్రదర్శనా?

12. 26 అక్టోబర్ 2026ఆంధ్రప్రదేశ్: అర్నబ్ తుపాను సహాయక చర్యల కోసం 20 జిల్లాలకు రూ.27 కోట్ల నిధులు

    

    ఫొటో సోర్స్, Getty Images

    ఆంధ్రప్రదేశ్‌లో అర్నబ్ తుపాను సహాయక చర్యల కోసం రాష్ట్ర ప్రభుత్వం 20 జిల్లాలకు రూ.27 కోట్ల నిధులు విడుదల చేసింది.

    బాపట్ల, కృష్ణా, పశ్చిమ గోదావరి, కోనసీమ, తూర్పు గోదావరి, కాకినాడ, అనకాపల్లి జిల్లాలకు రూ.2 కోట్ల చొప్పున నిధులు విడుదల చేశారు.

    శ్రీకాకుళం, మార్కాపురం, గుంటూరు, ఎన్టీఆర్, ఏలూరు, అల్లూరి, పోలవరం, మన్యం, విశాఖపట్నం, విజయనగరం, శ్రీసత్యసాయి, నెల్లూరు, తిరుపతి జిల్లాలకు రూ.కోటి చొప్పున నిధులు మంజూరు చేస్తూ విపత్తుల నిర్వహణ శాఖ స్పెషల్ సీఎస్ జి. సాయిప్రసాద్ ఉత్తర్వులు జారీ చేశారు.

13. 26 అక్టోబర్ 2026‘బ్రెజిల్ ఎప్పటికీ లొంగదు’ అన్న లూలా డ సిల్వా గెలుపు అమెరికాకు ఎలాంటి సందేశం?

    

    ఫొటో సోర్స్, Getty Images

    బ్రెజిల్ అధ్యక్ష ఎన్నికల్లో వామపక్ష నాయకుడు లూయిజ్ ఇనాసియో లులా డ సిల్వా విజయం సాధించారు.

    ఈ విజయంతో 80 ఏళ్ల వర్కర్స్ పార్టీ అధినేత నాలుగోసారి బ్రెజిల్ అధ్యక్ష పీఠాన్ని అధిరోహించనున్నారు.

    రెండో రౌండ్ అధ్యక్ష ఎన్నికల్లో ఆయన తన ప్రత్యర్థి, రైట్ వింగ్ లిబరల్ పార్టీ నాయకుడు ఫ్లావియో బోల్సోనారోపై స్వల్ప ఆధిక్యంతో విజయం సాధించారు.

    లాటిన్ అమెరికాలో అతిపెద్ద ప్రజాస్వామ్య దేశమైన బ్రెజిల్‌లో ఓట్ల లెక్కింపు పూర్తయ్యేసరికి లులాకు 51.76 శాతం ఓట్లు వచ్చాయి.

    జైల్లో ఉన్న మాజీ అధ్యక్షుడు జైర్ బోల్సోనారో కుమారుడు ఫ్లావియో బోల్సోనారోకు 48.24 శాతం ఓట్లు లభించాయి.

    పూర్తి కథనం కోసం ఈ లింక్ క్లిక్ చేయండి.

14. 26 అక్టోబర్ 2026అర్నబ్: తుపాను ఎక్కడుంది? ఎప్పుడు తీరం దాటుతుంది, ఏయే జాగ్రత్తలు తీసుకోవాలి?

15. 26 అక్టోబర్ 2026‘బ్రెజిల్ ఎప్పటికీ లొంగదు’ అన్న లూలా డ సిల్వా గెలుపు అమెరికాకు ఎలాంటి సందేశం?

16. 26 అక్టోబర్ 2026ఇంజమామ్ ఉల్ హక్: సిక్స్ కొట్టాలని ఉందని సెహ్వాగ్ చెబితే, ఫీల్డర్లను ముందుకు తీసుకొచ్చిన పాకిస్తానీ కెప్టెన్

17. 26 అక్టోబర్ 2026సౌదీలో చిక్కుకున్న భారతీయ యాత్రికుల పరిస్థితి ఎలా ఉంది?

18. 26 అక్టోబర్ 2026పార్లమెంట్‌కు సమీపంలో నార్త్ బ్లాక్‌లో కమ్ముకున్న దట్టమైన పొగ– వెల్డింగ్ పనుల కారణంగా చెలరేగిన మంటలు

    

    ఫొటో సోర్స్, @milinddeora

    పార్లమెంట్‌కు సమీపంలో నార్త్‌బ్లాక్‌లో సోమవారం ఒక్కసారిగా దట్టమైన పొగ కమ్ముకుంది.

    “పార్లమెంట్‌కు వెళ్తున్నప్పుడు, నార్త్‌బ్లాక్ వెనుకాల దట్టమైన పొగను గమనించాను. అక్కడ అగ్ని ప్రమాదం జరిగిం ఉండొచ్చని అనుమానం వచ్చింది. అంతా క్షేమంగా ఉంటారని భావిస్తున్నాను. అత్యవసర సిబ్బంది వేగంగా స్పందించాలని కోరుకుంటున్నాను” అని బీజేపీ ఎంపీ మిలింద్ డియోరా ఇన్‌స్టాగ్రామ్‌లో పోస్టు పెట్టారు.

    “దిల్లీలోని నార్త్‌బ్లాక్‌లో స్వల్ప అగ్ని ప్రమాదం జరిగింది. ఓ భవనంలోని చిల్లర్ ప్లాంట్‌లో ఉపయోగించే ఫైబర్ ట్యాంక్‌కు మంటలు అంటుకున్నాయి. దీంతో నల్లటి పొగ భారీగా వ్యాపించింది. దీంతో సమీపంలోని ప్రజలు కొద్దిసేపు ఆందోళనకు గురయ్యారు” అని హిందూ పేర్కొంది.

    నార్త్‌బ్లాక్‌లో వెల్డింగ్ వర్క్ చేస్తుంటే చిన్న అగ్ని ప్రమాదం జరిగింది. వెల్డింగ్ నుంచి వచ్చిన నిప్పు రవ్వలు సమీపంలోని ట్యాంక్‌కు వ్యాపించి మంటలు చెలరేగి పొగ వ్యాపించింది అని ఏఏఎన్ఎస్ పేర్కొంది.

    ఘటన జరిగిన వెంటనే మంటలను ఆర్పేశారు. కొన్ని ప్రాంతాల్లో రాకపోకలను పునరుద్ధరించారు. ఎవరూ గాయపడినట్టు రిపోర్ట్ కాలేదు.

    సోమవారం 11 గంటలకు అగ్ని ప్రమాదం సమాచారం అందింది. సమాచారం వచ్చిన వెంటనే ఘటనా స్థలానికి 6 ఆగ్నిమాపక యంత్రాలను పంపి మంటలను అదుపు చేసినట్టు దిల్లీ ఫైర్ డిపార్ట్‌మెంట్ చెప్పింది.

19. 26 అక్టోబర్ 2026రాహుల్ గాంధీ కాన్వాయ్‌కు ప్రమాదం

    

    ఫొటో సోర్స్, Dilip Yadav

    ఉత్తరప్రదేశ్‌లోని పూర్వాంచల్ ఎక్స్‌ప్రెస్‌ రహదారిపై రాహుల్ గాంధీ కాన్వాయ్ ప్రమాదానికి గురైంది. ఆయన కాన్వాయ్‌లోని వాహనాలే ఒకదానికొకటి ఢీకొన్నాయి.

    అందరూ క్షేమంగా ఉన్నారని పవన్ ఖేరా చెప్పినట్టు బీసీసీ ప్రతినిధి ప్రేరణ తెలిపారు.

    చాలా స్వల్ప ప్రమాదమని, ఎవరికీ ఎలాంటి తీవ్రమైన గాయాలు కాలేదని న్యూస్ ఏజెన్సీ పీటీఐ పేర్కొంది.

    రాహుల్ గాంధీ లఖ్‌నవూ నుంచి సుల్తాన్‌పూర్ వెళ్తుండగా హాలియాపూర్ పోలీస్ స్టేషన్ పరిధిలో ప్రమాదం జరిగిందని ఐఏఎన్‌ఎస్ రిపోర్టు చేసింది.

    ప్రమాదంలో కారు బానెట్ ధ్వంసమైనట్టు వివరించింది.

    ప్రమాదం నుంచి సురక్షితంగా బయటపడ్డ రాహుల్ గాంధీ వెంటనే వేరే వాహనంలో సుల్తాన్‌పూర్ వెళ్లినట్టు తెలిపింది. ఎంపీ-ఎంఎల్‌ఏ కోర్టు ముందు హాజరయ్యేందుకు రాహుల్ వెళ్తుండగా ప్రమాదం జరిగింది.

20. 26 అక్టోబర్ 2026న్యూజీలాండ్‌తో జరిగే మూడో టీ20కి ఇషాన్ కిషన్ దూరం

    

    ఫొటో సోర్స్, AFP via Getty Images

    తొడ కండరాలు పట్టేయడంతో న్యూజీలాండ్‌తో జరుగుతున్న మూడో టీ20 మ్యాచ్‌కి కూడా ఇషాన్ కిషన్ దూరంకానున్నట్టు బీసీసీఐ ప్రకటించింది.

    న్యూజిలాండ్‌తో జరిగిన సిరీస్‌లోని తొలి టీ20 మ్యాచ్‌లో కుడి తొడ కండరాలు గాయంతో రెండో టీ20కి దూరమయ్యాడు. ఆయన స్థానంలో వైభవ్ సూర్యవంశీ ఆడాడు. రెండో స్థానంలో బ్యాటింగ్‌కు వచ్చిన వైభవ్ ఆకట్టుకోలేకపోయాడు.

    ఇషాన్ కిషన్ ప్రస్తుతం కోలుకుంటున్నాడని బీసీసీఐ తెలిపింది. అతను ఇంకా మ్యాచ్ ఆడే స్థాయికి పూర్తి ఫిట్‌నెస్‌ సాధించలేదని వెల్లడించింది. అందుకే అక్టోబర్ 27న వెల్లింగ్‌టన్‌లో జరగనున్న మూడో టీ20 మ్యాచ్‌కు దూరమవుతున్నట్టు పేర్కొంది. బీసీసీఐ వైద్య బృందం పర్యవేక్షణలో ఇషాన్ కోలుకుంటున్నాడని చెప్పింది. కుమార్ కుశాగ్ర మూడో టీ20 మ్యాచ్‌లో ఆడతాడని వెల్లడించింది.