NDC Townhall: Etu ndị agboro si wakpoo ọgbakọ pati a na Lagos

Ụfọdụ ndị mmadụ merụrụ ahụ , ebe a kụrịrị ugegbe ụfọdụ ụgbọala dịka ndị agboro ndọrọndọrọ ọchịchị wakporo ndị nkwado otu NDC ụbọchị Tọzde , abalị iri na abọ nke ọnwa Novemba, afọ 2026.

Ọgbaghara dapụtara oge ndị agboro bu ngwaọgụ wakporo ndị gbakọrọ maka ọgbakọ obodo nke e hiwere maka onye na-azọ ọkwa onyeisiala n'aha pati ahụ bụ Peter Obi n' Oregun, Lagos.

Otu onye nọ ebe ihe mere bụ Isaac Obasi gwara BBC Igbo na ya nọ nọnụ ama ogige ọgbakọ ahụ oge o mere.

"Ebe Elekere iri an otu, ha bịara jiri egbe, mma, kụọ ndị mmadụ ihe. Ha merụrụ ihe dịka mmadụ ise ahụ ma mebie ihe dịka ụgbọala iri."

Ihe onyonyo fegharịrị na soshal midia gosiri ebe ndị e chere bụ ndị agboro ji ngwaọgụ wakpoo ụlọọgbakọ ebe ndị mmadụ gbakọrọ, mana ndị e bu ọgụ bịa izute, ji oche na osisi zọrọ onwe ha ma nye ha ọsọ.

Akụkọ kwuru na ndị uweojii wụchiri ma weta udo n'ebe ahụ tupu Peter Obi awụchie n'ọgbakọ ahụ.

A nwụchiri otu nwoke so na ndị kpara aghara ahụ maka ebubo imebi ụlọala na nso ebe ọgbakọ ahụ.

Mbọ inweta ọnụ na-ekwuru ndị uweojii Lagos state amitaghị mkpụrụ oge akụkọ pụtara.