Faransiiska oo wajahaya hubanti la'aan siyaasadeed kadib markii doorashadii baarlamaanka aaney cidna helin aqlabiyad

Tebin toos ah

1. 26 Oktoobar 2026Weerarada Xuutiyina ayaa joojiyay 90 boqlkiiba duulimaadyada Riyaad

   

   Xigashada Sawirka, Reuters

   Xog laga helay hay’adaha la socda duulimaadyada ayaa muujinaya in weerarrada Xuutiyiinta Yemen ay ku dhowaad gebi ahaanba hawada Riyaad ka joojiyen diyaaradaha. Sagaal ka mid ah tobankii duulimaad ayaa la baajiyey.

   Xogtii ugu dambeysay ee ay soo bandhigtay Cirium, oo ah bog falanqeeya xogta duulimaadyada, ayaa muujineysa in intii u dhaxaysay 8-dii iyo 25-kii Oktoobar qiyaastii laba toddobaad ka hor, la baajiyey 4,071 duulimaad, marka loo eego 4,736 duulimaad oo guud ahaan jadwalkoodu ku jiray muddadaas.

   Xuutiyiinta oo xulafo la ah Iran ayaa bilihii ugu dambeeyay kordhiyey weerarrada gantaallada iyo diyaaradaha aan duuliyaha lahayn ee ay ku beegsanayeen xarumaha shidaalka, dekedaha iyo garoomada diyaaradaha ee Sacuudiga.

   Garoonka diyaaradaha caalamiga ah ee Riyaad, oo ah garoonka labaad ee ugu mashquulka badan Sacuudiga marka laga yimaado kan Jiddah, ayaa marar badan bartilmaameed u noqday Xuutiyiinta. Weerarkii dhacay 10-kii Oktoobar ayaa waxaa ku dhintay 13 qof.

   Shalay, mas'uuliyiinta Sacuudiga ayaa ku dhawaaqay in ay dib u furayaan garoonka diyaaradaha ee Boqor Khaalid ee Riyaad, kaddib markii uu xirnaa muddo laba toddobaad ah. Hase yeeshee, warbixinnadu waxay tilmaameen in weerarrada Xuutiyiintu ay weli sii socdeen, isla markaana duulimaadyo badan la baajiyey.

   Xuutiyiinta ayaa ka digay in garoonka diyaaradaha ee Riyaad uu weli yahay “bartilmaameed milatari” isla markaana uu sidoo kale yahay meel “aan ammaan ahayn.”

   Sheekooyin dheeraad ah

   Taliyaha ciidanka Itoobiya oo sheegay in la qabtay hub ay lahayd TPLF oo ka yimid Massawa

   Meelo dunida ka mid ah oo bilaa muwaadiniin iyo bilaa xukuumado ah: Maxaysan aagaggaas u lahayn cid iska leh?

   Khilaaf adag oo ku saabsan shaqada milatariga Israa'iil kaa oo laga yaabo inuu qaabeeyo mustaqbalka Israa'iil

2. 26 Oktoobar 2026Katz : Israel ma qorsheyneyso in ay weerarto Iran ka hor dorashada

   

   Xigashada Sawirka, Anadolu via Getty Images

   Wasiirka difaaca Isreal Israel Katz ayaa maanta oo isniin ah sheegay in aysan “waxba ka jirin” wararka sheegaya in khilaaf soo dhexgalay milatariga wadanka iyo hoggaamiyayaasha siyaasadda kaas ku saabsan in weerar lagu qaado Iran.

   Wuxu sheegay in Israel “aysan qorsheyneyn in ay werarto Iran ka hor dorashooyinka dalka ka dhacaya”.

   Talefishinka Israel ee lagu magacaabo Channel 12 ayaa shalay oo Axad aheyd sheegay isago soo xiganaya ilo aan la magacaabin in ay isku khilaafeen raysalwasaaraha Israel Benjamin Netanyahu iyo taliyaha cidamada IDF Eyal Zamir kaas oo ku saabsan amar cusub oo aan faahfaahintiisa la sheegin. Netanyahu ayaa hore u sheegay wararkaas in ay been yihin.

   Katz wuxuu kaloo sheegay ujeedka loo qoray warbixintan in ay tahay in shaki la geliyo go’aanka isbahaysiga Netanyahu ka hor doorashada aadka laysugu dhow yahay.

   Channell 12 wuxu sheegay in Eyal Zamir u dalbaday kulan faahfaahsan iyo heshiis qoran oo saxiixan ka hor inta uusan ammarka qaadan.

   Talefeshinka ma bixin faahfaahin ku saabsan amarka su’aasha ka taagan tahay balse wuxu soo xigtay ilo sheegaya in ay jiraan walaac ka dhexjira milatariga oo ku saabsan in dagaalka loo adeegsanayo faa’ido siyaasadeed.

   Sheekooyin dheeraad ah

   Taliyaha ciidanka Itoobiya oo sheegay in la qabtay hub ay lahayd TPLF oo ka yimid Massawa

   Meelo dunida ka mid ah oo bilaa muwaadiniin iyo bilaa xukuumado ah: Maxaysan aagaggaas u lahayn cid iska leh?

   Khilaaf adag oo ku saabsan shaqada milatariga Israa'iil kaa oo laga yaabo inuu qaabeeyo mustaqbalka Israa'iil

3. 26 Oktoobar 2026Su'aalo ayaa ka dhashay ruqsadaha dhismihii ku dumay Eastleigh

4. 26 Oktoobar 2026Afrika ma waxay dhiseysaa isku filnaansho dhaqaale oo mustaqbalka ah?

5. 26 Oktoobar 2026Obama oo si aad ah u weeraray Trump mar uu olole ka waday Ohio

6. 26 Oktoobar 2026Maxay yihiin Faa'iidooyinka ku jira caana Lo'da ee aan la karkarin?

   

   Xigashada Sawirka, Getty Images

   Haddii aan rumaysanno sheekooyinka laga sameeyay faa'iidooyinka caanaha aan la kar-karin, waxay noqon lahaayeen inay daawo u yihiin caanaha Lo’da dhibaato kasta, laga bilaabo kor u qaadista habdhiska difaaca jirka ilaa hagaajinta habdhiska dheefshiidka.

   Tobankii sano ee la soo dhaafay, dadka ka baaraya bogga Google caanaha noocan ah ee ayaa korodhay UK iyo Mareykanka. Waxaa sidoo kale jiray ku dhawaad 260,000 oo qoraal oo Instagram ah oo isticmaalaya hashtag #CaanahaCeeriinka, iyadoo dadka saameeya baraha bulshada ay sii wadaan inay kor u qaadaan oo ay xoojiyaan faa'iidooyinkooda.

   Inta badan noocyada caanaha ee lagu iibiyo suuqa waxay maraan hab lagu kululeeyo caanaha heerkul gaar ah si loo dilo bakteeriyada waxyeelada leh loona kordhiyo muddada la kaydin karo iyada oo aan la kharribin.

   Dhanka kale, caanaha ceeriin iyo kareemka aan la karin waxaa laga saaraa lo'da, idaha, ama riyaha ka dibna si toos ah ayaa loogu shubaa weelasha iyada oo aan wax farsamayn ah la sii wadin.

   Sidaa darteed, waxay ku sii jiraan xaaladdoodii asalka ahayd, nafaqooyinkooda iyo dhammaan unugyada nool ee ku jira.

   Intaa waxaa dheer, dhadhanka caanaha aan la karin badanaa waa la ammaanaa, iyadoo la yiraahdo way ka macaan yihiin caanaha la warshadeeyay oo way ka saxsan yihiin.

   Sheekooyin dheeraad ah

   Taliyaha ciidanka Itoobiya oo sheegay in la qabtay hub ay lahayd TPLF oo ka yimid Massawa

   Meelo dunida ka mid ah oo bilaa muwaadiniin iyo bilaa xukuumado ah: Maxaysan aagaggaas u lahayn cid iska leh?

   Khilaaf adag oo ku saabsan shaqada milatariga Israa'iil kaa oo laga yaabo inuu qaabeeyo mustaqbalka Israa'iil

7. 26 Oktoobar 2026Iran oo diiday dalabkii Britain, Faransiiska iyo Jarmalka ee ahaa in wada-hadal lala yeesho

   Maalmo ka hor intii aysan Britain, Faransiiska iyo Jarmalku ku dhawaaqin inay diyaar u yihiin inay Iraan wada-hadal la yeeshaan, afhayeenka Wasaaradda Arrimaha Dibadda Iraan, Ismaaciil Bagaei, ayaa sheegay in “Yurub ay qayb ka noqotay dhibaatada”.

   “Reer Yurub wax natiijo wax-ku-ool ah ma aysan keenin labadii sano ee la soo dhaafay,” ayuu yiri.

   Waxa uu sheegay in xitaa xilligii weerarrada Maraykanka iyo Israa’iil ay ku qaadeen xarumaha nukliyeerka Iraan, dalalka Yurub ay diideen inay cambaareeyaan weerarradaas. Waxa uu intaa ku daray in farriimihii ay soo saareen ay ahaayeen kuwo “la jaanqaadaya taageeridda gardarrada milatari ee Maraykanka”.

   Bagaei ayaa sidoo kale hirgelinta habka dib-u-soo-celinta cunaqabataynta, oo loo yaqaan trigger mechanism, ku tilmaamay tusaale kale oo muujinaya hab-dhaqanka saddexda dal ee Yurub, kuwaas oo muddo sannado ah kaalin weyn ku lahaa wada-hadallada barnaamijka nukliyeerka Iran.

   Baaq uu hore usoo saaray, kaddib kulan uu magaalada Istanbul kula yeeshay dhiggiisa Yurub iyo mas’uuliyiin kale oo gobolka ah, wasiirka arrimaha dibadda Jarmalka, Johann Wadephul, ayuu ku sheegay in dalkiisu, isaga oo kaashanaya Faransiiska iyo Britain, uu diyaar u yahay inuu Iraan kala xaajoodo barnaamijkeeda nukliyeerka.

   Sheekooyin dheeraad ah

   Taliyaha ciidanka Itoobiya oo sheegay in la qabtay hub ay lahayd TPLF oo ka yimid Massawa

   Meelo dunida ka mid ah oo bilaa muwaadiniin iyo bilaa xukuumado ah: Maxaysan aagaggaas u lahayn cid iska leh?

   Khilaaf adag oo ku saabsan shaqada milatariga Israa'iil kaa oo laga yaabo inuu qaabeeyo mustaqbalka Israa'iil

8. 26 Oktoobar 2026War deg deg ah, Madaxweynaha Soomaaliya oo casuumaad rasmi ah u fidiyey Xisbiga Nabad iyo Nolol iyo Mucaaradka

   

   Xigashada Sawirka, VILLA SOMALIA

   Warsaxaafadeed kasoo baxay xafiiska madaxweynaha Jamhuuriyadda Federaalka Soomaaliya, Mudane Xasan Sheekh Maxamuud, lagu sheegay in madaxweynaha uu casuumaad rasmi ah u fidiyey xisbiga Nabadda iyo Nolol, Golaha Mustaqbalka Soomaaliyeed, Madasha Midnimo Qaran, iyo Dalladda Bulshada Rayidka, “si ay uga soo qaybgalaan gogol wadatashi Qaran oo ka furmi doonta magaalada Muqdisho 14–18 Nofeembar 2026”, sida ku xusan waraaqda kasoo baxday madaxtooyada Soomaaliya

   Ujeedka gogoasha ayaa lagu tilmaamay in ay tahay in ay ka wada hadlaan arrimaha doorashooyinka, kuwaas oo wayadaan dambe la isku haystay.

   Madaxweynaha ayaa dhowr jeer oo hore sidan oo kale u dhigay gogol wada-hadal, kuwaas oo iskugu jiray kuwo suuragalay iyo kuwo aan suuragelin, inkasta ay oo ka sinnaayeen la'aanya natiijooyiinkii laga filayey ee ahaa in la isku raaco hab iyo maamul doorasho oo uu dalka aadayo.

   Haddaba su'aasha ayaa waxa ay noqoneysaa; ma noqon doontaa Casuumaddii lagu soo afjari lahaa khilaafka siyaasadeed ee u dhexeeya dowladda iyo mucaaradka?

   Sheekooyin dheeraad ah

   Taliyaha ciidanka Itoobiya oo sheegay in la qabtay hub ay lahayd TPLF oo ka yimid Massawa

   Meelo dunida ka mid ah oo bilaa muwaadiniin iyo bilaa xukuumado ah: Maxaysan aagaggaas u lahayn cid iska leh?

   Khilaaf adag oo ku saabsan shaqada milatariga Israa'iil kaa oo laga yaabo inuu qaabeeyo mustaqbalka Israa'iil

9. 26 Oktoobar 2026Dowladda Uganda ayaa ku dhawaaqday xayiraado adag oo dhanka safarka ah, iyadoo xoojinaysa dadaallada looga hortagayo faafitaanka cudurka Ebola.

   

   Xigashada Sawirka, Uganda Media Centre / X

   Tallaabooyinkan waxaa ka mid ah in muwaadiniinta Uganda ee ka soo laabanaya Jamhuuriyadda Dimuqraadiga ah ee Congo (DRC) lagu khasbo inay galaan karantiil soconaya 21 maalmood.

   Dadka safarrada aan muhiimka ahayn uga imanaya Jamhuuriyadda Dimuqraadiga ah ee Congo, oo ah dal uu cudurku si weyn uga jiro, ayaa hadda laga mamnuucay inay Uganda soo galaan.

   Uganda iyo Jamhuuriyadda Dimuqraadiga ah ee Congo waxay wadaagaan xuduud dheer oo dhererkeedu yahay boqollaal kiiloomitir, taas oo aan si buuxda loo xakamayn.

   Laba gobol oo ka mid ah kuwa uu cudurka Ebola sida daran uga dillaacay gudaha Congo ayaa xuduud la leh Uganda.

   Inkasta oo aan weli Uganda laga xaqiijin kiis Ebola ah, haddana mas’uuliyiinta dalkaasi waxay wadaan dadaallo ay ku xaqiijinayaan inaan dalku gelin khatar cudurka la xiriirta.

   Shaqaalaha gargaarka, darawallada baabuurta xamuulka iyo ciidamada ammaanka laguma soo rogi doono karantiilka 21-ka maalmood ah, balse waxaa laga dhaafi doonaa oo keliya marka baaritaanno lagu sameeyo.

   Qof kasta oo dhowaan booqday Jamhuuriyadda Dimuqraadiga ah ee Congo looma oggolaan doono inuu Uganda u sii maro dal kale.

   Kiisaskii ugu horreeyay ee Ebola ee laga diiwaangeliyo Kenya iyo Nigeria bishan ayaa lala xiriiriyay dad soo maray Garoonka Diyaaradaha Caalamiga ah ee Entebbe ee Uganda.

   Sheekooyin dheeraad ah

   Taliyaha ciidanka Itoobiya oo sheegay in la qabtay hub ay lahayd TPLF oo ka yimid Massawa

   Meelo dunida ka mid ah oo bilaa muwaadiniin iyo bilaa xukuumado ah: Maxaysan aagaggaas u lahayn cid iska leh?

   Khilaaf adag oo ku saabsan shaqada milatariga Israa'iil kaa oo laga yaabo inuu qaabeeyo mustaqbalka Israa'iil

10. 26 Oktoobar 2026War deg deg ah, Maxaa kasoo kordhay dagaalka ka socda duleedka magaalada Baydhabo

    Qof degan koonaha magaalada Baydhabo oo ku dhaw halka uu saaka dagaalka ka bilowday ayaa BBC-da u sheegay in hadda dhawaaqa rasaasta ay u muuqato mid qabowday, inkasta oo la maqlayo rasaas goos goos ah oo weli ka dhacaysa aagga uu dagaalka ka socda.

    sida aan hore u tebinnay, dagaalka ayaa saaka kadib salaaddii subax ka bilowday dhanka koofureed ee magaalada, aagga deeganka Burjaadka oo kamid ah mid goobaha laga ilaaliyo amniga magaalada Baydhabo, kuna taalla wadada isku xirta Muqdisho iyo Baydhabo.

    Dhawaan ayey ahayd markii deegaankaas ay saldhig cusub ka sameysteen ciidamada maamulka cusub ee KG Soomaaliya, kadib weerarro isdabo joog ahaa ooo ay kala kulmayeen ciidamo taageersan madaxweynihii hore KGS Lafta gareen.

    Sheekooyin dheeraad ah

    Taliyaha ciidanka Itoobiya oo sheegay in la qabtay hub ay lahayd TPLF oo ka yimid Massawa

    Meelo dunida ka mid ah oo bilaa muwaadiniin iyo bilaa xukuumado ah: Maxaysan aagaggaas u lahayn cid iska leh?

    Khilaaf adag oo ku saabsan shaqada milatariga Israa'iil kaa oo laga yaabo inuu qaabeeyo mustaqbalka Israa'iil

11. 26 Oktoobar 2026Israa'iil oo galaysa doorasho muhiim ah xilli ay kala qaybsanaan weyn jirto

12. 26 Oktoobar 2026Isbahaysiga uu Sacuudigu hoggaamiyo oo sheegay inuu duqeeyay bakhaarro hub iyo goobaha gantaallada laga gano ee Yeman

    Isbahaysiga milatari ee uu Sacuudi Carabiya hoggaamiyo ayaa Isniintii sheegay inuu bartilmaameedsaday dhowr goobood oo Xuutiyiintu gantaallada ka ridaan iyo bakhaarro hub oo ku yaalla Yemen. Dhanka kale, Xuutiyiinta ayaa ku dhawaaqay weerar kale ay ku qaadayn Garoonka Diyaaradaha Caalamiga ah ee Riyadh.

    Howlgalkan Sacuudiga sheegtay ayaa dhacay maalin kaddib markii qaraxyo kale laga maqlay caasimadda. Mas’uuliyiinta Sacuudiga ayaa dadka deggan magaalada farriimo qoraal ah ugu diray, kuwaas oo ay ku qorneyd, digniin ku saabsan “khatar weerar cirka ah oo cadowgu soo wado”.

    Toddobaadyadii la soo dhaafay, Riyadh ayaa marar badan bartilmaameed u ahayd weerarrada Xuutiyiinta.

    Turki al-Maliki, oo ah afhayeenka isbahaysiga milatari ee Sacuudigu hoggaamiyo, ayaa saaka bartiisa X ku qoray in howlgalka lagu burburiyay afar goobood oo laga gano gantaallada riddada dheer, bakhaar lagu kaydiyo gantaallada iyo godad ay Xuutiyiintu isticmaali jireen.

    Turki al-Maliki ayaa sheegay in ujeeddada howlgalka ay tahay in la gooyo marinnada sahayda maleeshiyaadka Xuutiyiinta ee deegaannada ay maamulaan.

    Sida uu sheegay, nidaamyada difaaca cirka ee Sacuudiga ayaa qabtay oo burburiyay gantaal riddada dheer ah oo ku soo wajahnaa magaalada Riyadh.

    Xuutiyiinta ayaa uga digay dadka inay isticmaalaan garoonka diyaaradaha, iyaga oo ku tilmaamay “bartilmaameed milatari”.

    Xuutiyiinta ayaa Isniintii mar kale sheegay inay “si sax ah u haleeleen bartilmaameedka iyaga oo adeegsanaya gantaal riddada dheer ah”. Warkan waxaa baraha bulshada ku shaaciyay afhayeenka milatariga Xuutiyiinta, Yahya Saree.

    Waxa uu sidoo kale sheegay in Xuutiyiintu diyaaradaha aan duuliyaha lahayn ku weerareen xarumo saliidda Sacuudiga.

    Sii akhri

    Taliyaha ciidanka Itoobiya oo sheegay in la qabtay hub ay lahayd TPLF oo ka yimid Massawa

    Meelo dunida ka mid ah oo bilaa muwaadiniin iyo bilaa xukuumado ah: Maxaysan aagaggaas u lahayn cid iska leh?

    Khilaaf adag oo ku saabsan shaqada milatariga Israa'iil kaa oo laga yaabo inuu qaabeeyo mustaqbalka Israa'iil

13. 26 Oktoobar 2026In ka badan 40 qof oo lagu dilay weerar ka dhacay degmada Shirka ee gobolka Oromia

    

    Xigashada Sawirka, AFP

    Saddex goobjooge ayaa BBC-da u sheegay in in ka badan 40 qof, oo ay ku jiraan ugu yaraan shan carruur ah, lagu dilay weerar kale oo toddobaad gudihiis ka dhacay degmada Shirka, aagga Arsi ee gobolka Oromia.

    Ilo xog-ogaal ah ayaa sheegay in ku dhawaad 20 qof oo kale ay ku dhaawacmeen weerarka, isla markaana la geeyay isbitaal.

    Guddiga Xuquuqda Aadanaha ee Itoobiya (EHRC) ayaa sheegay in weerarka ay ka war heleyn, isla markaana baaritaan lagu hayo.

    Sida ay sheegeen ilo-wareedyo ay BBC-du la hadashay, weerarku waxa uu billowday abaare 11-kii subaxnimo, waxaana uu ka dhacay degmada Shirka, gaar ahaan deegaanada Birbo iyo Chole, oo ka tirsanaa aagga RCS ee dowlad-goboleedkii hore ee Oromia.

    Qof deegaanka deggan oo aabbihii oo 75 jir ahaa lagu dilay weerarkii shalay ayaa xaaladda ku tilmaamay sidan:

    “Waxa nala hareereeyay 11-kii habeenimo. Gabi ahaanba diyaar uma aannu ahayn, wax war ahna kama aannu hayn. Waxay naga soo hareereeyeen afarta dhinac oo dhan”. ayuu yiri.

14. 26 Oktoobar 2026Taliyaha ciidanka Itoobiya oo sheegay in la qabtay hub ay lahayd TPLF oo ka yimid Massawa

15. 26 Oktoobar 2026War deg deg ah, Dagaal ka socda duleedka magaalada Baydhabo

    

    Xigashada Sawirka, Maamulka Koofur Galbeed

    Wararka aan ka heleyno magaalada Baydhabo ayaa sheegaya in saaka aroortii hore uu dagaal ka bilowday duleedka magaaladaasi, kaas oo sheegtayn ciidanka madaxweynihii hore maamulka Koofur Galbeed Soomaaliya.

    Dagaalka saaka ayaa lagu soo warramayaa inuu ka bilowday dhanka koofureed ee magaalada, aagga deeganka Burjaadka oo kamid ah mid goobaha laga ilaaliyo amniga magaalada Baydhabo, kuna taalla wadada isku xirta Muqdisho iyo Baydhabo.

    Mid kamid ah weriyeyaasha madax bannaan ee Baydhabo ku sugan ayaa BBC Soomaali u xaqiijiyey in magaalada ay degan tahay, balse saasaanta colaadeed ee dagaalka laga dareemeyey illaa iyo shalay duleedka Baydhabo, halkaa oo shalay ay miino kula qaraxday saraakiil ka tirsan ciidanka maamulka KG, inkasta oo aan la hubin tirada saxda ah ee ku geeriyootay miinadaasi.

    Inkasta oo weli ay tahay xilli hore hadana Illaa iyo hadda lama oga khasaaraha ka dhashay dagaalka

    Deegaanka Burjaadka ayaa ciidamo dheeraad ah la geeyey tan iyo markii ay bilowdayn weerarrada ay ciidamada daacadda u ah madaxweynihii hore KG Laftagareen kusoo qaadayaan Baydhabo.

    Halkaan kala soco waxii soo kasoo kordha

16. 26 Oktoobar 2026Meelo dunida ka mid ah oo bilaa muwaadiniin iyo bilaa xukuumado ah: Maxaysan aagaggaas u lahayn cid iska leh?

17. 26 Oktoobar 2026War deg deg ah, Iiraan oo xaqiijiyay booqashada saraakiil sare oo ka socda Sacuudiga, Turkiga iyo Pakistan ee Tehran

    

    Xigashada Sawirka, Reuters

    Cali Bagheri, ku-xigeenka xoghayaha Golaha Sare ee Amniga Qaranka Iraan, ayaa xaqiijiyay in Wasiirka Difaaca Sacuudi Carabiya, Khalid bin Salman, Taliyaha Ciidanka Pakistan, Asim Munir, iyo Madaxa Sirdoonka Turkiga, Ibrahim Kalin,la filayo inay maanta iskugu wada yimaadan caasimadda Iiraan ee Tehraan, waxa ayna kulan wadajir ah la yeelan doonaan mas’uuliyiinta Iraan inta ay booqashada ku joogaan magaalada Tehran.

    Mr Bagheri ayaa wareysi uu siiyay Telefishinka Qaranka Iraan ku sheegay in Asim Munir uu horay, kulan uu la yeeshay Mohsen Rezaei, xoghayaha Golaha Sare ee Amniga Qaranka Iran, ugu sheegay in saraakiil sare oo ka socda saddexdan dal ay go’aansadeen inay u safraan Tehran, halkaasna ku yeeshaan kulan wadajir ah.

    Waxa uu sidoo kale sheegay in Iraan iyo saddexdan dal ay iska kaashan karaan sidii sare loogu qaadi lahaa “amniga gobolka, kaas oo ku dhisan awoodaha gudaha”, iyaga oo ka faa’iidaysanaya waxa uu ku tilmaamay “waayo-aragnimada guulaysatay ee Jamhuuriyadda Islaamiga ah ee Iran u leedahay dhismaha amniga qaranka” intii uu socday dagaalkii dhowaan dhacay.

    Wakaaladda wararka ee Reuters ayaa horay u tebisay, iyadoo soo xiganaysa laba ilo-wareed oo xog-ogaal ah, u sheegtay in saraakiil sare oo ka socda Sacuudi Carabiya, Turkiga iyo Pakistan, oo ah saddex dal oo xubno ka ah “Heshiiska Maka”, ay Isniinta, 26-ka Oktoobar, magaalada Tehran kaga wada hadli doonaan isku-duwidda arrimaha gobolka.

    Booqashadan ayaa ku soo beegmaysa xilli fallaagada Xuutiyiinta Yemen ay sii wadaan weerarrada ay ku qaadayaan Sacuudi Carabiya.

    Saraakiil ka kala socday saddexda dal ee xubnaha ka ah Heshiiska Maka ayaa horraantii Oktoobar, kulan degdeg ah oo ka dhacay magaalada Riyadh, ku heshiiyay in si dhaqso ah Sacuudi Carabiya loo geeyo ciidamo iyo awoodaha milatari ee loo baahan yahay.

18. 26 Oktoobar 2026Maraykanka oo Ammarro dheeraad ah kusoo rogay muwaadiniintiisa ka shaqeeya dalka Sacuudiga

    

    Xigashada Sawirka, US RIYAD EMBASSY

    Wasaaradda Arrimaha Dibadda ee Maraykanka ayaa soo saartay amar ay shaqaalaha Maraykanka ee sugan Sacuudiga kaga baxayaan dalkaasi, iyaga iyo qoysaskooduba. khataraha amni darteyd.

    War saxaafdeedka oo soo baxay 25 bisha Oktoober ayaa lagu yiri “Laga bilaabo 23-ka Oktoobar 2026, Wasaaradda Arrimaha Dibadda ee Maraykanka ayaa amartay in shaqaalaha dawladda Maraykanka ee aan ku jirin hawlaha degdegga ah iyo xubnaha qoysaskooda ay ka baxaan Sacuudi Carabiya, sababo la xiriira khataraha amni”.

    Xuutiyiinta ay taageerto Iran ayaa dagaallo iyo weerarro ka fuliyay Sacuudi Carabiya, oo ay ku jiraan weerarro lagu qaaday garoomada diyaaradaha rayidka iyo kaabayaasha kale ee muhiimka ah, kuwaas oo sababay dhimasho iyo dhaawac soo gaaray dad rayid ah iyo carqalado waaweyn oo ku yimid isu-socodka safarka, balse safaaraddu waxa ay sheegtay in ay ka cabsi qabaan “in colaadahaasi ay si degdeg ah ugu fidaan meelo ka baxsan aagga ay hadda ka socdaan”.

    Dhanka kale, warka qoraalka ayaa lagu tilmaamay in “ Shaqaalaha dawladda Maraykanka ee ka hawlgala Sacuudi Carabiya waxay u baahan yihiin oggolaansho gaar ah oo uu bixiyo madaxa ergada diblomaasiyadeed ee Maraykanka si ay uga duuli ama degi karaan garoon kasta oo diyaaradeed oo dalkaas ku yaalla, kaddib weerarradii ugu dambeeyay ee gantaallada iyo diyaaradaha aan duuliyaha lahayn lagu qaaday garoomada diyaaradaha ee boqortooyada”.

19. 26 Oktoobar 2026Netanyahu: "Waxaan dhammaystirnay 90% hawshii lagu burburinayay barnaamijka nukliyeerka Iraan"

    

    Xigashada Sawirka, Reuters

    Maalin ka hor doorashooyinka baarlamaanka Israa’iil, ra’iisul wasaarahooda, Benjamin Netanyahu, ayaa sheegay in boqolkiiba 90 hawshii lagu burburinayay barnaamijka nukliyeerka Iran la qabtay, isla markaana uu yahay qofka keliya ee dhammaystiri kara hawshaas.

    Waxa uu ka digay suurtagalnimada weerar ay Iraan iyo xulafadeedu ay qorsheenayaan in ay weerar kusoo qaadaan si ay u carqaladeeyaan doorashooyinka.

    Dhanka kale, madaxweynaha Maraykanka Donald Trump ayaa taageeray Netanyahu, isaga oo ka hadlayay hawlgalkii milatari ee ka dhanka ahaa Iraan, wuxuuna yiri: “U codeeya Netanyahu; waa inaan dhammaystirnaa wixii aan si wadajir ah u bilownay”.

    Hase yeeshee, Gadi Eisenkot oo la tartamaya Netanyahu ayaa ku eedeeyay ra’iisul wasaaraha Israa’iil inuu ku guuldarraystay inuu gaaro ujeeddooyinkii laga lahaa dagaalka Iiraan.

20. 25 Oktoobar 2026Dowladda Soomaaliya oo ku dhawaaqday natiijo toddobaadyo la sugayey

    

    Xigashada Sawirka, Baraha bulshada

    Wasaaradda caafimaadka iyo daryeelka Bulshada ee dowladda Federalka Soomaaliya ayaa soo saartay warbixin ku saabsan kiis ku saabsanaa qof loo karantiilay xanuunka Ebola. Warsaxaafadeedka wasaaraddu soo saartay ayaa lagu sheegay in “iyadoo daba socota war-saxaafadeedkii ay soo saartay 12 Oktoobar 2026, waxay shacabka Soomaaliyeed la wadaagaysaa warbixintii ugu dambeysay ee ku saabsan muwaadinkii Soomaaliyeed ee la karantilay, kaddib markii la ogaaday inuu xirir toos ah la yeshay qof qabay cudurka Ebola oo ku geriyooday dalka Kenya 5 Oktoobar 2026” ayaa lagu yiri war-saxaafadeedka.

    Wasaaraddu waxay sheeegtay in 12 bishan October ay ku guuleysatay in si ‘badqab iyo sharaf leh loo karantiilo muwaadinka, iyadoo la geeyay Xarunta Karantiilka iyo Daaweynta Cudurka Ebola ee Isbitaalka Forlanini,”

    Waxaa intaas lagu daray in qofka la marsiiyey laba baaritaan oo cudurka Ebola ah. Baaritanka kowaad ayaa lagu sameeyey gudaha Soomaliya halka kan labaadna loo diray dibadda.

    Wasaaraddu waxay sheegtay in labada baaritaanba ay muujiyeen in muwaadinka laga waayay fayraska ‘Negative’

    Warka ayaa intaa ku sii daray in Intii uu muwaadinku ku jiray karantiilka, uusan muujin wax calaamado ah oo la xiriira cudurka Ebola. Waxaa sidoo kale la dhammaystiray muddadii 21-ka.

    “Wasaaradda Caafimaadka, iyadoo tixgelinaysa natiijooyinka labada baaritaan, dhammaystirka muddada dabagalka, xaaladda caafimaad ee muwaadinka iyo qüimeynta khatarta caafimaadka bulshada iyadoo la raacayo habraaca caalimaga ah xaqiijinta baaritaanada Cudurka , waxay go'aamisay in muwaadinka laga saaro karantiilka, iyadoo la raacayo habraacyada caafimaadka ee u degsan dalka iyo kan caalamiga ah.”ayaa lagu yiri war-saxaafadeedka.

    Wasaaradda caafimaadka ee Soomaaliya ayaa sidaasoo kale xaqiijisay in ilaa hadda an Soomaalia laga xaqiijin cuduka Ebola.

    Wasiirka caafimaadka Soomaaliya Dr Cali Xaaji Aadan, ayaa BBC-da u sheegay in wali wadaan howlaha feejignaanta iyo u toga haynta xaaladda.