అసెంబ్లీ ఎన్నికలు -2026 : తమిళనాడు సీఎం స్టాలిన్‌ ఓటమి

లైవ్ కవరేజీ

1. 18 అక్టోబర్ 2026కెనడా మిలటరీ బేస్‌లో భారీ అగ్నిప్రమాదం.. పలువురి మృతి

   ఆల్బర్టాలోని కెనడా సైనిక స్థావరానికి సమీపంలో భారీ అగ్నిప్రమాదం సంభవించినట్లు ఆ దేశ సైన్యం ప్రకటించింది.

   ప్రమాద తీవ్రతను ఇంకా అంచనా వేస్తున్నామని, ఎంతమంది మరణించారు.. ఎంతమంది గాయపడ్డారు అనే వివరాలు ఆ తరువాతే వెల్లడిస్తామని ‘ది కెనడియన్ ఆర్మ్‌డ్ ఫోర్సెస్(సీఏఎఫ్) తెలిపింది.

   అగ్నిప్రమాదం జరిగిన వేన్‌రైట్ కెనడియన్ ఫోర్సెస్ బేస్ ఆ దేశంలో కీలక మిలటరీ ట్రైనింగ్ కేంద్రం.

   కాగా కనీసం ఏడుగురు మరణించారని కెనడానకు చెందిన టీవీ నెట్‌వర్క్ గ్లోబల్ న్యూస్ రిపోర్ట్ చేసింది.

   ఫైర్ ట్రైనింగ్ ఎక్సర్‌సైజ్ జరుగుతున్న సమయంలో గ్యాస్ లైన్‌కు కానీ గ్యాస్ వెల్‌‌పై కానీ ఫైరింగ్ జరగడంతో ప్రమాదం జరిగినట్లు పేరు చెప్పడానికి ఇష్టపడని మిలటరీ సోర్సెస్‌ను ఉటంకిస్తూ గ్లోబల్ న్యూస్ రిపోర్ట్ చేసింది.

   కాగా సీఏఎఫ్, స్థానిక అధికారులు పరిస్థితిని సమీక్షిస్తున్నారని, మంటలను అదుపులోకి తీసుకొస్తున్నారని కెనడా రక్షణ మంత్రి డేవిడ్ మెక్‌గింటీ చెప్పారు.

2. 18 అక్టోబర్ 2026అద్దెకు గర్బా పార్టనర్: ‘నుదుటిపై ముద్దు’, ‘ఆఫ్టర్ పార్టీ’ ఆఫర్ల వెనుక అసలు నిజమేంటి?

3. 18 అక్టోబర్ 2026క్యాన్సర్, ఎర్లీ మెనోపాజ్‌ను ఎదుర్కొని.. 23 ఏళ్ల నాటి అండాశయ కణజాలంతో ఈమె ఎలా తల్లయ్యారు

4. 18 అక్టోబర్ 2026వెస్ట్ బ్యాంక్‌లో యూరోపియన్ దౌత్యవేత్తల బృందంపై దాడి

   పశ్చిమాసియాలోని వెస్ట్ బ్యాంక్‌లో యూరోపియన్ దౌత్యవేత్తల బృందంపై ముసుగులు ధరించిన కొందరు ఇజ్రాయెలీ సెటిలర్లు దాడి చేశారు.

   బెల్జియం తమ కాన్సుల్ జనరల్‌తో పాటు ఇతర దౌత్యవేత్తలపై జరిగిన దాడిని తీవ్రంగా ఖండించింది. ఈ దాడికి బాధ్యులైన వారిపై చర్యలు తీసుకోవాలని ఇజ్రాయెల్‌ను కోరింది.

   ఇజ్రాయెల్ సైన్యం కూడా దీన్ని ‘తీవ్రమైన హింసాత్మక చర్య’గా అభివర్ణిస్తూ, దర్యాప్తు చేస్తున్నట్లు ప్రకటించింది.

   ఈ ఘటనపై ఇజ్రాయెల్ ప్రధాని బెంజమిన్ నెతన్యాహు కార్యాలయం అనుమానాలు వ్యక్తం చేసింది. ఇజ్రాయెల్ ప్రతిష్ఠను దెబ్బతీసేందుకు జరుగుతున్న ‘ప్రచారంలో’ భాగమై ఉండొచ్చని అభిప్రాయపడింది.

   దీనికి ఒక రోజు ముందు వెస్ట్ బ్యాంక్‌లోని మరో గ్రామంలో పాలస్తీనీయులతో పాటు వాషింగ్టన్ పోస్ట్ ఫొటో జర్నలిస్ట్ హెడీ లెవిన్‌పై దాడి జరిగింది. ఈ ఘటనలో లెవిన్‌తో పాటు పలువురు పాలస్తీనా పౌరులు గాయపడ్డారు.

   ఈ దాడి ఆందోళనకరమని అమెరికా విదేశాంగ మంత్రి మార్కో రూబియో పేర్కొన్నారు. ఇలాంటి ఘటనలు ఇజ్రాయెల్ ప్రతిష్ఠకు కూడా మంచివి కావని ఆయన అన్నారు.

5. 18 అక్టోబర్ 2026ట్రంప్ నిర్ణయంతో భారత్‌కు భారీ ఊరట, అమెరికాలో వ్యతిరేకత పెరగనుందా?

6. 18 అక్టోబర్ 2026ప్రేమ్ వత్సా: 8 డాలర్లతో కెనడా వెళ్లిన ఈ హైదరాబాద్ వ్యక్తి 52వేల కోట్లకు ఐడీబీఐ బ్యాంకును ఎలా కొన్నారు?

7. 18 అక్టోబర్ 2026మధ్యప్రదేశ్‌లో భక్తులపైకి దూసుకెళ్లిన ట్రక్కు.. 11 మంది మృతి, విష్ణుకాంత్ తివారీ, బీబీసీ ప్రతినిధి

   మధ్యప్రదేశ్‌లోని గ్వాలియర్‌లో శీతలామాత ఆలయం సమీపంలో వేగంగా వచ్చిన ఓ ట్రక్కు భక్తులపైకి దూసుకెళ్లడంతో 11 మంది మృతి చెందారు. మరో 29 మంది గాయపడ్డారు.

   శనివారం అర్ధరాత్రి దాటిన తరువాత సుమారు 1.30 గంటల సమయంలో ఈ ప్రమాదం జరిగింది. క్షతగాత్రుల్లో ఐదారుగురి పరిస్థితి విషమంగా ఉన్నట్లు రిపోర్టులు వస్తున్నాయి.

   గ్వాలియర్ కలెక్టర్ రుచికా చౌహాన్ తెలిపిన వివరాల ప్రకారం.. చినోర్ నుంచి ఆలయం వైపునకు ట్రక్కు వస్తోంది. మార్గమధ్యంలో డ్రైవర్ నియంత్రణ కోల్పోవడంతో ట్రక్కు ఎడమవైపు తిరిగింది. ఈ క్రమంలో రోడ్డు పక్కన ఉన్న దుకాణాలను ఢీకొట్టి, శీతలామాత ఆలయ ప్రవేశ ద్వారం వద్దకు దూసుకెళ్లింది.దీంతో ఆలయ గోడ కూలిపోయింది. శిథిలాల కింద 40 నుంచి 50 మంది చిక్కుకుపోయారు.

   నవరాత్రుల సందర్భంగా ఈ రహదారిపై బారికేడ్లు, పోలీసు చెక్‌పోస్టులు కూడా ఏర్పాటు చేసినట్లు కలెక్టర్ తెలిపారు. అయినప్పటికీ ట్రక్కు ఆలయ ప్రాంగణం వరకు ఎలా వచ్చిందనే అంశంపై విచారణ జరుపుతున్నట్లువెల్లడించారు.

   క్షతగాత్రులకు ఆస్పత్రిలో చికిత్స అందిస్తున్నామని, ప్రమాదంపై దర్యాప్తు కొనసాగుతోందని జిల్లా యంత్రాంగం తెలిపింది.

8. 18 అక్టోబర్ 2026తెలంగాణ: కాలేజీలో లైటింగ్ స్టాండ్ కూలి విద్యార్థిని మృతి,12మందికి గాయాలు

   తెలంగాణలోని రంగారెడ్డి జిల్లా నాదర్‌గుల్‌లోని ఎంవీఎస్ఆర్ కాలేజీలో దాండియా కార్యక్రమం సందర్భంగా ఏర్పాటుచేసిన లైటింగ్ స్టాండ్ కూలిపోవడంతో ఓ విద్యార్థిని మృతి చెందగా, మరో 12 మంది గాయపడ్డారని ఏఎన్ఐ రిపోర్ట్ చేసింది.

   “సాయంత్రం 7 నుంచి 8 గంటల మధ్య నాకు ఫోన్ వచ్చింది. ఎంవీఎస్ఆర్ కాలేజీలో దాండియా కార్యక్రమం జరుగుతోంది. బలమైన గాలులు వీచాయి. లైటింగ్, అలంకరణ కోసం ఏర్పాటు చేసిన స్తంభం ఒక్కసారిగా కూలిపోయింది. మీ బిడ్డ తలపై స్తంభం నేరుగా పడిందని నా స్నేహితుడు అశోక్ ఫోన్ చేసి చెప్పాడు. గాయం చిన్నదేనని, వెళ్లి చూడాలని చెప్పాడు. అయితే ఆస్పత్రి సిబ్బందిని అడిగితే.. ఆమెను ఆస్పత్రికి తీసుకొచ్చేసరికే మృతి చెందినట్లు తెలిపారు. సరైన భద్రతా చర్యలు తీసుకోలేదని, నిర్లక్ష్యం జరిగిందని కొందరు చెబుతున్నారు” అని మృతురాలి బంధువు సురేశ్ ఏఎన్ఐతో చెప్పారు.

   “సంగమం కార్యక్రమాలను ఏర్పాటు చేశాం. నిన్న సాంకేతిక, ఈ రోజు సాంస్కృతిక కార్యక్రమాలు నిర్వహించాం. విద్యార్థుల ఆసక్తి, అభ్యర్థన మేరకు ముగింపు కార్యక్రమంగా దాండియా ఏర్పాటు చేశాం. విద్యార్థినులు నృత్యం చేస్తున్న ప్రాంతంలో స్టాండ్ పడటంతో ఈఈఈ విభాగానికి చెందిన సోనీ నారాయణ దాస్ అనే విద్యార్థినిని కోల్పోయాం. సుమారు తొమ్మిది మంది విద్యార్థులను ఆస్పత్రిలో చేర్చాం. యాజమాన్యం పరిస్థితిని పర్యవేక్షిస్తోంది. బాధిత విద్యార్థుల తల్లిదండ్రులకు అన్ని విధాలా అండగా ఉంటాం” అని కాలేజీ డైరెక్టర్ ప్రసన్న కుమార్ ఏఎన్ఐతో చెప్పారు.

   ఈ ఘటనపై తెలంగాణ ముఖ్యమంత్రి రేవంత్ రెడ్డి దిగ్భ్రాంతి వ్యక్తం చేసినట్లు ఏజెన్సీ రిపోర్ట్ చేసింది. మృతురాలి కుటుంబానికి ప్రగాఢ సానుభూతి తెలిపారు. గాయపడిన విద్యార్థులకు మెరుగైన వైద్యం అందేలా చర్యలు తీసుకోవాలని అధికారులను ఆదేశించారు. ప్రమాదానికి బాధ్యులైన వారిని గుర్తించి కఠిన చర్యలు తీసుకోవాలని సూచించారు.

9. 18 అక్టోబర్ 2026మార్కో రూబియో భారత పర్యటనలో దిల్లీ ఎందుకు లేదు, జై శంకర్ ఆయనను కలవడానికి ముంబయి వెళ్లడంపై విమర్శలు ఏంటి?

10. 18 అక్టోబర్ 2026ఫ్రాన్స్‌లో నిరసనలు హింసాత్మకం, భవనాలకు నిప్పు, లూటీలు

    పాఠశాలల్లో సమస్యలు, పెరుగుతున్న జీవన వ్యయాలకు వ్యతిరేకంగా ఫ్రాన్స్‌లో శనివారం జరిగిన తాజా నిరసనలు హింసాత్మకంగా మారాయి.

    సుమారు 5.5 లక్షల మంది వీధుల్లోకి వచ్చి నిరసనకు దిగగా, హింస తీవ్రతరం కావడంతో కనీసం 1,200 మందిని అరెస్టు చేసినట్లు ఫ్రాన్స్ ప్రభుత్వం తెలిపింది. ఈ అల్లర్లలో 150 మంది పోలీసు సిబ్బంది గాయపడినట్లు ఫ్రాన్స్ ప్రధానమంత్రి సెబాస్టియన్ లెకోర్ను తెలిపారు.

    రాజధానితో పాటు ఇతర ప్రాంతాల్లోనూ నిరసనకారులు భవనాలకు నిప్పు పెట్టారు. లిమోజెస్ పట్టణంలోని మున్సిపల్ భవనంలో పెద్ద ఎత్తున మంటలు చెలరేగడంతో పైకప్పులో కొంత భాగం కూలిపోయింది.

    మరోవైపు, పలు నగరాల్లో దోపిడీలు చోటుచేసుకున్నాయి. నగర పాలక సంస్థల కార్యాలయాలు, వ్యాపార సంస్థలను లక్ష్యంగా చేసుకుని పెద్ద ఎత్తున విధ్వంసానికి పాల్పడ్డారు. పారిస్‌లో దుస్తులు, ఆహార పదార్థాల దుకాణాలపై దాడులు చేసి దోపిడీకి పాల్పడ్డారు. లిల్లే నగరంలో యాపిల్ స్టోర్‌లోకి చొరబడిన ఆందోళనకారులు..అక్కడి వస్తువులన్నింటినీ పూర్తిగా పట్టుకుపోయారు.

11. 18 అక్టోబర్ 2026గుడ్ మార్నింగ్

    బీబీసీ న్యూస్ తెలుగు లైవ్ పేజీ అప్‌డేట్లకు స్వాగతం.

    నేను బీబీసీ ప్రతినిధి వద్ది ప్రభాకర్, మధ్యాహ్నం 2 గంటల వరకు ముఖ్యమైన వార్తలను మీకు అందిస్తాను.

    నిన్నటి లైవ్ పేజీ కోసం ఈ లింక్‌ను క్లిక్ చేయండి.

12. 18 అక్టోబర్ 2026కోల్‌కతా: దుర్గా పూజా మండపం వద్ద తొక్కిసలాట.. 19 మంది మృతి

13. 17 అక్టోబర్ 2026

    గుడ్‌నైట్.

    ఈ లైవ్ పేజీని ఇంతటితో ముగిస్తున్నాం.

    ఈరోజు ముఖ్యమైన వార్తలు కొన్నింటిని ఇక్కడ చూడండి.

    ‘అభిజీత్ దీప్కేకు కోర్టు షరతులు’.. సౌరవ్ దాస్, అశుతోష్ రాంకాలు ఇంకా జ్యుడిషియల్ కస్టడీలోనే..

    ఎగిరే కారును ప్రదర్శించిన ఎలాన్ మస్క్.. రోడ్డు మీదకు వచ్చే రోజెప్పుడు?

    గరివిడి లక్ష్మి: వెండితెరపై బుర్రకథ ఎలా ఉంది?

    అమ్మ తిట్టిందని అలిగి వెళ్లిపోయాడు.. 12 ఏళ్ల తరువాత ఆధార్ కార్డు ఓటీపీ అతనెక్కడున్నాడో కనిపెట్టేలా చేసింది

14. 17 అక్టోబర్ 2026రామ్‌లీలా మైదాన్‌లో ర్యాలీకి కాంగ్రెస్‌కు అనుమతి

    దిల్లీలోని రామ్‌లీలా మైదానంలో ర్యాలీ నిర్వహించడానికి కాంగ్రెస్ పార్టీకి దిల్లీ పోలీసులు నో అబ్జెక్షన్ సర్టిఫికెట్ జారీచేశారు. ఈ ర్యాలీ కోసం ఈ నెల 25వ తేదీ నుంచి నవంబర్ 3వ తేదీ వరకు మైదానాన్ని బుక్ చేసుకోవచ్చు.

    రామ్‌లీలా మైదాన్, సీబీడీ గ్రౌండ్, బురారీ గ్రౌండ్‌లను నిరసన కార్యక్రమాలు నిర్వహించే ప్రదేశాలుగా గుర్తించినట్టు దిల్లీ పోలీసుల సెంట్రల్ జిల్లా డీసీపీ రోహిత్ రాజ్‌బీర్ సింగ్ తెలిపారు.

    మైదానం అందుబాటులో ఉందో లేదో తెలుసుకోడానికి కాంగ్రెస్ దిల్లీ మున్సిపల్ కార్పొరేషన్ (ఎంసీడీ)ని సంప్రదించిందని, మైదానం అందుబాటులో ఉంటుందని ఎంసీడీ వారికి తెలిపిందని రోహిత్ రాజ్‌బీర్‌సింగ్ తెలిపారు.

    "మైదానం అందుబాటులో ఉందని తెలిపే ధ్రువీకరణ పత్రం అందిన తర్వాత దిల్లీ పోలీసులను కాంగ్రెస్ సంప్రదించింది. పార్టీ ప్రతినిధులతో మాట్లాడి, భద్రతా ఏర్పాట్లకు సంబంధించిన అవసరాలను అర్థం చేసుకున్న తర్వాత పోలీసులు నిరభ్యంతర పత్రం జారీ చేయాలని నిర్ణయించారు" అని ఆయన చెప్పారు.

    ఇప్పుడు కాంగ్రెస్ ఈ ధ్రువీకరణపత్రాన్ని ఎంసీడీకి సమర్పిస్తుంది.

    గ్రౌండ్‌ను బుక్ చేసుకోవాలనుకునే ఇతర పార్టీలు కూడా ఇదే విధానాన్ని అనుసరించవచ్చని డీసీపీ తెలిపారు.

15. 17 అక్టోబర్ 2026ఎగిరే కారును ప్రదర్శించిన ఎలాన్ మస్క్.. రోడ్డు మీదకు వచ్చే రోజెప్పుడు?

16. 17 అక్టోబర్ 2026అభిజీత్ దీప్కే బెయిల్‌పై ఆయన తల్లి ఏమన్నారు?

    అభిజీత్ దీప్కేకు బెయిల్ లభించడంపై ఆయన తల్లి అనితా దీప్కే సంతోషం వ్యక్తంచేశారు.

    "నిన్నటి నుంచి మేం చాలా ఒత్తిడికి గురయ్యాం, ఇప్పుడు చాలా ఉపశమనంగా ఉంది. మా అత్తయ్య చనిపోయి ఇంకా పది రోజులు కూడా కాలేదు. ఇంతలోనే ఇది జరగడం మమ్మల్ని చాలా కలచివేసింది" అని ఆమె చెప్పారు.

    ‘‘నేను మొన్న ఉదయం అభిజీత్‌తో మాట్లాడాను. 'అమ్మా, నేను బాగానే ఉన్నాను. మీరందరూ జాగ్రత్తగా ఉండండి. ఆరోగ్యం జాగ్రత్తగా చూసుకోండి. మరీ ఎక్కువగా ఆందోళన చెందకండి' అని అభిజీత్ నాతో చెప్పాడు’’ అని అనితా దీప్కే చెప్పారు.

17. 17 అక్టోబర్ 2026‘అభిజీత్ దీప్కేకు కోర్టు షరతులు’.. సౌరవ్ దాస్, అశుతోష్ రాంకాలు ఇంకా జ్యుడిషియల్ కస్టడీలోనే..

18. 17 అక్టోబర్ 2026బంగాళాఖాతం నుంచి అరేబియా సముద్రానికి ఒంటరిగా ఆడ తాబేలు సుదీర్ఘ యాత్ర.. చివరికి ఆ ఆలివ్ రిడ్లే ఏమైంది?

19. 17 అక్టోబర్ 2026గరివిడి లక్ష్మి: వెండితెరపై బుర్రకథ ఎలా ఉంది?

20. 17 అక్టోబర్ 2026పాకిస్తాన్‌కు ప్రపంచ బ్యాంకు బోర్డ్ ఆఫ్ గవర్నర్స్‌ అధ్యక్ష పదవి

    అంతర్జాతీయ ద్రవ్య నిధి సంస్థ (ఐఎంఎఫ్), ప్రపంచ బ్యాంకు గ్రూప్ (డబ్ల్యూబీజీ) పాలక మండళ్లకు పాకిస్తాన్ 2027లో అధ్యక్షత వహించనుందని ఆ దేశ ఆర్థిక వ్యవహారాల శాఖ శుక్రవారం వెల్లడించింది. 1953 తర్వాత, 73 ఏళ్లకు పాకిస్తాన్‌కు ఈ అవకాశం దక్కింది.

    బ్యాంకాక్‌లో జరిగిన డబ్ల్యూబీజీ-ఐఎంఎఫ్ వార్షిక సమావేశాల సందర్భంగా పాలక మండళ్లకు తదుపరి అధ్యక్షుడిగా పాకిస్తాన్ ఆర్థిక వ్యవహారాల మంత్రి, ప్రపంచ బ్యాంకులో ఆ దేశ గవర్నర్ అయిన అహద్ ఖాన్ చీమా పేరును ప్రకటించారు.

    ఐఎంఎఫ్, ప్రపంచ బ్యాంకు వార్షిక సమావేశాలు అక్టోబర్ 12 నుంచి 18 వరకు జరుగుతున్నాయి. ఈ సమావేశాల్లో 191 దేశాలకు చెందిన 15 వేల మందికి పైగా ప్రతినిధులు పాల్గొంటున్నారు.

    కేంద్ర బ్యాంకుల గవర్నర్లు, ఆర్థిక విధాన రూపకర్తలు, వ్యాపార రంగ ప్రముఖులు ఈ సమావేశాలకు హాజరయ్యారు. ప్రపంచ ఆర్థిక వ్యవస్థకు సంబంధించిన పలు అంశాలపై చర్చిస్తున్నారు.