అసెంబ్లీ ఎన్నికలు -2026 : తమిళనాడు సీఎం స్టాలిన్‌ ఓటమి

లైవ్ కవరేజీ

1. 40 నిమిషాలు క్రితంఅమెరికా మిడ్‌టర్మ్ ఎన్నికల ఫలితాల ప్రభావం: దిగివస్తున్న ముడి చమురు ధరలు

   ప్రపంచ మార్కెట్‌లో ముడి చమురు ధరలు తగ్గుతూనే ఉన్నాయి. అమెరికా మధ్యంతర ఎన్నికల ఫలితాల తర్వాత ఇరాన్‌తో యుద్ధం ముగియవచ్చని లేదా ఉద్రిక్తతలు తగ్గవచ్చని వ్యాపారులు భావిస్తున్నారు.

   గురువారం మధ్యాహ్నం ఆసియా మార్కెట్‌లో బ్రెంట్ చమురు ధర 0.9 శాతం తగ్గి బ్యారెల్‌కు 93.74 డాలర్లకు చేరింది.

   అమెరికాలో ముడి చమురు ధర 1.5 శాతం తగ్గి బ్యారెల్‌కు 86.83 డాలర్లకు పడిపోయింది.

   బుధవారం కూడా చమురు ధరలు 8 శాతానికి పైగా తగ్గాయి.

   ఎన్నికల్లో రిపబ్లికన్ పార్టీ ఓటమికి ఇరాన్‌తో యుద్ధం కారణంగా పెరిగిన ఇంధన ధరలే కారణమని అమెరికా ఉపాధ్యక్షుడు జేడీ వాన్స్ అన్నారు.

   అయితే అంతకుముందు కూడా ముడి చమురు ధరలు రెండు నెలల కనిష్ఠ స్థాయికి పడిపోయాయి.

2. ఒక గంట క్రితంస్పీకర్‌కు తగిన ఆదేశాలివ్వమంటూ టీఎంసీ దాఖలు చేసిన పిటిషన్‌ను కొట్టేసిన సుప్రీంకోర్టు

   పశ్చిమబెంగాల్ ప్రతిపక్ష నేత రితబ్రత బెనర్జీ సహా తృణముల్ కాంగ్రెస్ తిరుగుబాటు ఎమ్మెల్యేల అనర్హతపై త్వరగా నిర్ణయం తీసుకునేలా పశ్చిమబెంగాల్ అసెంబ్లీ స్పీకర్‌కు తగిన ఆదేశాలు ఇవ్వాలంటూ దాఖలైన పిటిషన్‌ను సుప్రీంకోర్టు కొట్టివేసింది.

   లైవ్ లా కథనం ప్రకారం... తిరుగుబాటు చేసిన టీఎంసీ ఎమ్మెల్యేలను అనర్హులుగా ప్రకటించే విషయంపై అసెంబ్లీ స్పీకర్‌ త్వరితగతిన నిర్ణయం తీసుకునేలా ఉత్తర్వులు ఇవ్వాలని కోరుతూ టీఎంసీ దాఖలు చేసిన పిటిషన్‌ను సుప్రీంకోర్టు కొట్టివేసింది. కలకత్తా హైకోర్టును ఆశ్రయించాలని పిటిషనర్‌కు సలహా ఇచ్చింది.

   "హైకోర్టులో తగిన పిటిషన్ దాఖలు చేసుకునేందుకు పిటిషనర్‌కు స్వేచ్ఛనిస్తూ, ఈ పిటిషన్‌ను కొట్టివేస్తున్నాం. ఈ వ్యవహారాన్ని డివిజన్ బెంచ్ ముందుకు తీసుకెళ్లాలని, వారు దీనిపై వీలైనంత త్వరగా నిర్ణయం తీసుకోవాలి’’ అని సుప్రీం కోర్టు పేర్కొంది.

   తృణమూల్ కాంగ్రెస్ బహిష్కరించిన రిటబ్రత బెనర్జీ, పశ్చిమ బెంగాల్ అసెంబ్లీలో ప్రతిపక్ష నాయకురాలిగా ఎన్నికయ్యారు.

3. ఒక గంట క్రితంగుడ్ ఆఫ్టర్ నూన్

   నేను బీబీసీ ప్రతినిధి షేక్ అన్సారి. మధ్యాహ్నం నుంచి లైవ్ పేజీ వార్తలను మీకు అందిస్తాను.

4. ఒక గంట క్రితంరామాయణం మూవీ రివ్యూ : రావణుడి కోణం నుంచి చెప్పిన ఈ సినిమా మెప్పించిందా?

5. 4 గంటలు క్రితంఅనారోగ్యంతో ఆసుపత్రిలో చేరిన శరద్ పవార్

   నేషనలిస్ట్ కాంగ్రెస్ పార్టీ (శరద్‌చంద్ర పవార్) అధినేత శరద్ పవార్ ఆరోగ్యం క్షీణించడంతో ఆసుపత్రిలో చేరారు.

   శ్వాసకోశ, ఛాతీ ఇన్ఫెక్షన్‌తో బాధపడుతున్న ఆయన్ను ముంబయిలోని బ్రీచ్ క్యాండీ ఆసుపత్రిలో చేర్చారు.

   ఆయన పరిస్థితి నిలకడగా ఉందని, చికిత్స కొనసాగుతోందని ఆసుపత్రి వైద్యుడు ప్రతీత్ సమ్దానీ తెలిపారు.

   డాక్టర్ ప్రతీత్ సమ్దానీ మాట్లాడుతూ .. "శ్వాసకోశ, ఛాతీ ఇన్ఫెక్షన్ కారణంగా శరద్ పవార్ బ్రీచ్ క్యాండీ ఆసుపత్రిలో చేరారు. ఆయన పరిస్థితి నిలకడగా ఉంది మరియు చికిత్స పొందుతున్నారు" అని చెప్పారు.

   శరద్ పవార్ కుమార్తె, పార్టీ ఎంపీ అయిన సుప్రియా సూలే ఆయన ఆరోగ్య పరిస్థితి గురించి వెల్లడించారు.

   ఛాతీ నొప్పి రావడంతో పవార్‌ను తొలుత పుణెలోని రూబీ హాల్ క్లినిక్‌లో చేర్చారు. ఆయన రెండు రోజుల పాటు వైద్య పర్యవేక్షణలో ఉండి, గురువారం ఆసుపత్రి నుంచి డిశ్చార్జ్ అయ్యారు.

   అనంతరం మరింత మెరుగైన చికిత్స కోసం బ్రీచ్ క్యాండీ ఆసుపత్రిలో చేర్పించారు.

6. 4 గంటలు క్రితండోనల్డ్ ట్రంప్‌ నుంచి జేడీ వాన్స్ దూరం జరుగుతున్నారా?

7. 4 గంటలు క్రితంపేడ నుంచి సీఎన్‌జీ.. ఆ జిల్లాలో కార్లు, ట్రాక్టర్లు, లారీలకు అది ఇంధనం

8. 6 గంటలు క్రితంమిడ్‌టర్మ్‌లో డెమొక్రాట్ల ఆధిక్యం తరువాత తగ్గిన చమురు ధరలు, లాభాలతో ముగిసిన మార్కెట్లు, రాషెల్ క్లన్, ప్రియా పటేల్ - బిజినెస్ రిపోర్టర్స్

   అమెరికా మధ్యంతర ఎన్నికల్లో డెమొక్రాట్ల ఆధిక్యం తరువాత స్టాక్ మార్కెట్లు పుంజుకున్నాయి. మరోవైపు చమురు ధరలు స్వల్పంగా తగ్గాయి. చమురు ధరలు బ్యారల్‌కు 100 డాలర్ల కంటే తగ్గాయి.

   బుధవారం బ్రెంట్ క్రూడ్ ధరలు 8 శాతం తగ్గి బ్యారల్ 95 డాలర్లకు చేరింది. గత రెండు నెలల కాలంలో ఇదే అంత్యంత కనిష్ఠం.

   మరోవైపు ఈ ఎన్నికల ఫలితాలపై అమెరికా ఉపాధ్యక్షుడు జేడీ వాన్స్ చేసిన వ్యాఖ్యలు స్టాక్ మార్కెట్లపై ప్రభావం చూపాయి. రిపబ్లికన్ల ఓటమికి ఇరాన్‌తో యుద్ధం కారణమని వాన్స్ వ్యాఖ్యానించారు.

   యుద్ధాన్ని ముగించాలని, కాస్ట్ ఆఫ్ లివింగ్‌పై దృష్టి పెట్టాలని, ఇజ్రాయెల్‌తో అమెరికా సంబంధాలను పునరాలోచించాలని వాన్స్ చేసిన వ్యాఖ్యలు మార్కెట్లు సానుకూలంగా స్వీకరించాయి.

   ఎన్నికల తర్వాతి రాజకీయ పరిస్థితులు ఇరాన్‌తో ఉద్రిక్తతలు పెరగకుండా ఆపుతాయనే అంచనాలు పెరిగాయి.

   దీంతో బుధవారం నాటి ట్రేడింగ్‌లో కీలకమైన యుఎస్ స్టాక్ మార్కెట్ సూచీలు లాభాలతో ముగిశాయి.

   డో జోన్స్ ఇండస్ట్రియల్ యావరేజ్ 3 శాతం పెరిగింది. ఎస్ అండ్ పి 500 సూచీ 1.6 శాతం లాభపడగా, టెక్ ఆధారిత నాస్‌డాక్ 1.4% పెరిగింది.

9. 8 గంటలు క్రితంచెరువులో చిక్కుకున్నవారిని కాపాడేందుకు వెళ్లిన ఎస్‌డీఆర్ఎఫ్ సిబ్బంది గల్లంతు, అయిదుగురు సురక్షితంగా ఒడ్డుకు..

   ఖమ్మం జిల్లా సత్తుపల్లి మండలం బేతుపల్లి చెరువులో ఎస్‌డీఆర్ఎఫ్ బోట్లు ప్రమాదానికి గురైన ఘటనలో అయిదుగురు తెలంగాణ రాష్ట్ర విపత్తు ప్రతిస్పందన దళం (ఎస్‌డీఆర్ఎఫ్) సిబ్బంది సురక్షితంగా బయటపడ్డారు. ఈ విషయాన్ని ఖమ్మం జిల్లా కల్లూరు సబ్ కలెక్టర్ అజయ్ కుమార్ యాదవ్ 'బీబీసీ'కి ధ్రువీకరించారు.

   మొత్తం పదిమంది ఎస్‌డీఆర్ఎఫ్ సిబ్బందితోపాటు స్థానికుడు ఒకరు గల్లంతు కాగా, తెల్లవారుజామున మూడు గంటల సమయంలో అయిదుగురు సురక్షితంగా బయటపడినట్లు సబ్ కలెక్టర్ బీబీసీతో చెప్పారు.

   గల్లంతైనవారిలో మరో ఆరుగురు కూడా సురక్షితంగానే ఉన్నట్లు సమాచారం అందినట్లు ఆయన చెప్పారు.

   కాగా, గల్లంతైన సిబ్బందిని చెరువు నుంచి సురక్షితంగా బయటకు తీసుకురావాలని తెలంగాణ ముఖ్యమంత్రి రేవంత్ రెడ్డి, ఉప ముఖ్యమంత్రి భట్టి విక్రమార్క అధికారులను ఆదేశించారు.

   రాత్రి నుంచి తెల్లవారుజాము వరకు అధికారులు గాలింపు చర్యలు కొనసాగించారు. నిరంతరాయంగా సహాయక చర్యలు చేపడుతున్నామని, అందరూ సురక్షితంగానే ఉన్నారని అజయ్ కుమార్ యాదవ్ బీబీసీకి తెలిపారు.

   పూర్తి కథనం కోసం ఇక్కడ క్లిక్ చేయండి.

10. 8 గంటలు క్రితంచెరువులో చిక్కుకున్నవారిని కాపాడేందుకు వెళ్లిన ఎస్‌డీఆర్ఎఫ్ సిబ్బంది గల్లంతు, అయిదుగురు సురక్షితంగా ఒడ్డుకు..

11. 9 గంటలు క్రితంఇరాన్‌తో యుద్ధం మా ఓటమికి కారణమైనా, అవసరమైతే మళ్లీ యుద్ధానికి సిద్ధమే: డోనల్డ్ ట్రంప్

    ఇరాన్‌తో యుద్ధం కారణంగానే మధ్యంతర ఎన్నికల్లో తన రిపబ్లికన్ పార్టీ ఓటమి పాలైందన్న వాదనలో చాలా వరకు నిజం ఉందని అమెరికా అధ్యక్షుడు డోనల్డ్ ట్రంప్ అన్నారు.

    అయితే, అవసరమైతే మళ్లీ యుద్ధానికి సిద్ధమేనని స్పష్టం చేశారు.

    మధ్యంతర ఎన్నికల్లో ట్రంప్ నేతృత్వంలోని రిపబ్లికన్ పార్టీ కాంగ్రెస్‌లోని ఉభయ సభల్లోనూ మెజారిటీ కోల్పోయింది. ఎన్నికల ఫలితాల తర్వాత ట్రంప్ తొలిసారిగా మీడియాతో మాట్లాడారు.

    ఇరాన్‌తో యుద్ధం కారణంగానే రిపబ్లికన్లు భారీగా ఓటమి పాలయ్యారన్న ఉపాధ్యక్షుడు జేడీ వాన్స్ వ్యాఖ్యల్లో చాలా వరకు నిజం ఉందని ట్రంప్ అన్నారు.

    అయితే, యుద్ధం కంటే దాని ప్రభావంతో పెరిగిన ఇంధన ధరలే ఓటమికి కారణమని పేర్కొన్నారు.

    రక్షణ మంత్రి పీట్ హెగ్‌సెత్‌ను పదవి నుంచి తొలగించే ఆలోచన లేదని స్పష్టం చేశారు.

    హెగ్‌సెత్ తన బాధ్యతలను చాలా బాగా నిర్వర్తిస్తున్నారని ప్రశంసించారు.

    విధ్వంసకరంగా వ్యవహరించనంత వరకు డెమొక్రాట్లతో కలిసి పనిచేసేందుకు సిద్ధమేనని ట్రంప్ తెలిపారు.

    అయితే, వారు తీసుకొచ్చే బిల్లులను అడ్డుకునేందుకు తనకు వీటో అధికారం ఉందని చెప్పారు.

12. 9 గంటలు క్రితంగుడ్ మార్నింగ్

    బీబీసీ న్యూస్ తెలుగు లైవ్ పేజీకి స్వాగతం.

    నేను బీబీసీ ప్రతినిధి వద్ది ప్రభాకర్, మధ్యాహ్నం 2 గంటల వరకు ముఖ్యమైన అప్‌డేట్స్ మీకు అందిస్తాను.

    నిన్నటి లైవ్ పేజీ కోసం ఈ లింక్‌ను క్లిక్ చేయండి

13. 4 నవంబర్ 2026గుడ్ నైట్

    ఇక్కడితో బీబీసీ న్యూస్ తెలుగు లైవ్ పేజీ కవరేజీని ముగిస్తున్నాం.

    మరిన్ని ముఖ్యమైన కథనాలు వివరంగా చదవడానికి ఈ లింక్‌ను క్లిక్ చేయండి.

14. 4 నవంబర్ 2026‘ట్రంప్ ఇప్పటికీ మీ అధ్యక్షుడే’ -వైట్‌హౌస్

    డెమొక్రటిక్ పార్టీ ఘన విజయం సాధించిన నేపథ్యంలో వైట్‌హౌస్ స్పందించింది.

    వైట్‌హౌస్ అధికారిక 'ఎక్స్' ఖాతాలో అధ్యక్షుడు డోనల్డ్ ట్రంప్‌కు సంబంధించిన ఓ ఫోటోను పోస్ట్ చేశారు.

    అందులో ట్రంప్ తన కార్యాలయంలోని 'రెజల్యూట్ డెస్క్' వద్ద కూర్చొని ఉన్నారు.

    ఆ ఫోటోపై "ప్రజల సమాచారం కోసం: ట్రంప్ ఇప్పటికీ మీ అధ్యక్షుడే" అని రాసి ఉంది.

    అంతకుముందు రిపబ్లికన్ పార్టీ ఓటమిపై అధ్యక్షుడు డోనల్డ్ ట్రంప్ స్పందించారు. "డెమొక్రాట్లు అద్భుతంగా పని చేశారు" అని ఆయన అంగీకరించారు.

    అయితే తాను కూడా ఈ ఎన్నికల్లో అభ్యర్థిగా పోటీ చేసి ఉంటే రిపబ్లికన్ అభ్యర్థుల ప్రదర్శన మరింత మెరుగ్గా ఉండేదని ట్రంప్ పేర్కొన్నారు.

15. 4 నవంబర్ 2026అమెరికా మధ్యంతర ఎన్నికలు: భారత సంతతి అభ్యర్థుల్లో ఓడింది ఎందరు, గెలిచింది ఎవరెవరు?

16. 4 నవంబర్ 2026కన్నీళ్లు, సంబరాలు, సెల్ఫీలు: అమెరికా మధ్యంతర ఎన్నికల ఫలితాల రియక్షన్లు.. 13 ఫోటోలలో

    రిపబ్లికన్ రాష్ట్రాలలో విజయాలు సాధించడంతో డెమొక్రాట్లు సంబరాలు చేసుకున్నారు. ఓటములు పెరిగేకొద్దీ రిపబ్లికన్లు నిరాశలో కూరుకుపోయారు.పూర్తి కథనం లింక్ కోసం ఇక్కడ క్లిక్ చేయండి.

17. 4 నవంబర్ 2026కన్నీళ్లు, సంబరాలు, సెల్ఫీలు: అమెరికా మధ్యంతర ఎన్నికల ఫలితాల రియాక్షన్లు.. 13 ఫోటోలలో

18. 4 నవంబర్ 2026రాణించిన కోహ్లీ, న్యూజీలాండ్‌ను ఓడించిన భారత్

    తొలి వన్డేలో డక్‌వర్త్-లూయిస్ పద్ధతి ప్రకారం భారత జట్టు న్యూజీలాండ్‌ను ఐదు వికెట్ల తేడాతో ఓడించింది. వర్షం కారణంగా అంతరాయం కలిగిన ఈ మ్యాచ్‌లో భారత్‌కు 143 పరుగుల సవరించిన లక్ష్యాన్ని నిర్దేశించారు.

    మొదట బ్యాటింగ్ చేసిన న్యూజీలాండ్ 185 పరుగులకే ఆలౌట్ అయింది. టిమ్ సీఫెర్ట్ 38 పరుగులతో టాప్ స్కోరర్‌గా నిలిచాడు. భారత బౌలర్లలో అర్ష్‌దీప్ సింగ్ 70 పరుగులకు నాలుగు వికెట్లు పడగొట్టాడు.

    లక్ష్య ఛేదనలో విరాట్ కోహ్లీ 74 పరుగులు చేయగా, కెప్టెన్ శుభ్‌మన్ గిల్ 37 పరుగులు చేశాడు. భారత్ విజయంలో ఈ రెండు ఇన్నింగ్స్‌లు కీలక పాత్ర పోషించాయి.

    ఈ మ్యాచ్‌లో రోహిత్ శర్మ ఖాతా తెరవలేకపోయాడు. న్యూజీలాండ్ జట్టులో జాకబ్ డఫీ 49 పరుగులు ఇచ్చి 3 వికెట్లు పడగొట్టాడు.

19. 4 నవంబర్ 2026చైనా వైన్ బాటిల్ అంటోంది.. పపువా న్యూ గినియా మాత్రం యుద్ధాల్లో వాడే పేలుడు పదార్థమంటోంది.. ఏది నిజం?

20. 4 నవంబర్ 2026ఏపీలో కూటమి హవాను తట్టుకుని గెలిచిన నలుగురు వైసీపీ నేతలు ఎవరు?