Cymru'n sicrhau buddugoliaeth o 28-21 yn erbyn Japan yng Nghaerdydd

Mae Cymru wedi sicrhau buddugoliaeth o 28-21 yn erbyn Japan yn Stadiwm Principality yn eu hymgyrch yng nghyfres Pencampwriaeth y Cenhedloedd.

Sgoriodd Josh Adams ddwy gais, gydag Archie Griffin a Louis Rees-Zammit hefyd yn croesi'r llinell i Gymru.

Roedd Cymru ar y blaen o 21-14 ar yr egwyl, cyn i ail gais Josh Adams sicrhau'r cais bonws a rhoi mantais o 14 pwynt iddyn nhw.

Ond fe wnaeth Japan gadw'r pwysau ar Gymru gyda chais hwyr gan Kenta Fukuda, gan adael y gwahaniaeth yn ddim ond saith pwynt ar y chwiban olaf.

Sgoriodd Archie Griffin gais cynnar ar ôl tair munud, ond fe ymatebodd Japan gyda chais gan Ben Gunter cyn i Josh Adams roi Cymru ar y blaen eto.

Ychwanegodd Warner Dearns gais arall i Japan cyn i Louis Rees-Zammit groesi cyn yr egwyl, gyda Sam Costelow yn trosi pob un o dri chais cyntaf Cymru.

Daeth ail gais Josh Adams ar ôl 68 munud, gyda Dan Edwards yn ychwanegu'r trosiad i roi Cymru ar y blaen o 28-14.

Ond fe lwyddodd Japan i sgorio cais arall saith munud yn ddiweddarach drwy Kenta Fukuda, a throsiad gan Shinya Komura.

Enillodd Louis Rees-Zammit wobr chwaraewr y gêm ar ôl perfformiad cryf, gan gynnwys ei gais cyntaf mewn wyth gêm ryngwladol.

Daeth 52,425 o bobl i wylio'r gêm yn Stadiwm Principality.

Bydd Cymru nawr yn troi eu sylw at eu gemau nesaf yng Nghyfres Pencampwriaeth y Cenhedloedd yn erbyn Seland Newydd ac Awstralia.

Dilynwch Cymru Fyw ar Facebook, dolen allanol, X, dolen allanol, Instagram, dolen allanol neu TikTok, dolen allanol.

Anfonwch unrhyw syniadau am straeon i cymrufyw@bbc.co.uk, dolen allanol neu cysylltwch drwy WhatsApp ar 07709850033.

Lawrlwythwch yr ap am y diweddaraf o Gymru ar eich dyfais symudol.