అసెంబ్లీ ఎన్నికలు -2026 : తమిళనాడు సీఎం స్టాలిన్‌ ఓటమి

లైవ్ కవరేజీ

1. 15 అక్టోబర్ 2026పాకిస్తాన్: పాఠశాల భవనం పైకప్పు కూలి 18 మంది చిన్నారులు మృతి

   

   ఫొటో సోర్స్, RESCUE 1122

   పాకిస్తాన్‌లోని పెషావర్‌లో ప్రైవేటు పాఠశాల భవనం కూలి 19 మంది మృతి చెందారు. మరో 40 మంది గాయపడ్డారు. చనిపోయిన వారిలో 18 మంది చిన్నారులు కాగా, ఒక ఉపాధ్యాయిని కూడా ఉన్నారు.

   పెషావర్‌లోని దర్ కాలనీలో ఈ ఘటన జరిగిందని బీబీసీ ఉర్దూ పేర్కొంది.

   ప్రమాదం జరిగిన తర్వాత చనిపోయిన స్థితిలో ఉన్న 18 మంది చిన్నారులను ఆసుపత్రికి తీసుకొచ్చారు. ఉపాధ్యాయిని మృతదేహాన్ని కూడా ఆసుపత్రికి తెచ్చారని లేడీ రీడింగ్ హాస్పిటల్ అధికార ప్రతినిధి మహమ్మద్ అసీమ్ తెలిపారు.

   ఈ ప్రమాదంలో మరో 40 మంది చిన్నారులు గాయపడ్డారు. వారు ఎల్ఆర్‌హెచ్‌లో చికిత్స పొందుతున్నారు . వీరిలో కొందరి పరిస్థితి విషమంగా ఉందని మహమ్మద్ అసీమ్ అన్నారు.

2. 15 అక్టోబర్ 2026ఈసీఐకు సుప్రీం కోర్టు నోటీసులు

   

   ఫొటో సోర్స్, ani

   భారత ఎన్నికల సంఘం సహా పలువురికి సుప్రీంకోర్టు మంగళవారం నోటీసులు జారీ చేసిందని ఏఐఎన్ వార్తాసంస్థ పేర్కొంది. లోక్‌సభ‌లో ప్రతిపక్ష నేత రాహుల్ గాంధీసహా పలు ప్రతిపక్షాలు వేసిన పిటిషన్ విచారణలో భాగంగా నోటీసులు ఇచ్చింది. స్పెషల్ ఇంటెన్సివ్ రివిజన్ పేరుతో ఓట్లను తొలగిస్తున్నారని ఆరోపిస్తూ ఈ పిటిషన్ దాఖలు చేశారు.

   ఈ పిటిషన్‌పై స్పందన తెలియజేయాలని ఎన్నికల సంఘం, ప్రధాన ఎన్నికల కమిషనర్ జ్ఞానేశ్ కుమార్, ఎన్నికల కమిషనర్లు సుఖ్‌బీర్ సింగ్ సంధు, వివేక్ జోషీకి కోర్టు సూచించింది. ఈసీ సర్‌ను నిర్వహిస్తున్న తీరును సవాలు చేస్తూ 13 పిటిషన్లు దాఖలు కాగా వారి ఒక పిటిషనర్ వైఖరిపై కోర్టు తీవ్ర అభ్యంతరం వ్యక్తం చేసింది.

   “పిటిషన్ దాఖలు చేసిన ఒక పిటిషనర్ ప్రవర్తన గురించి వచ్చే విచారణలో అడగాలనుకుంటున్నాం” అని రాహుల్ గాంధీ, ఇతర ప్రతిపక్ష నాయకుల పిటిషన్‌పై నోటీసులు జారీ చేస్తూ ప్రధాన న్యాయమూర్తి వ్యాఖ్యానించారు.

   లోక్‌సభ ప్రధాన ప్రతిపక్ష నేత రాహుల్ గాంధీ, ఇతర 'ఇండియా' బ్లాక్ నాయకులతో కలిసి, భారత ఎన్నికల సంఘానికి వ్యతిరేకంగా అక్టోబర్ 12న సుప్రీంకోర్టులో పిటిషన్ దాఖలు చేశారు. సర్‌కు సంబంధించి భారత ఎన్నికల సంఘం తీసుకుంటున్న నిర్ణయాలను సవాలు చేస్తూ ఈ పిటిషన్లు వేశారు.

3. 15 అక్టోబర్ 2026ప్రధాని మోదీ ముందున్న 10 సవాళ్లు ఏంటి?

4. 15 అక్టోబర్ 2026 ‘‘5 నెలల్లోనే బియ్యం బస్తా రూ.700 పెరిగింది’’ - తెలుగు రాష్ట్రాల్లో బియ్యం ధరలు ఎందుకు పెరుగుతున్నాయి?

5. 15 అక్టోబర్ 2026అంకిత భండారీ హత్య కేసు: ఇండియా గేటు వద్ద తల్లిదండ్రుల ఆందోళన, అంకిత తండ్రి చేస్తున్న 5 డిమాండ్లు ఏమిటి?

6. 15 అక్టోబర్ 2026అమెరికా: ‘హిందూ దేవాలయం లక్ష్యంగా కాల్పులకు పథకం’ - యువకుడి అరెస్ట్

   

   ఫొటో సోర్స్, Getty Images

   అమెరికాలోని ఇల్లినాయిస్ రాష్ట్రంలోని పాలటిన్‌లో సామూహిక కాల్పులు జరుపుతామనే బెదిరింపుల కేసులో పోలీసులు ఓ 19 ఏళ్ల యువకుడిని అరెస్ట్ చేశారు.

   ఆ యువకుడు ఒక హిందూ దేవాలయాన్ని లక్ష్యంగా చేసుకు ఉండవచ్చని పోలీసులు అనుమానిస్తున్నారు.

   ఈ విషయమై గురువారం షికాగోలోని భారతీయ కాన్సులేట్ జనరల్ కూడా ఒక ప్రకటన విడుదల చేసింది. అరోరాలో ఓ మతపరమైన స్థలాన్ని లక్ష్యంగా చేసుకోవడానికి జరిగిన విఫలయత్నం గురించిన వార్తలు కాన్సులేట్ దృష్టికి వచ్చాయి, సమయానికి స్పందించి చర్యలు తీసుకున్నందుకు పోలీసులను అభినందిస్తున్నాం. ఈ మొత్తం వ్యవహారాన్ని నిశితంగా గమనిస్తున్నాం" అని పేర్కొంది.

   "మౌంట్ ప్రాస్పెక్ట్ పోలీసులకు ఒక వ్యక్తి నుంచి అనుమానాస్పద సందేశం వచ్చిన తర్వాత సామూహిక కాల్పులు జరగవచ్చనే సమాచారం అందింది." ఆ తర్వాత నిందితుడిని అతని ఇంటి బయట అరెస్ట్ చేశారు. పోలీసులు నిందితుడి ఇంటిలో సోదాలు చేయగా, ఒక రైఫిల్,అనేక మ్యాగజైన్లు వందలాది బుల్లెట్లను స్వాధీనం చేసుకున్నారని బీబీసీ అమెరికా భాగస్వామి సీబీఎస్ న్యూస్ తెలిపింది.

7. 15 అక్టోబర్ 2026సౌదీ అరేబియా: వేలకోట్ల డాలర్లు పెట్టి క్షిపణులు కొని కూడా హూతీ దాడులను ఎందుకు అడ్డుకోలేకపోతోంది?

8. 15 అక్టోబర్ 2026‘బౌలింగ్ వ్యూహాలే దెబ్బతీశాయి’ - శ్రేయస్ అయ్యర్

   

   ఫొటో సోర్స్, Action Images/Reuters

   ఇండియా -విండీస్ మధ్యన హైదరాబాద్ వేదికగా జరిగిన నాలుగో టీ20 మ్యాచ్‌లో టీమిండియా ఓటమిపాలైంది. 24 పరుగుల తేడాతో వెస్టీండిస్ గెలిచింది. దీంతో ఐదు మ్యాచుల ఈ సిరీస్ 2-2తో సమమైంది. ఇక ఫలితం తేలేది ఐదో మ్యాచ్‌లోనే. ఈ మ్యాచ్ ఈనెల 17వ తేదీన బెంగళూరులోని చిన్నస్వామి స్టేడియంలో జరగనుంది.

   హైదరాబాద్‌లో ఓటమి అనంతరం టీమిండియా కెప్టెన్ శ్రేయస్ అయ్యర్ తమ బౌలింగ్ తీరుపై అసంతృప్తి వ్యక్తం చేశాడు. బౌలింగ్ వ్యూహాన్ని సరిగా అమలు చేయడంలో విఫలమయ్యామని అంగీకరించాడు.

   టాస్ ఓడి బ్యాటింగ్ చేసిన విండీస్ 20 ఓవర్లలో మూడు వికెట్లు కోల్పోయి 247 పరుగులు చేసింది. కెప్టెన్ షై హోప్ అద్భుతమైన బ్యాటింగ్‌తో 50 బంతుల్లోనే 102 పరుగులు చేసి మ్యాన్ ఆఫ్ ద మ్యాచ్ గెలుచుకున్నాడు.

   భారత్ 248 పరుగుల లక్ష్యంతో బరిలోకి దిగి 19.3 ఓవర్లలో 223 పరుగులు చేసి ఆలౌట్ అయ్యింది. టీమిండియాలో 23 బంతుల్లో 56 పరుగులు చేసిన సంజూ శామ్‌సన్ టాప్ స్కోరర్‌గా నిలిచాడు. తర్వాత తిలక్ వర్మ 43 , నితీష్ రెడ్డి 41 పరుగులు చేశారు. కీమో పాల్ ఐదు వికెట్లు తీసుకున్నాడు.

   రన్ ఛేజ్‌లో బ్యాట్స్‌మెన్ పోరాటాన్ని కెప్టెన్ శ్రేయస్ అయ్యర్ ప్రశంసించాడు. కానీ మ్యాచ్ మధ్యలో బౌలింగ్ ప్రణాళికలను మార్చడంలో తాము విఫలమయ్యామని చెప్పాడు.

   విండీస్ బౌలర్లును శ్రేయస్ ప్రశంసించాడు. “వారు ఫీల్డ్‌ను చాలా తెలివిగా వాడుకున్నారు. ప్రణాళికలను చక్కగా అమలు చేశారు. మ్యాచ్ సాగుతున్న కొద్దీ పిచ్‌పై అదనపు బౌన్స్ కూడా లభించింది. పరిస్థితులను విండీస్ బౌలర్లు బాగా అర్థం చేసుకొన్నారు. మధ్య ఓవర్లలో పరిస్థితులను తమకు అనుకూలంగా మార్చుకున్నారు” అన్నారు.

9. 15 అక్టోబర్ 2026‘దిల్లీ నిరసనలు మా అంతర్గత వ్యవహారం’: ఐరాస వ్యాఖ్యపై భారత్ స్పందన

   

   ఫొటో సోర్స్, Kabir Jhangiani/NurPhoto via Getty Images

   దిల్లీలో వేల మందిని నిర్బంధించడం సరికాదన్న ఐక్యరాజ్యసమితి మానవ హక్కుల సంఘం హై కమిషనర్ వ్యాఖ్యలు ‘భారత్ అంతర్గత వ్యవహారాలలో జోక్యం చేసుకోవడమేనని’ భారత విదేశాంగ శాఖ అధికార ప్రతినిధి రణ్‌ధీర్ జైస్వాల్ అన్నారు.

   “ఐక్యరాజ్యసమితి ఆందోళనలు నిరాధారమైనవి. భారత అంతర్గత వ్యవహారాల్లో జోక్యం చేసుకోవడంతో సమానమైన వాటిని అంగీకరించలేమని స్పష్టం చేశాం”అని రణ్‌ధీర్ జైస్వాల్ బుధవారం విలేఖరుల సమావేశంలో చెప్పారు.

   "ప్రపంచంలో చాలా ప్రాంతాల్లో జరుగుతున్న నిరసనలు, ఆందోళనలపై స్పందించకపోవడం చూస్తుంటే వారిది పక్షపాత వైఖరిగా అర్థం చేసుకోవచ్చు” అన్నారు.

   "ఇలానే కొనసాగితే, దేశాలు కలిసి పని చేసే ఈ వ్యవస్థపై ప్రజలు నమ్మకం కోల్పోతారు. సంస్థగా వారి విశ్వసనీయత కూడా దెబ్బతింటుంది" అని అభిప్రాయపడ్డారు.

   సీజేపీ నిరసనల సందర్భంగా పోలీసులు తీసుకున్న చర్యలపై ఐక్యరాజ్యసమితి మానవహక్కుల సంఘం ఆందోళన వ్యక్తం చేసింది. అదుపులోకి తీసుకున్న వారిని బేషరతుగా విడుదల చేయాలని డిమాండ్ చేసింది.

10. 15 అక్టోబర్ 2026యుక్రెయిన్ డ్రోన్స్ వేగంపై అమెరికానే పరిమితులు విధించి ఉండొచ్చు : మస్క్

    

    ఫొటో సోర్స్, Reuters

    యుక్రెయిన్ ఉపయోగిస్తున్న కొన్ని ఆయుధాలపై అమెరికా ప్రభుత్వం పరిమితులు విధించి ఉండొచ్చని స్పేస్ ఎక్స్ అధినేత ఎలాన్ మస్క్ అభిప్రాయపడ్డారు.

    యుక్రెయిన్ సైన్యం రష్యాపై దాడులు చేయడానికి ,అలాగే తన వైమానిక రక్షణ వ్యవస్థలను నిర్వహించడానికి స్టార్ లింక్ ఇంటర్నెట్ సేవలను విస్తృతంగా వినియోగించుకుంటోంది. అయితే మంగళవారం రాత్రి నుంచి కొన్ని డ్రోన్లు, ఆయుధాలు స్టార్ లింక్‌తో కనెక్ట్ కావడంలో సమస్యలు ఎదుర్కొన్నాయని యుక్రెయిన్ తెలిపింది.

    అమెరికా ప్రభుత్వం నియంత్రించే స్టార్ షీల్డ్ వ్యవస్థలో ఏర్పాటుచేసిన వేగ పరిమితులు అమెరికా సైన్యం, అధ్యక్షుడి నిర్ణయాల ప్రకారం ఉంటాయని మస్క్ ఎక్స్‌లో తెలిపారు.

    "వేగం లేదా వినియోగంపై ఏవైనా పరిమితులను అమెరికా సైన్యం, అంతిమంగా అమెరికా అధ్యక్షుడు నిర్ణయిస్తారు" అని మస్క్ అన్నారు.

    కనెక్టివిటీని పునరుద్ధరించాలని యుక్రెయిన్ చేసిన విజ్ఞప్తులపై మస్క్ ఎక్స్‌లో స్పందించారు.

    దీనిపై జెలియన్‌స్కీ యూకే మీడియాతో మాట్లాడుతూ: " బహుశా ఒక పెద్ద సాంకేతిక సమస్య కావచ్చని భావిస్తున్నా.మేం దానిని సరిచేయాలని అడుగుతున్నాం." అన్నారు.

    స్పేస్‌ఎక్స్ యాజమాన్యంలోని స్టార్‌లింక్, మంగళవారం రాత్రి వేగ పరిమితిని గంటకు 100 మైళ్లకు (160 కిలోమీటర్లకు) పరిమితం చేసింది. దీని అర్థం, అంతకంటే వేగంగా ప్రయాణించే ఏ ఆయుధాలైనా నెట్‌వర్క్‌కు కనెక్టివిటీని కోల్పోతాయి.

11. 15 అక్టోబర్ 2026జర్నలిస్ట్‌పై ఏసీపీ వివేక్ భగత్ ఫిర్యాదు, ఎఫ్ఐఆర్ నమోదు

    

    ఫొటో సోర్స్, linkedin

    దిల్లీలోని బూటాసింగ్ రౌండ్ అబౌట్ వద్ద అక్టోబరు 3న జరిగిన నిరసన ప్రదర్శనలలో తన అధికారిక విధులకు ఆటంకం కలిగించారని, కులం పేరుతో అవమానించి, బెదిరించారంటూ దిల్లీ అసిస్టెంట్ కమిషనర్ ఆఫ్ పోలీస్ వివేక్ భగత్ ఇచ్చిన ఫిర్యాదు మేరకు పార్లమెంట్ స్ట్రీట్ పోలీస్ స్టేషన్‌లో ఎఫ్ఐఆర్ నమోదైంది.

    ప్రధాన ఎన్నికల కమిషనర్ జ్ఞానేశ్ కుమార్‌కు వ్యతిరేకంగా జరిగిన నిరసనలలో శాంతి భద్రతల పరిరక్షణలో విధులలో ఉన్న తనను ఓ జర్నలిస్టు కులంపేరుతో దూషించారని ఆయన ఫిర్యాదులో పేర్కొన్నారు. ఈ విషయాన్ని తాను, తన ఆపరేటర్, కానిస్టేబుల్ రవి దహియా విన్నారని తెలిపారు.

    అయితే అక్టోబర్ 3న దిల్లీలో ప్రధాన ఎన్నికల కమిషనర్ జ్ఞానేశ్ కుమార్‌కు వ్యతిరేకంగా జరిగిన నిరసనల సందర్భంగా ఇద్దరు మహిళా జర్నలిస్టులతోపాటు ఓ యువతి పోలీసులపై లైంగిక వేధింపులు, దుష్ప్రవర్తన ఆరోపణలు చేశారు. ఈ ఆరోపణలు ఎదుర్కొంటున్న పోలీసులలో ఏసీపీ వివేక్ భగత్ కూడా ఉన్నారు.

12. 15 అక్టోబర్ 2026గుడ్ మార్నింగ్

    బీబీసీ న్యూస్ తెలుగు లైవ్ పేజీ అప్‌డేట్లకు స్వాగతం,

    నేను బీబీసీ ప్రతినిధి ఖగేశ్. మధ్యాహ్నం 2 గంటల వరకు ముఖ్యమైన వార్తలను మీకు అందిస్తాను.

    నిన్నటి లైవ్ పేజీ కోసం ఈ లింక్‌నుక్లిక్ చేయండి.

13. 14 అక్టోబర్ 2026గుడ్‌నైట్

    ఈ లైవ్ పేజీని ఇంతటితో ముగిస్తున్నాం.

    ఈరోజు ముఖ్యమైన వార్తలు కొన్నింటిని ఇక్కడ చూడండి.ఫ్రాన్స్‌: సూపర్ మార్కెట్లలోని ఫ్రిజ్‌లపై సైబర్ దాడులు, ఉష్ణోగ్రతలు పెంచి లక్షల యూరోలా నష్టం కలించిన దుండగులు

    భర్తను హత్య చేసి డ్రమ్‌లో దాచిన మహిళకు, ఆమె ప్రియుడికి ఉరిశిక్ష

    వైల్డ్‌లైఫ్ ఫోటోగ్రాఫర్ ఆఫ్ ది ఇయర్-2026 అవార్డులు సాధించిన ఎంట్రీల నుంచి టాప్- 9 ఫోటోలు ఇవే...

    ‘‘మహిళలపై లైంగిక వేధింపులను బయటపెడుతున్నా, అందుకే నన్ను చంపాలని చూస్తున్నారు.. ’’

    ఒక ఫేస్‌బుక్ పోస్టుకు వేసిన మరణ శిక్షను రద్దు చేసిన సౌదీ అరేబియా

14. 14 అక్టోబర్ 2026హార్ముజ్ జలసంధిలో భారతీయులున్న నౌకపై దాడి, మంటల్లో చిక్కుకున్న నౌక

15. 14 అక్టోబర్ 2026ఇంద్రకీలాద్రి: అమ్మవారిని దర్శించుకున్న రాష్ట్రపతి ద్రౌపది ముర్ము, మేళతాళాలు, మంగళవాయిద్యాలు, పూర్ణకుంభంతో రాష్ట్రపతికి ఘన స్వాగతం

    

    ఫొటో సోర్స్, I& PR AP

    విజయవాడ ఇంద్రకీలాద్రి కనకదుర్గ అమ్మవారిని భారత రాష్ట్రపతి ద్రౌపది ముర్ము దర్శించుకున్నారు. రాష్ట్రపతి ఇంద్రకీలాద్రికి చేరుకున్న సందర్భంగా ఆలయ అధికారులు, ప్రజాప్రతినిధులు సంప్రదాయబద్ధంగా ఘన స్వాగతం పలికారు.

    విజయవాడ ఎంపీ కేశినేని చిన్ని, రాష్ట్ర హోంమంత్రి వంగలపూడి అనిత, దుర్గగుడి చైర్మన్ బొర్రా గాంధీ తదితరులు ఈ కార్యక్రమంలో పాల్గొన్నారు.

    అనంతరం రాష్ట్రపతి ద్రౌపది ముర్ము కనకదుర్గమ్మ అమ్మవారిని దర్శించుకుని ప్రత్యేక పూజలు నిర్వహించారు.

    ఈ సందర్భంగా ఆలయ అర్చకులు, వేద పండితులు పూజా కార్యక్రమాలు నిర్వహించి రాష్ట్రపతికి వేద మంత్రోచ్ఛారణల నడుమ వేద ఆశీర్వచనం అందజేశారు.

    అమ్మవారి దర్శనం అనంతరం ఆలయ అధికారులు రాష్ట్రపతి ద్రౌపది ముర్ముకు కనకదుర్గ అమ్మవారి లడ్డూ ప్రసాదాన్ని అందజేశారు. అలాగే అమ్మవారి చిత్రపటాన్ని అందించి గౌరవపూర్వకంగా సత్కరించారు.

16. 14 అక్టోబర్ 2026భర్తను హత్య చేసి బ్లూ డ్రమ్‌లో దాచిన మహిళకు, ఆమె ప్రియుడికి ఉరిశిక్ష

17. 14 అక్టోబర్ 2026సిక్కిం గవర్నర్‌గా దుష్యంత్ గౌతమ్ నియామకంపై నిరసనకు మద్దతు తెలిపిన రాహుల్ గాంధీ, దుష్యంత్ గౌతమ్ సిక్కిం కొత్త గవర్నర్‌గా నియమిస్తున్నట్టు ఈ నెల 12నరాష్ట్రపతి భవన్ పత్రికాప్రకటన జారీచేసింది.

    

    సిక్కిం గవర్నర్‌గా దుష్యంత్ గౌతమ్‌ను నియమించడాన్ని వ్యతిరేకిస్తూ ఇండియా గేట్ దగ్గర నిరసన తెలుపుతున్న అంకితా భండారీ తల్లిదండ్రులను కాంగ్రెస్ నేతలు రాహుల్‌గాంధీ, ప్రియాంకగాంధీ పరామర్శించారు.

    లైంగిక వేధింపుల బాధితుల తరఫున పోరాడే సామాజిక కార్యకర్త యోగితా భయానా కూడా వారితో ఉన్నారు.

    "మేమింకా ఇండియా గేట్ దగ్గరే ఉన్నాం. సీబీఐ దర్యాప్తు పూర్తయ్యే వరకు దుష్యంత్ కుమార్ గౌతమ్ నియామకాన్ని తక్షణమే నిలిపివేయాలని అంకితా భండారీ కుటుంబం డిమాండ్ చేస్తోంది" అని యోగితా భయానా ఇన్‌స్టాగ్రామ్‌లో పోస్ట్ చేశారు.

    దుష్యంత్ కుమార్‌ను జైలులో పెట్టాలని అంకితా భండారీ తండ్రి వీరేంద్ర సింగ్ భండారీ డిమాండ్ చేశారు.

    దుష్యంత్ గౌతమ్ సిక్కిం కొత్త గవర్నర్‌గా నియమిస్తున్నట్టు ఈ నెల 12నరాష్ట్రపతి భవన్ పత్రికాప్రకటన జారీచేసింది.

    పౌరీ గఢ్వాల్ జిల్లాలోని గంగా-భోగ్‌పూర్ ప్రాంతంలో ఉన్న వనంతర టూరిస్ట్ రిసార్ట్‌లో అంకితా భండారీ రిసెప్షనిస్ట్‌గా పనిచేసేవారు. 2022లో ఆమెపై లైంగిక దాడి చేసి, ఆమెను హత్య చేసినట్టు ఆరోపణలొచ్చాయి.

    ఈ కేసులో తన పేరు వెలుగులోకి వచ్చిన తర్వాత అప్పటి బీజేపీ జాతీయ ప్రధాన కార్యదర్శి, ఉత్తరాఖండ్ రాష్ట్ర ఇన్‌చార్జ్ దుష్యంత్ కుమార్ గౌతమ్ తనపై ఆరోపణలను ఖండిస్తూ ఫిర్యాదు చేశారు. దీనిపై ఎఫ్‌ఐఆర్ దాఖలయింది.

    హరిద్వార్‌లోని జ్వాలాపూర్ మాజీ ఎమ్మెల్యే సురేశ్ రాథోర్, నటి ఊర్మిళ సనావర్‌ కొందరు గుర్తుతెలియని వ్యక్తులతో కలిసి తనపై పక్కా ప్రణాళికతో నేరపూరిత కుట్ర పన్నారని దెహ్రాడూన్‌లోని దలన్‌వాలా పోలీస్ స్టేషన్‌లో నమోదైన ఫిర్యాదులో దుష్యంత్ గౌతమ్ ఆరోపించారు.

    అంకితా భండారీ హత్య కేసు దర్యాప్తు, చార్జిషీట్, కోర్టు విచారణ ప్రక్రియలన్నింటిలో తన పేరు ఎక్కడా ప్రస్తావనకు రాలేదని కూడా దుష్యంత్ గౌతమ్ చెప్పారు.

    ఫిర్యాదులో కాంగ్రెస్ పార్టీపై కూడా ఆయన ఆరోపణలు చేశారు.

18. 14 అక్టోబర్ 2026వైల్డ్‌లైఫ్ ఫోటోగ్రాఫర్ ఆఫ్ ది ఇయర్-2026 అవార్డులు సాధించిన ఎంట్రీల నుంచి టాప్- 9 ఫోటోలు ఇవే...

19. 14 అక్టోబర్ 2026జనసేనలో చేరిన వంగవీటి రాధ

    

    ఫొటో సోర్స్, JANASENA

    టీడీపీ నేత వంగవీటి రాధాకృష్ణ జనసేనలో చేరారు. పార్టీ కండువా కప్పి వంగవీటి రాధను పవన్ కల్యాణ్ సాదరంగా ఆహ్వానించారు.

    పార్టీలో చేరేందుకు జనసేన కేంద్ర కార్యాలయానికి బుధవారం సాయంత్రం వచ్చిన వంగవీటి రాధాకృష్ణను పవన్ కల్యాణ్ ఆత్మీయంగా ఆలింగనం చేసుకుని స్వాగతం పలికారు.

    అనంతరం వంగవీటి రాధ తన అనుచరులను పవన్ కల్యాణ్‌కు పరిచయం చేశారు. జనసేన పార్టీ సిద్ధాంతాల కోసం కలసికట్టుగా పని చేద్దామని, ప్రజాసేవలో సమష్టిగా ముందుకు వెళ్దామని పవన్ వారితో అన్నారు.

20. 14 అక్టోబర్ 2026ఫ్రాన్స్‌: సూపర్ మార్కెట్లలోని ఫ్రిజ్‌లపై సైబర్ దాడులు, ఉష్ణోగ్రతలు పెంచి లక్షల యూరోల నష్టం కలిగించిన దుండగులు