అసెంబ్లీ ఎన్నికలు -2026 : తమిళనాడు సీఎం స్టాలిన్ ఓటమి
తమిళనాడు ముఖ్యమంత్రి, డీఎంకే అధినేత ఎంకే స్టాలిన్ కొలత్తూరు అసెంబ్లీ నియోజకవర్గంలో ఓటమి పాలయ్యారు. టీవీకే అభ్యర్థి వీఎస్ బాబు 8,795 ఓట్ల మెజార్టీతో ఆయనపై విజయం సాధించారు. వీఎస్ బాబుకు 82,997 ఓట్లు రాగా, స్టాలిన్‌కు 74,202 ఓట్లు దక్కాయి.
సారాంశం
- తమిళనాడు, అస్సాం, కేరళ, పశ్చిమబెంగాల్ రాష్ట్రాలతోపాటు కేంద్రపాలిత ప్రాంతమైన పుదుచ్చేరి శాసనసభల ఎన్నికల ఫలితాలను ఆయా రాష్ట్రాలపై క్లిక్ చేసి తెలుసుకోండి.
- తమిళనాడులో సినీనటుడు విజయ్ టీవీకే పార్టీ దూసుకుపోతోంది. వందకుపైగా స్థానాలలో ఆధిక్యంలో ఉంది.
- పశ్చిమబెంగాల్లో బీజేపీ ఆధిక్యంలో ఉంది.
- కేరళలో యూడీఎఫ్ ముందంజలో ఉంది.
- కేరళలో కమ్యూనిస్టుల చివరి కోట పతనం అంచుకు చేరింది.
లైవ్ కవరేజీ
ఇంద్రకీలాద్రి: అమ్మవారిని దర్శించుకున్న రాష్ట్రపతి ద్రౌపది ముర్ము, మేళతాళాలు, మంగళవాయిద్యాలు, పూర్ణకుంభంతో రాష్ట్రపతికి ఘన స్వాగతం
ఫొటో సోర్స్, I& PR AP
ఫొటో క్యాప్షన్, ఇంద్రకీలాద్రి అమ్మవారిని దర్శించుకున్న రాష్ట్రపతి విజయవాడ ఇంద్రకీలాద్రి కనకదుర్గ అమ్మవారిని భారత రాష్ట్రపతి ద్రౌపది ముర్ము దర్శించుకున్నారు. రాష్ట్రపతి ఇంద్రకీలాద్రికి చేరుకున్న సందర్భంగా ఆలయ అధికారులు, ప్రజాప్రతినిధులు సంప్రదాయబద్ధంగా ఘన స్వాగతం పలికారు.
విజయవాడ ఎంపీ కేశినేని చిన్ని, రాష్ట్ర హోంమంత్రి వంగలపూడి అనిత, దుర్గగుడి చైర్మన్ బొర్రా గాంధీ తదితరులు ఈ కార్యక్రమంలో పాల్గొన్నారు.
అనంతరం రాష్ట్రపతి ద్రౌపది ముర్ము కనకదుర్గమ్మ అమ్మవారిని దర్శించుకుని ప్రత్యేక పూజలు నిర్వహించారు.
ఈ సందర్భంగా ఆలయ అర్చకులు, వేద పండితులు పూజా కార్యక్రమాలు నిర్వహించి రాష్ట్రపతికి వేద మంత్రోచ్ఛారణల నడుమ వేద ఆశీర్వచనం అందజేశారు.
అమ్మవారి దర్శనం అనంతరం ఆలయ అధికారులు రాష్ట్రపతి ద్రౌపది ముర్ముకు కనకదుర్గ అమ్మవారి లడ్డూ ప్రసాదాన్ని అందజేశారు. అలాగే అమ్మవారి చిత్రపటాన్ని అందించి గౌరవపూర్వకంగా సత్కరించారు.
భర్తను హత్య చేసి బ్లూ డ్రమ్‌లో దాచిన మహిళకు, ఆమె ప్రియుడికి ఉరిశిక్ష
సిక్కిం గవర్నర్‌గా దుష్యంత్ గౌతమ్ నియామకంపై నిరసనకు మద్దతు తెలిపిన రాహుల్ గాంధీ, దుష్యంత్ గౌతమ్ సిక్కిం కొత్త గవర్నర్‌గా నియమిస్తున్నట్టు ఈ నెల 12నరాష్ట్రపతి భవన్ పత్రికాప్రకటన జారీచేసింది.
ఫొటో క్యాప్షన్, అంకిత్ భండారీ తల్లిదండ్రులను కలిసిన రాహుల్ గాంధీ సిక్కిం గవర్నర్‌గా దుష్యంత్ గౌతమ్‌ను నియమించడాన్ని వ్యతిరేకిస్తూ ఇండియా గేట్ దగ్గర నిరసన తెలుపుతున్న అంకితా భండారీ తల్లిదండ్రులను కాంగ్రెస్ నేతలు రాహుల్‌గాంధీ, ప్రియాంకగాంధీ పరామర్శించారు.
లైంగిక వేధింపుల బాధితుల తరఫున పోరాడే సామాజిక కార్యకర్త యోగితా భయానా కూడా వారితో ఉన్నారు.
"మేమింకా ఇండియా గేట్ దగ్గరే ఉన్నాం. సీబీఐ దర్యాప్తు పూర్తయ్యే వరకు దుష్యంత్ కుమార్ గౌతమ్ నియామకాన్ని తక్షణమే నిలిపివేయాలని అంకితా భండారీ కుటుంబం డిమాండ్ చేస్తోంది" అని యోగితా భయానా ఇన్‌స్టాగ్రామ్‌లో పోస్ట్ చేశారు.
దుష్యంత్ కుమార్‌ను జైలులో పెట్టాలని అంకితా భండారీ తండ్రి వీరేంద్ర సింగ్ భండారీ డిమాండ్ చేశారు.
దుష్యంత్ గౌతమ్ సిక్కిం కొత్త గవర్నర్‌గా నియమిస్తున్నట్టు ఈ నెల 12నరాష్ట్రపతి భవన్ పత్రికాప్రకటన జారీచేసింది.
పౌరీ గఢ్వాల్ జిల్లాలోని గంగా-భోగ్‌పూర్ ప్రాంతంలో ఉన్న వనంతర టూరిస్ట్ రిసార్ట్‌లో అంకితా భండారీ రిసెప్షనిస్ట్‌గా పనిచేసేవారు. 2022లో ఆమెపై లైంగిక దాడి చేసి, ఆమెను హత్య చేసినట్టు ఆరోపణలొచ్చాయి.
ఈ కేసులో తన పేరు వెలుగులోకి వచ్చిన తర్వాత అప్పటి బీజేపీ జాతీయ ప్రధాన కార్యదర్శి, ఉత్తరాఖండ్ రాష్ట్ర ఇన్‌చార్జ్ దుష్యంత్ కుమార్ గౌతమ్ తనపై ఆరోపణలను ఖండిస్తూ ఫిర్యాదు చేశారు. దీనిపై ఎఫ్‌ఐఆర్ దాఖలయింది.
హరిద్వార్‌లోని జ్వాలాపూర్ మాజీ ఎమ్మెల్యే సురేశ్ రాథోర్, నటి ఊర్మిళ సనావర్‌ కొందరు గుర్తుతెలియని వ్యక్తులతో కలిసి తనపై పక్కా ప్రణాళికతో నేరపూరిత కుట్ర పన్నారని దెహ్రాడూన్‌లోని దలన్‌వాలా పోలీస్ స్టేషన్‌లో నమోదైన ఫిర్యాదులో దుష్యంత్ గౌతమ్ ఆరోపించారు.
అంకితా భండారీ హత్య కేసు దర్యాప్తు, చార్జిషీట్, కోర్టు విచారణ ప్రక్రియలన్నింటిలో తన పేరు ఎక్కడా ప్రస్తావనకు రాలేదని కూడా దుష్యంత్ గౌతమ్ చెప్పారు.
ఫిర్యాదులో కాంగ్రెస్ పార్టీపై కూడా ఆయన ఆరోపణలు చేశారు.
వైల్డ్‌లైఫ్ ఫోటోగ్రాఫర్ ఆఫ్ ది ఇయర్-2026 అవార్డులు సాధించిన ఎంట్రీల నుంచి టాప్- 9 ఫోటోలు ఇవే...
జనసేనలో చేరిన వంగవీటి రాధ
ఫొటో సోర్స్, JANASENA
ఫొటో క్యాప్షన్, జనసేనలో చేరిన వంగవీటి రాధ టీడీపీ నేత వంగవీటి రాధాకృష్ణ జనసేనలో చేరారు. పార్టీ కండువా కప్పి వంగవీటి రాధను పవన్ కల్యాణ్ సాదరంగా ఆహ్వానించారు.
పార్టీలో చేరేందుకు జనసేన కేంద్ర కార్యాలయానికి బుధవారం సాయంత్రం వచ్చిన వంగవీటి రాధాకృష్ణను పవన్ కల్యాణ్ ఆత్మీయంగా ఆలింగనం చేసుకుని స్వాగతం పలికారు.
అనంతరం వంగవీటి రాధ తన అనుచరులను పవన్ కల్యాణ్‌కు పరిచయం చేశారు. జనసేన పార్టీ సిద్ధాంతాల కోసం కలసికట్టుగా పని చేద్దామని, ప్రజాసేవలో సమష్టిగా ముందుకు వెళ్దామని పవన్ వారితో అన్నారు.
ఫ్రాన్స్‌: సూపర్ మార్కెట్లలోని ఫ్రిజ్‌లపై సైబర్ దాడులు, ఉష్ణోగ్రతలు పెంచి లక్షల యూరోల నష్టం కలిగించిన దుండగులు
‘‘మహిళలపై లైంగిక వేధింపులను బయటపెడుతున్నా, అందుకే నన్ను చంపాలని చూస్తున్నారు.. ’’
బిహార్ పడవ ప్రమాదంలో 13మంది చిన్నారులు మృతి
ఫొటో సోర్స్, ANI
ఫొటో క్యాప్షన్, పడవ ప్రమాదంలో గల్లంతయినవారికోసం గాలింపు జరుగుతోంది. బిహార్‌లోని వైశాలి జిల్లా రాఘోపూర్ దగ్గర మంగళవారం రాత్రి(అక్టోబర్ 13) గంగా నదిలో పడవ బోల్తా పడటంతో 13 మంది చిన్నారులు మరణించారు.
"సమాచారం అందిన వెంటనే అధికార యంత్రాంగం తక్షణ సహాయక చర్యలు చేపట్టింది. 13మంది మృతదేహాలను వెలికితీశారు. మృతుల్లో తొమ్మిదిమంది బాలికలు, నలుగురు బాలురు ఉన్నారు. వాళ్లంతా 15 ఏళ్లలోపు వారే" అని జిల్లా కలెక్టర్ వర్షాసింగ్ చెప్పారు.
"ఆరుగురిని రక్షించి ఎన్ఎంసీహెచ్‌లో చికిత్స అందిస్తున్నారు. వీరిలో ఇద్దరు పెద్దవాళ్లు, నలుగురు పిల్లలు ఉన్నారు. అందరూ క్షేమంగా ఉన్నారు" అని ఆమె తెలిపారు.
సూర్యాస్తమయం తర్వాత పడవలను నడపకూడదని జిల్లా యంత్రాంగం ఇప్పటికే ఆదేశాలు జారీ చేసిందని అన్నారు.
ప్రమాదానికి గురైన పడవ ప్రైవేటుగా రిజిస్టర్ అయిందని, ఆ పడవ ఎవరి పేరుమీద రిజిస్టర్ అయిందో ఆ వ్యక్తిపై తదుపరి చర్యలు తీసుకుంటామని చెప్పారు.
ఒక ఫేస్‌బుక్ పోస్టుకు వేసిన మరణ శిక్షను రద్దు చేసిన సౌదీ అరేబియా
వద్దన్నా కుప్పలు తెప్పలుగా ‘క్యాష్ ఆన్ డెలివరీ’ పార్సిళ్లు, తట్టుకోలేక విదేశాలకు వెళ్లిపోయిన ఇన్‌ఫ్లూయెన్సర్
ఎయిర్ ఇండియా విమానం జైపూర్‌లో అత్యవసర ల్యాండింగ్ - ఏం జరిగింది?
ఫొటో సోర్స్, ANI
ఫొటో క్యాప్షన్, ఫ్రాంక్‌ఫర్ట్ నుంచి దిల్లీ వస్తున్న ఎయిర్ ఇండియా విమానానికి బాంబు బెదిరింపు రావడంతో జైపూర్‌కు మళ్లించారు. ఫ్రాంక్‌ఫర్ట్ నుంచి దిల్లీ వస్తున్న ఎయిర్ ఇండియా విమానానికి బాంబు బెదిరింపు రావడంతో జైపూర్‌కు మళ్లించారు.
విమానాన్ని జైపూర్‌లో అత్యవసరంగా దించారని, అధికారులు విమానాశ్రయానికి చేరుకుంటున్నారని పీటీఐ వార్తా సంస్థ పేర్కొంది.
మరోపక్క ఎయిర్ ఇండియా విమానం ఏఐ2030 జైపూర్ అంతర్జాతీయ విమానాశ్రయంలో సురక్షితంగా దిగిందని, హైజాక్ బెదిరింపుల నేపథ్యంలో భద్రతా తనిఖీలు చేస్తున్నారని ఏఎన్ఐ వార్తా సంస్థ తెలిపింది. హైజాక్ బెదిరింపులపై ప్రస్తుతం విచారణ జరుగుతోంది.
జాతీయ జెండా ఎగురవేసినవారిని జైల్లో పెట్టడం పిరికితనం -రాహుల్
ఫొటో సోర్స్, @RahulGandhi
ఫొటో క్యాప్షన్, సీజేపీ నేతలు అశుతోష్ రాంకా, సౌరవ్ దాస్ అరెస్టుపై స్పందించిన కాంగ్రెస్ ఎంపీ రాహుల్ గాంధీ జంతర్ మంతర్‌లో జాతీయ జెండా ఎగరేయడం నేరం కాదు, కానీ ఆ పనిచేసిన కొందరిని జైల్లో పెట్టడం పిరికితనమే అన్నారు లోక్‌సభలో విపక్ష నేత రాహుల్ గాంధీ.
సీజేపీ నేతలు అశుతోష్ రాంకా, సౌరవ్ దాస్‌ను దిల్లీ పోలీసులు అరెస్ట్ చేసి, జ్యుడిషియల్ కస్టడీకి పంపడంపై కాంగ్రెస్ ఎంపీ రాహుల్ గాంధీ తన ఎక్స్ ఖాతాలో స్పందించారు.
“జంతర్ మంతర్‌లో త్రివర్ణ పతాకాన్ని ఎగరేసి శాంతియుతంగా నిరసన తెలపడం నేరం కాదు. యువకులను జైల్లో వేయడం పిరికితనం” అని రాహుల్ గాంధీ విమర్శించారు.
"విద్యార్థులు, యువతరం, జర్నలిస్టులు, ‘ఇండియా’ బ్లాక్ పార్టీల బ్యానర్లు వేర్వేరు కావచ్చు. కానీ లక్ష్యం మాత్రం ఒక్కటే. ఒకే విషయం గురించి నిరసనలు జరుగుతున్నాయి. పౌరులు తమ రాజ్యాంగబద్ధమైన హక్కులను కోరుతున్నారు. జంతర్ మంతర్ దేశ ప్రజలది. దాన్ని తిరిగి సాధించుకుంటాం’’ అని రాహుల్ స్పష్టం చేశారు.
ఇదే అంశంపై ఆమ్ ఆద్మీ పార్టీ రాజ్యసభ ఎంపీ సంజయ్ సింగ్ కూడా సోషల్ మీడియాలో విమర్శించారు.
"త్రివర్ణ పతాకాన్ని ఎగరేసి, భారత్ మాతాకి జై అని నినాదాలు చేసిన సీజేపీ నేతలు అశుతోష్ రాంకా, సౌరవ్ దాస్‌ను మీరు జైలుకు పంపించారు. యువతతో పెట్టుకోవద్దు మోదీజీ, త్వరలోనే మీ నియంతృత్వానికి ముగింపు పలుకుతారు" అని సంజయ్ సింగ్ రాసుకొచ్చారు.
మంగళవారం జంతర్ మంతర్‌లోకి అక్రమంగా చొరబడ్డారని సీజేపీ నాయకులపై దిల్లీ పోలీసులు కేసు నమోదు చేశారు.
మనం మాట్లాడుకోవడం తగ్గిస్తున్నామా? దారి తెలియకపోతే అడగడం కూడా మానేశామా?
పాకిస్తాన్‌: ఇమ్రాన్ ఖాన్ కంచుకోటలో ఎమర్జెన్సీ, ప్రభుత్వం తప్పు చేస్తోందంటున్న నిపుణులు
సీజేపీ నేతలు సౌరవ్ దాస్, అశుతోష్‌కు 5 రోజుల కస్టడీ
ఫొటో సోర్స్, @abhijeet_dipke
ఫొటో క్యాప్షన్, సీజేపీ నేతలు సౌరవ్ దాస్, అశుతోష్ రాంకా జంతర్ మంతర్‌లోకి అనుమతి లేకుండా ప్రవేశించారనే ఆరోపణలపై సీజేపీ నేతలు సౌరవ్ దాస్, అశుతోష్ రాంకాను మందిర్ మార్గ్ పోలీసులు అరెస్ట్ చేశారు. అనంతరం వారిని ఎగ్జిక్యూటివ్ మెజిస్ట్రేట్ ముందు హాజరుపరిచారు. అనంతరం వారిని 5 రోజుల జ్యుడీషియల్ కస్టడీకి తరలించారు.
అంతకు ముందు సీజేపీ నేతల అరెస్టుపై కాక్రోచ్ జనతా పార్టీకి చెందిన న్యాయ వ్యవహారాల చీఫ్ రత్న సింగ్ ఆగ్రహం వ్యక్తం చేశారు.
"న్యాయవాదులను కలిసేందుకు కూడా వారిని అనుమతించలేదు. తెల్లవారుజామున 3 గంటలకు ఒక ప్రైవేట్ వాహనంలో వారిని పార్లమెంట్ స్ట్రీట్ పోలీసు స్టేషన్‌కు తీసుకువచ్చారు. అయితే ఎన్ని ఇబ్బందులు పెట్టినా వారి మనోధైర్యం ఏమాత్రం తగ్గలేదు." అని పేర్కొన్నారు.
"అనుమతి లేకుండా ప్రవేశించడం, బాండ్ షరతులు ఉల్లంఘించడం, ప్రభుత్వ అధికారుల విధులకు ఆటంకం కలిగించడం వంటి అభియోగాలు సీజేపీ నేతలపై మోపారు" అని రత్న సింగ్ 'ఎక్స్'లో పోస్ట్ చేశారు.
బిహార్: బోటు బోల్తా, 13 మంది పిల్లలు మృతి
ఫొటో సోర్స్, ANI
ఫొటో క్యాప్షన్, బిహార్‌లోని బోటు బోల్తా పడి 13మంది చిన్నారులు మృతి బిహార్‌లోని వైశాలి జిల్లా రాఘోపూర్ పోలీసుస్టేషన్ పరిధిలోని గంగా నదిలో మంగళవారం రాత్రి పడవ బోల్తా పడింది.
ఈ ఘటనలో 13 మంది పిల్లలు మరణించారు.
పడవలో ఒకే గ్రామానికి చెందిన కొంతమంది ఒక విందు కోసం మరో గ్రామానికి వెళుతున్న సమయంలో ప్రమాదం జరిగింది.
భగ్తాన్ తోలా (రాంపూర్ శ్యామ్‌చంద్ పంచాయతీ)లోని మాతా మహారాణి స్థాన్ సమీపంలో సింగేశ్వర్ రాయ్ అనే వ్యక్తి ఇంట్లో జరిగే విందు కోసం సుమారు 20 మంది ఒక చిన్న పడవలో బయల్దేరారని స్థానికులు చెప్పారు.
“ఏడుగురిని రక్షించి నలంద మెడికల్ కాలేజ్ అండ్ హాస్పిటల్‌కు తరలించారు. పడవలో ఉన్న పిల్లలందరూ 15 ఏళ్లు లేదా అంతకంటే తక్కువ వయస్సు గలవారే” అని వైశాలి జిల్లా మేజిస్ట్రేట్ వర్షా సింగ్ తెలిపారు.
అయితే, ఘటనా స్థలానికి అధికారులు చేరుకోవడానికి, చర్యలు తీసుకోవడానికి ఎక్కువ సమయం తీసుకున్నారని స్థానికులు ఆరోపిస్తున్నారు.
"ఈ ప్రమాదం మంగళవారం రాత్రి 8:30 గంటలకు జరిగింది. 15 నుంచి 20 మంది పిల్లలు ఒక చిన్న ప్రైవేట్ పడవలో ప్రయాణిస్తున్నట్లు సమాచారం అందింది. ఆ పిల్లలు పక్క గ్రామంలోని విందుకు వెళ్తున్నారు. రాత్రంతా రక్షణ చర్యలు కొనసాగాయి. 13 మంది మృతదేహాలను వెలికితీశారు." అని వర్షా సింగ్ అన్నారు.
సురక్షితంగా బయట పడ్డ వారిలో కొందరికి మెరుగైన చికిత్స అందించేందుకు పట్నా తరలించారు.
నీటిలో మునిగిపోయిన ఈ గ్రామానికి కోహినూరు వజ్రానికి లింకేంటి, జనం ఇంకా అక్కడ ఎందుకు తవ్వుతున్నారు?
‘పోప్‌కు లంగ్ క్యాన్సర్ సర్జరీ విజయవంతం’
ఫొటో సోర్స్, Getty Images
ఫొటో క్యాప్షన్, "ఆపరేషన్ విజయవంతమైంది, ఎటువంటి సమస్యలు లేవు," అని వాటికన్ తెలిపింది. పోప్ లియో XIVకు ఊపిరితిత్తుల క్యాన్సర్ ఉన్నట్లు నిర్థరణ కావడంతో శస్త్రచికిత్స చేశారని, ఆపరేషన్ విజయవంతమైందని వాటికన్ ప్రకటించింది.
రోమ్‌లోని జెమెల్లీ ఆసుపత్రిలో 71 ఏళ్ల పోప్‌కు మంగళవారం 90 నిమిషాల పాటు ఈ శస్త్రచికిత్స జరిగింది.
"ఆపరేషన్ విజయవంతమైంది, ఎటువంటి సమస్యలు లేవు," అని వాటికన్ తెలిపింది. "ఆపరేషన్ తర్వాత పోప్ లేచి బయటకు వచ్చి, కాసేపు వైద్యుల పర్యవేక్షణలో ఉండి తిరిగి తన గదికి వెళ్లారు," అని వెల్లడించింది.
సాధారణ పరీక్షలు చేసినప్పుడు క్యాన్సర్ గడ్డను గుర్తించినట్టు వాటికన్ పేర్కొంది.
పోప్ సుమారు వారం రోజుల పాటు ఆసుపత్రిలోనే ఉంటారు.
గుడ్ మార్నింగ్, బీబీసీ తెలుగు లైవ్ పేజీ అప్‌డేట్లకు స్వాగతం,
నేను బీబీసీ ప్రతినిధి ఖగేశ్. మధ్యాహ్నం 2 గంటల వరకు ముఖ్యమైన వార్తలను మీకు అందిస్తాను.
నిన్నటి లైవ్ పేజీ కోసం ఈ లింక్‌ను క్లిక్ చేయండి.